السلام عليكم و رحمة الله و بركاته
أخواني،
أنا حاب أقدم في مؤسسة الإمارات للطاقه النوويه ENEC، بس المشكله إني ما أعرف المراتب الموجوده و على أي أساس يتم حساب الرواتب فيها. اللي أنا خايف منه، إني أطلع من شغلي و ألتحق بهم بسبب فرق الراتب، و عقب أكتشف إني بديت السلم من أول و يديد. و هذا بالضبط اللي يصير مع كثيرين من اللي يلتحقون عندنا في الدوام. لأنهم يكتشفون إنهم غلطوا غلطة حياتهم يوم ما عرفوا السلم الوضيفي عندنا و طريقة حساب الرواتب.
فـ إذا في حد يعرف بعض التفاصيل عن هالمؤسسه، يخبرني. و رجاءاً، مابا حد يقولي “سمعت” و “قالولي”، أبا واحد يكون واثق من نفسه، المسأله فيها إستقاله و توظيف، مب لعبه.
و إذا حد بيسويلي واسطه، كثّر الله ألف خيره. << خخخخخ، من بدايتها قام يشحت.
مع خالص شكري، مقدما.
عسى الله يوفقك يا مندوب منتدانا في اتصالات ^__^
الصراحة قريب اتخرج دبلوم متوسط في ادارة المشاريع
وعندي نفس استفساراتك
الله يوفقك ويوفقنا
امين
وعليكم السلام ورحمة الله وبركاته
استخير يالغالي
واذا كنت مرتاح في دوامك لاتظهر منه وتتوهق بين ملوثه في المكان اليديد .
والله يوفقك في حياتك
ونشوفك يا هندسة عالم نوووي تكسر لنا راس أحمدي نجاد
الله يوفقكـ يـآخوي
و مثل مـآ قـآلوآ الـأخوآن استخير ربكـ
دمت في حفظ الـبـآري
اطالب الامم المتحدة بوضع عقوبات عليك بسبت النووي
والله خطوة جيدة ومستقبلها ان شاء الله يكون حلو
لكن مثل ما قلت لازم تسال وتدرس وتستخير قبل كل شي
وربنا يوفقك ان شاء الله