السلام عليكم ورحمة الله وبركاته
يمكن الموضوع اللي بقوله مكرر اكثر عن مره وبطرق مختلفه بس ياجماعة الخير هذي السالفه زادة عن حدها ،المهم انا الاسبوع الماضي كنت مع واحد من الربع في مركاتو في يوم الخميس وكنا حابين ندخل السينما وان اول مره ادخل سينما مركاتو وكانت زحمه واكثر الحضور كانن الحريم من جميع الجنسيات والاعمار ومن الدوله بعد ،المهم دخلنا الفلم وطلعنا وقبضنا الخط ورجعنا ابوظبي ، وكالعاده التقينا امس الخميس في مرينا مول علشان نشوف فلم وكنا نريد نشوف فلم مال يهال كرتون يعني وانا كنت شال ولدي الصغير عمره 6 سنوات واول ما وصلنا حق نقص التذاكر انصدمنا من الزحمه الاف قدام التذاكر ومنصة الاكل والبهو مال السينمه لكن ولا واحد يريد يدخل السينمه شباب اعمارهم او اطفال اعمارهم تحت 16 سنه ما عندهم شغل وبالاف واقفين كل واحد يطالع الثاني لكن المصيبه بنات اعدادهن اضعاف اعداد الشباب ونصهن مش لابسات شي ومواطنات بعبي تقول لابسه دلاغ او هيل هوب مش عباه والوافدات الصراحه الجنز القصير الي فوق الركبه بمتر اكثر ما شفة والبطون برع واللي مركبه برغي في سرها والبنات اللي يشبهن الشباب والشباب تقول قطيع غنم كل ما مرة وحده تمو وراها تقول شاله سبوس بتطعمهم والمصيبه الكبيره والله انها مصيبه ياجماعه بنت مواطنه لابسه تي شيرة وتنوره ومتعصمه بسفره ومتعصمه بسفره ولا شال بعد ، الصراحه صدمه انا وربيعي يوم كنا راجعين من دبي الاسبوع الماضي يلسنا نعلق على البنات ولبسهن ونقول الوضع جذيه بدبي بسبب الجاليات المتنوعه فيها ، الصراحه الحين نعلق على شو ولا شوه ضعنا ياجماعه والحال استو خربان والظاهر ما بنشوف غير هذي الاشكال كل خميس او نغير روحتنا حق السينمه الين يوم الاثنين ، واسمحولي اخواني والله من القهر اللي فيني كررة هذا الموضوع عليكم
16 thoughts on “مابين مركاتو دبي ومرينا مول ابوظبي”
Comments are closed.
للاسف ياخوي صاحب الموضوع ..الحال وصل فينا لاردى المستويات …
الواحد ما يقدر يروح سنتر ويا عايلته عشان مايشوفن هالاشكال والغنم والتيوس والبقر وكل اشكال الحيوانات اللي فيها …
لبس بذيء من قبل النساء..والشباب طاحين في هالجينز اللى سامانه من ورا كله طالع ..والله امسوي في ويهه شوارع…
والثور اللى لابس جينز ومتعصم !!!!!!!!
كل واحد يبي الناس تشوفه …وكل هذا بسبب الابتعاد عن الدين الاسلامي …وتطبيق حرية امريكا عندنا …
وعن الكندورة وانقراضها ..ترى الموضوع جرب ..
تصور ..مرة كنت على خور دبي من جهة ديرة وكان وقت اذان المغرب ..ادور مسجد لقيت واحد على الخور من الجهة الثانية .. قلت لربيعي بنركب العبره
وبنسر هاك المسيد ..عاد ونحن في العبرة وسط الخور ..مرت علينا عبره ثانية وفيها اجانب شقر ..تصدق شغلو كاميراتهم وقاموا يصورونا ويقولون ..ساي تشييييييز …
انا وربيعي ضحكنا ..بس ضحكه فيها حزن ..كنا نقول لبعض ..بيينا يوم ننقرض وبنصير مثل الهنود الحمر ..شوي شوي بتنقرض الكندورة وعقبها العباية والفال للمواطن الاصلي ..
ياخوي انا اطري الجنز اللي بالي بالك مش الجنز العادي الي كلنا نلبسه ، ان البس جنز مرات كثيره بس ان اطري الجنز الثاني ، وحتى الجزء اللي ان اقول فيه اني شفت بنت لابسه قتره يعني مكوره السفره على راسها وهي لابسه تنوره وتي شيرة عادي ياخوي هذي مش حريه او شي عادي هذا دمار ، يمكن الموضوع ما نقرأ عدل عند بعض النواخذه لكن شكرا على المرور
لكن ما فيها شي لو الواحد لبس جينز؟ شو يعني جريمة؟ بالعكس أنا أشوف الجينز عملي أكثر في بعض الاماكن..
هذه حرية شخصية.. ومب معناتها أنه منحرف ولا أهله ما عرفوا يربونه.. ما في داعي نحكم على الناس بالمنظر..
مجرد وجهة نظر.. والسموحة
الله يستر علينا وعلى جميع المسلمين
اذا كان رب البيت بالدف ضاربا فشيمة اهل البيت الرقص
اللوم على الاهالي
اللوم على الاب اللاهي في اشغاله وتجارته ويلسات القهاوي
اللوم على الام اللاهيه في تدليع العيال الى حد الابتذال والسهرات والفساتين والاتكال على الخدم
اقول
يا حافظ على البلاد اذا هذا جيل المستقبل