توني راجع من المزاد وهاي اهم النقاط :
* المزاد المفروض الساعه 10,30 بس افتتح الساعه 11,30
* الحضور ضعيف جدا يمكن بس 15 الى 20 شخص ومنهم 90% تجار
* قيمة الارقام الاسميه كانت مغريه بس على منو 
في واحد يالس على اليسار اذا الرقم بـ 100 الف يقول 300 الف
والزين محد يزيد عليه بعد , اكيد عرفتو منو هالشخص ( راعي المزاد )
* انتهى المزاد خلال نص ساعه تقريبا !!!
السبب انه كل رقم يفتتح عالي ومحد يزيد ويتم بيعه على نفس صاحبه !!
وعلى طول للرقم ال بعد و….
* مجموعه من الارقام تم بيع جميعها بسعر 200,000 السبب:
قيمته الاسميه 100,000 الناس تمشي شوي شوي 110 و 120
يقوم صاحبنا ويقول 200,000 مع انه لو جاد كان يقدر ياخذه بـ 150,000 بس تعرفون السبب
مايحتاي اكمل …
* ……………………….
* ………………………
* لو اتم اكتب مابخلص
* فالاخير المزاد فاشل 100% من كل النواحي الدعايه واللعب والمصخره وااضحه
تحياااااااااااتي
اصلا امبين وواضح المزاد شكله مصخره ؟ وبعدين نحن الحمدالله عندنا الخبره فى الارقام لازم من شروط المزاد الاداره العامه والدائره الاقتصادية وهيئة التنظيم للمزادات ايكونوا متواجدين علشان محد يتلاعب كلامى صح ولا غلط اشكركم جميعا
العفو عزيزي …
اخوي هالاسعار مادل ولا 1% عن حالة السوق
اخوي مثال :
20002 بيع بـ 200,000
30003 بـ 200,000
60006 بـ 200,000
80008 بـ 200,000
90009 بـ 200,000
هو كان يقول 200,000 عسب اي واحد يقول 210 يعطيه اياه
احس ماله دعي احط الاسعار روحي مقهوور من الي صار
السلام عليكم ورحمة الله وبركاته
أشكرك حبيب الكل على المجهود والله يعطيك العافيه
بس ياليت تعطيني الأرقام ومع اسعارهن حتى لو وهميه
عشان انعرف حالة السوق
ياليت اتفيدنا للعلم فقط.
لو كنت تاجر ارقام غلطان اتقول هالكلام
بالعكس لازم اتسير وتشوف الوضع وتكون
متواجد قدر المستطاع دام فيه اي شي يخص الارقام
لاخذ الخبره فالبدايه ومعرفة وضع السوق اول بأول