بسم الله الرحمن الرحيم
السلام عليكم ورحمة الله وبركاته
هذا موضوع تكمله للموضوع السابق والاسبوع السابق وبنحاول فيه ان امكن انحدد فيه سلبيات وايجابيات السوقين والله الموفق
الموشر العام لسوق دبي
بنبدى بالايجابيات موشرات السهم عسل وحلوه واتقولك انطلق والله معاك والله ايزيد ارباحك وبالنسبه للسهم انه السهم كون منحفظ اول او بمعنى قاع اول وبعده اتبعه قاع ثاني اعلى من القاع الاول وموضح الكم بالشارت وهذا ايجابي كسر خط ترند هابط وليد والاغلاق اعلى منه وهذا ايجابي ايضا للسوق واموضح بالشارت بمعنى لغاية الحين الايجابيه واضحه
والحين نتكلم عن السلبيه بس لانه انحاول انوضح الصوره على اساس المستثمره مايدور راسه وهو مو عارف هل دخول او خروج او شو السالفه
تكوين شمعه طويله سوده ولي كانت بتاريخ 10/2 وقمة الشمعه تعتبر نقطة مقاومه عنيد بالنسبه لهل الانواع من الشموع وثاني حاجه تقريبا الشمعه امكونه باشكالها نموذج سلبيه وصراحه المهم اي بمعنى انه لو الاحد الله وفقنا وقدرنا نتجاوز قمة الشمعه ولي اهي بسعر 5775 يعتبر شي جيد وايجابي جدا وخصوصا لو اغلق اعلى منها والله الموفق ومباندخل بالتفاصيل بالنسبه للموشر وبنحاول نتعمق اكثر بالنسبه للشركات وهذا شارت توضيحي بالنسبه لخط الترند الصاعد وخط الترند الهابط ونقطة الكسر والدائره الحمره الشمععه السوده الطويله وباقي الشموع الى مازالت تتداول داخل نطاق الشمعه السوده معا العلم انه لو ماقدرنا بيوم الاحد نتجاوز نطاق الشمعه السوده فا الحذر واجب من السوق وعدم الدخول الا بنطاقات مضاربه خطف سريعه ويفضل الخروج بنفس اليوم
وان شاء الله مابين اليوم وبكره بنكمل الموضوع والله الموفق
ونرجع لموضوعنا
العربيه للطيران
موشرات ايجابيه اعتلاء السهم خط ترند صاعد وليد وهذا جيد ولتاكيد الايجابيه اكثر يجب على السهم بتداول بكره كسر خط الترند الهابط الوليد ولي اهي تقريبا بحدود 2.09 كسرها وبحجم تداول عالي والاغلاق اعلى منها جيد ويفضل لو كان الاغلاق على 2.10 او اعلى منه للتاكد من عملية الاختراق ويصحبها حجم تداول عالي
اما السلبيه كسر 2.07 بحجم تداول كبير يعتبر سلبي ويعتبر انه كسر خط الترند الصاعد الوليد
نقاط الدخول هي كالتالي افتتاح السهم اعلى من 2.09 وثباته مابين افلاس محدوده جدا بمعنى مدى فلسين او 3 افلاس وثباته بحدود ساعه اول التداول معا قوة واضحه بعمليات الشراء تعتبر منقطه دخول والهدف الاول 2.14 غيره مااانصح بالدخول وخصوصا لو كسر 2.07 وبحجم عالي
ومعا العلم انه اخر شمعة تداول سلبيه وهي حاليا تعتبر انه السهم بالقمه كانت قوى البيع بيوم الخميس اكبر من قوه الشراء
امان
موشرات ايجابيه جدا شموعه ايجابيه احترامه لخط الترند الصاعد الوليد بتجاوز الغد كاحترام امان لخط الترند الصاعد بتكون نقطه دعمه القويه 27.15 وتعتبر نقطة دخول وكااقوى مقاومه للسهم وهي بحدود 29.45 وتعتبر نقطة تخفيف حموله او خروج من السهم والانتظار خارجه وحاليا السهم من جميع النواحي الفنيه ممتاز وان شاء الله بيقدر يعطي اكثر بتداول الاحد وكانقاط دخول اما الدخول بحالة وصول السهم لخط الترند 27.15 وتعتبر نقطه دخول جيده او افتتاح السهم على 28.35 والثبات اعلى منها بحدود ساعه معا عدم وجود كميات بيع كبيره تعتبر نقطة دخول ثانيه والخروج بحدود 29.45 ومو شرط انه يوصل له بالظبط بس بحدود والله ايوفقكم
املاك
