هذي نصيحة من تجربتة عشتها لما كنت في صلالة الموسم لي فات 2008
انا كل سنة اروح على مدى 10 سنوات على بداية شهر 8 ان شاء الله ما يكون في تلاعب واستغلال في اسعار ايجارات السكن مثل السنة لي فاتت 2008 يعني اتأكدوا من الأسعار أو حجز السكن قبل لا تسافرون
لأن الموسم لي فات فقط كان تعيس وما ارتحنا فيه بسبب الأسعار لي ارتفعت من 300 الى 1000 و 1500 درهم للشقة العادية غرفتين وصالة وياليتها نظيفة عيل لو مؤجر فيلا كم بتطلع علي
واذا تبا ارخص احتمال اتلاقي بس برع مدينة صلاله
واذا تبا ارخص احتمال اتلاقي بس برع مدينة صلاله
والله يا اخوان شفت بعض العوائل نايمة في البر
لي ما لقى سكن ولي قعد يوم ورد بسبب الاسعار الاستغلالية لأنه ما كان حاسب حساب الميزانية واذا ما تبغي تسكن غيرك بيسكن هذا كان الشعار
لي ما لقى سكن ولي قعد يوم ورد بسبب الاسعار الاستغلالية لأنه ما كان حاسب حساب الميزانية واذا ما تبغي تسكن غيرك بيسكن هذا كان الشعار
كأننا مب في دولة خليجة شقيقة تقول رايح سويسرا معقولة لهذي الدرجة استغلال يعني ما حسيتوا في هالعائلة لي جاية من بعيد عشان يقضون كمن يوم يستانسون فيه مع أبنائهم وبعد كل هذي المسافة لي قطعوها يتفاجؤن بهذي الاسعار عيل لي جايين من الرياض او جدة وش يسون
والله كسرت خاطري عائلة من دولة خليجية رجال مع حرمته وعيالة لي ما تجاوزوا الثلاث والست سنين يلفون من شارع لشارع طول الليل حتى غرفة مالقوا 
والله هذا الكلام من واقع تجربة شفتها بعيني
واسمحولي على الاطالة لكن من زود العذاب والقهر لي شفناه 
الله يسامح لي استغلوا الموسم والله أخاف يشوهون سمعة هذي المدينة الجميلة بسبب هذي الأمور المنحطة لصالح جيوبهم
الله يسامح لي استغلوا الموسم والله أخاف يشوهون سمعة هذي المدينة الجميلة بسبب هذي الأمور المنحطة لصالح جيوبهم
حسبي الله ونعم الوكيل
نحن نسر نرقد في الخيم حتى لو كانت الدنيا فاضيه ورخيصه لانه ماله طعم نسير رحله ونرقد في فندق
وعقب نكمل الدرب من صلاله على حوف ونفس الشي نرقد في الخيم ونسير مقناص وكشته ونرد
ولاندفع فلس واحد في السكن غير الخيم الي عندنا وفلوس السكن نحطه في البترول والاكل ونكون تكشتنا طول شهر كامل بشي بسييييييييييط جدا مايزيد عن 2000 للشخص الواحد
طبعا اقصد رحله وياشباب هب عايله
بالـــتــوفيق إن شـــــــــاء الله
مرحبا اخوي
المشكلة الفنادق ماتنفع للعوائل الكبيرة مثلا انت واخوانك وعيالهم يعني يبالك فلا كبيرة من خمس او ست غرف مع المجالس واغلب العوائل تسوي كذا وهي مب موجودة على الانترنت ولي محتكرين هالسوالف مكاتب الايجار المحلية لي في صلالة وأغلبهم لما تتصل لهم يقولون لك اسف ما اقدر احجز لك على الهاتف وش يضمني انك بتيي ويقولك لو جاني شخص عندي فالمكتب بطيرها وما بترياك
شو منضرك وانته راقد في الشارع وام بهدل اهلك وياك بدل متكون رحله تصير نقمه ,الحين تقدر تحجز من النت وتفك عمرك شوف سعر القرفه كم وشو موصافاتها واتصل بالفندق وشوف كم بيعطيك اياه وقارن بين السعر والمميزات مثل 3ايام والرابع بلاش وفي بلفطور او بدونه واهم شي نوع القرفه لانه في الاستندر والديلوكس و الجونير سويت و السوبر ديلوكس وتختلف المسميات علي حسب الفندق و النجوم