السلام عليكم و رحمة الله و بركاته
أخواني،
أنا حاب أقدم في مؤسسة الإمارات للطاقه النوويه ENEC، بس المشكله إني ما أعرف المراتب الموجوده و على أي أساس يتم حساب الرواتب فيها. اللي أنا خايف منه، إني أطلع من شغلي و ألتحق بهم بسبب فرق الراتب، و عقب أكتشف إني بديت السلم من أول و يديد. و هذا بالضبط اللي يصير مع كثيرين من اللي يلتحقون عندنا في الدوام. لأنهم يكتشفون إنهم غلطوا غلطة حياتهم يوم ما عرفوا السلم الوضيفي عندنا و طريقة حساب الرواتب.
فـ إذا في حد يعرف بعض التفاصيل عن هالمؤسسه، يخبرني. و رجاءاً، مابا حد يقولي “سمعت” و “قالولي”، أبا واحد يكون واثق من نفسه، المسأله فيها إستقاله و توظيف، مب لعبه.
و إذا حد بيسويلي واسطه، كثّر الله ألف خيره. << خخخخخ، من بدايتها قام يشحت.
مع خالص شكري، مقدما.
بالتوفيق اخوي متعني وربي يكتبلك اللي فيه الخير ان شاء الله
مشكور أخوي على المعلومات القيمه.
هم بالفعل قابلوا و وظفوا وايدين. من كم يوم مطرشين بعض الموظفين لدورات في الخارج.
أنا دخلت موقعهم سابقا و ذكرته في أول مشاركه لي، بس المشكله إن موقعهم مافيه وظايف إداريه عليا. كلها للمتدربين الجدد او الوظايف الدنيا (بإستثناء وظيفه وحده). هذا غير إنهم مب ذاكرين الدرجات الوضيفيه ولا الرواتب المعمول بها. و هذا اللي مخلّني أتردد أقدم عندهم.
حسب علمي، إن هالمرحله هي مرحلة التخطيط و البناء لمستقبل هالمؤسسه. لأن المحطات لم يتم إنشائها حتى الآن. بالتالي لا أعتقد أن الوظائف الإداريه العليا في هالمحطات قد تم شغرها بعد.
أنا شكلي بشل بعمري و بسير لهم واللي كاتبنه الله بيصير.
Jobs at ENEC
بالتوفيق ….
انزين والوظايف الادارية كيف رواتبهم ؟
حد يعرف؟
من أصعب الخيارات التي مرت في حياتي
أنك توافق بين مواهبك ومميزاتك بين علمك و عملك المستقبلي
أتمنى لك التوفيق أخوي