سهم المضاربات حاليا يمر بتداول افقي ورغم انه عمليات الشراء تغلب بنسبه بسيطه اكثر عن عمليات البيع معا العلم انه بتداول الخميس كان حجم تداول بسيط جدا المهم ثباته فوق 4.72 يعتبر جيد للسهم وباذن الله بياخذنا لي اول نقاطه وهي 4.77 تذبذبه بهل المجال يعطيك فرص مضاربه خمس فلس وهاذي كاول ساعه تداول وتعتبر ايضا نقطة دخول جيده لانه باذن الله بياخذنا لحدود النقطه 4.84 او بحدودها بمعنى تعتبر نقطة الدخول 4.77 وكسرها نقطه ثانيه للدخول وكسر 4.72 وبحجم تداول جيد تعتبر النقطه الثانيه للدخول والمهم هي 4.60 كاهم نقطه بالنسبه لمسار السهم بتداول الغد والله ايوفقكم
ارامكس
ايجابياته كسر خط ترند هابط وليد وهذا جيد لكن معا العلم انه الكسر كان معا حجم تداول بسيط واقل عن اليوم الى قبله والصراحه هاذي الايجابيه الوحيده الى شفتها بهل السهم بس ماعليه ايجابيه جيده
نقاط الدخول هي كالتالي ثبات السهم بحدود ساعه في اول التداول تعتبر نقطه دخول جيد وهي 3.11 ولي اهي نقطة كسر خط الترند الهابط معا الانتباه لو انه السهم وصل اول مره للنقه 3.11 وارتد منها وان شاء الله لو ارتد بيجرب النقطه 3.15 او بحدوده يعني تعتبر مضاربه سريعه ورجع مره ثانيه للنقطه 3.11 يفضل عدم الدخول والمغامره فيه وهذا كاول نقطه وخصوصا لو كان حجم التداول اعلى من تداول الخميس اختراقه للنقطه 3.15 او كاادقى 3.16 يعتبر ايجابي ويفضل الاحتفاظ بالسهم والتخفيف بحدود النقطه 3.22 والله ايوفقكم
ديار فيه من الايجابيات البسيطه من ناحية الموشرات وبتداول الامس كانت قوى البيع اكثر عن قوى الشراء
وديار امكون نموذج الشموع مثله مثل الموشر العام وللتوضيح النوعيه هاذي من الشموع سلبيه جدا بمعنى لو اتحققت السهم بينزل اكثر عن السابق وممكن ايكون له قاع جديد المهم عسى مااتتحقق والايجابيه انه السهم حاليا ومن ثلاث ايام تداول سابق امكونه كل يوم قاع وقاع اعلى من القاع السابق وسعر اغلاق اعلى عن اليوم السابق وهذا جيد للسهم نقاط الدخول بالنسبه للمضاربين بتداول الغد تجاوز السهم 2.53 ايكون جيد وبحجم تداول عالي والاغلاق اعلى منها وكاهم نقطه تجاوز السهم الشمعه السوده الطويله الموضحه بالشارت وبعدها نقدر انقول الله معاك وممتاز جدا ولي الحين السهم يتداول بنطاقها ولي اهي بسعر 2.67 كااعلى سعر كادنى سعر 2.46 كسر ادنى سعر وبحجم تداول عالي يفضل عدم الدخول والانتظار والله ايوفقكم
والنا لقاء بعد الغدى
مرتبط نفسيا هي لانه اشوف ماخلوا سوق الا ربطونا نفسيا فيها
تعال الكونجرس والفارس الموضوع السابق تتفاولون علينا فيه بسبت الدوامات والحين ارتبطنا اثناء التداول وانا ماعرف ايلس وقت التداول ويله كله منكم شيخي الكونجرس عندي اسبوع في بوظبي وعلى قولتهم فرة حصى ولا انا عندكم انت بس خبرني متى العشى ومايهمك الا انا والعشيره واهل الغربيه كلهم عازمنهم عندك والله ايوفقكم جميعا
كعادتك مبدع ياخوي دائما ماشاء الله عليك بس ماقلتلي متى ياي العين ؟؟
بعدين ياخوي نقطه مهمه جدا الي هي ربط اسواقنا بسوق الامريكي والي هو حاليا يحاول تقليص خساير امس
جزاك الله خير اخويه زماني على هالتحليل دايم مبدع ما شاء الله عليك…..
بارك الله فيك ……كلامك عسل يا مبدعنا . المؤشر مخنوق يحتاج يتنفس شوي
اعتقد الترند الهابط تم اختراقه لكن لم يتزامن معه ارتفاع في الكميات المتداوله ….. المشكله الثانيه الربط النفسي مع الاسواق الامريكيه . اما المؤشرات الفنيه فهي ايجابيه ….
كل الشكر والتقدير لمبدعنا زماني مجهود تشكر عليه