السلام عليكم و رحمة الله و بركاته
أخواني،
أنا حاب أقدم في مؤسسة الإمارات للطاقه النوويه ENEC، بس المشكله إني ما أعرف المراتب الموجوده و على أي أساس يتم حساب الرواتب فيها. اللي أنا خايف منه، إني أطلع من شغلي و ألتحق بهم بسبب فرق الراتب، و عقب أكتشف إني بديت السلم من أول و يديد. و هذا بالضبط اللي يصير مع كثيرين من اللي يلتحقون عندنا في الدوام. لأنهم يكتشفون إنهم غلطوا غلطة حياتهم يوم ما عرفوا السلم الوضيفي عندنا و طريقة حساب الرواتب.
فـ إذا في حد يعرف بعض التفاصيل عن هالمؤسسه، يخبرني. و رجاءاً، مابا حد يقولي “سمعت” و “قالولي”، أبا واحد يكون واثق من نفسه، المسأله فيها إستقاله و توظيف، مب لعبه.
و إذا حد بيسويلي واسطه، كثّر الله ألف خيره. << خخخخخ، من بدايتها قام يشحت.
مع خالص شكري، مقدما.
أنا مستانس في دوامي،
بس ياخوي غلط تحصل فرصه تنفتحلك في مجال آخر و تودّرها.
ما عليك إنته،
عقب ما أداوم في النووي، بيكون الوضع “يا أنا، يا نجاد“.
تصدق،
هذا اللي شايل همه،
الله لا يقدّر تعصّب أمريكا علينا و تمنع عنّا النووي،
أول واحد بياكلها أنا
بتلقوني أترجى الإتصالات يردوني.
من جي أنا ناوي أطلع عنهم بدون أي شوشره.
<< تفكير لبعيد. 
أوب أوووووووووووب،
بو مروان ويانا. فينك يا راااااجل.
تهون عليك العشره الطويله هذي و تودرنا ؟ << أخاف ردك يكون شرات ما أنا بسوي بالإتصالات.
هلا والله بخوي عاشق العين،
عسى ماشر؟ ما قمنا نشوفك !!
أنا آخر رد شفته لك كان في موضوع الغر الحشيم يوم قلت إن النساء لهن تعامل آخر في المنتدى. و من عقبها، ما شافتك العين.
أدري أدري، كنت في إجازه.
بخصوص العشره،
أخونها و أخون أبوها بعد.
إحنا ويا اللي يدفع أكثر.
(سوالف)
مشكور ياخوي على المشاركه،
و النك القادم بعد الإلتحاق بالمؤسسه بيكون “إدّيها نووي، تدّيك طراوه“.
والله يالطيب كثير ناس يفكروا يشتغلوا في الطاقة النووية. انا سمعت ان عروضهم ممتازة واحد ربيعي دارس هندسة بترول دخل المقابلة وهو دارس هندسة بترولية قالوله بندعمك تكمل دراسة وراتبك بيكون تقريبا 40000 وعقب ما تخلص بيوصل لل 70000 للمواطن
والبعض ينعطى كورسات خارج البلد للتطوير
هو يعتمد على العرض والوظيفة المعروضة واللجنة هناك تقرر فصعب الواحد يعرف شو الوضع
الشغل في الموقع خارج ابوظبي وشفتات مادري وين بس يباله وقت لي ما يتم انشاء الموقع بس بيكون شغل مظبوط لان الدولة ناوية تصرف على مجال الطاقة البديلة لتامين مستقبل البلد واحتياجات الطاقة المستقبلية
هذا موقعهم تقدر تعبي السي في وترسله وانت يالس في مكتبك انت ما بتخسر شي روح المقابلة واسال
ظ…ط¤ط³ط³ط© ط§ظ„ط¥ظ…ط§ط±ط§طھ ظ„ظ„ط·ط§ظ‚ط© ط§ظ„ظ†ظˆظˆظٹط© – ط§ظ„طµظپط*ط© ط§ظ„ط±ط¦ظٹط³ظٹط©