السلام عليكم و رحمة الله و بركاته
أخواني،
أنا حاب أقدم في مؤسسة الإمارات للطاقه النوويه ENEC، بس المشكله إني ما أعرف المراتب الموجوده و على أي أساس يتم حساب الرواتب فيها. اللي أنا خايف منه، إني أطلع من شغلي و ألتحق بهم بسبب فرق الراتب، و عقب أكتشف إني بديت السلم من أول و يديد. و هذا بالضبط اللي يصير مع كثيرين من اللي يلتحقون عندنا في الدوام. لأنهم يكتشفون إنهم غلطوا غلطة حياتهم يوم ما عرفوا السلم الوضيفي عندنا و طريقة حساب الرواتب.
فـ إذا في حد يعرف بعض التفاصيل عن هالمؤسسه، يخبرني. و رجاءاً، مابا حد يقولي “سمعت” و “قالولي”، أبا واحد يكون واثق من نفسه، المسأله فيها إستقاله و توظيف، مب لعبه.
و إذا حد بيسويلي واسطه، كثّر الله ألف خيره. << خخخخخ، من بدايتها قام يشحت.
مع خالص شكري، مقدما.
السلام عليكم
وين مكان العمل ؟
أقصد في حال توظفت مع المؤسسة هذه, وين مقر عملهم ؟
و هل المعاش يمشي كامل في فترة الكورسات اللي تكون خارج الدولة ؟
تحياتي للجميع و أسمحلي أخوي المتعني أني اكفلت على موضوعك هههه
بالتوفيق أخوي و الله يرزقك بما تحب
بو عيسى