ماذا يعني لكم التسوق ؟؟
سمعت اعلان يقول:
زوجتي تمارس هوايتها التسوق واتعشى واتمشى ههههههه اعتقد اغلبنا سامعين هذا الاعلان
سمعت اعلان يقول:
زوجتي تمارس هوايتها التسوق واتعشى واتمشى ههههههه اعتقد اغلبنا سامعين هذا الاعلان
المهم فانا استغربت هل من المعقول التسوق هواية !!
يعني عادي الحرمة تسير تصرف بيزاتها على اللي تبغي واللي ما تبغيه عشان بس هواية وتبغي تسدها
والا التسوق لحاجة ضرورية تحتاجها الاسرة
وقرات مقال يوم من الايام ان بعض الحريم اذا تزعل من ريلها والا معصبة تسير تتسوق وترتاح اعصابها
طبعا هذا الشيء مب بس بالخليج كان المقال يتكلم عن كل الدول العربية !!!!
ما اعرف هل انتم معاي ان التسوق للحاجة فقط ؟
واللي عندها هواية التسوق فيكم
انصحها تتسوق لعائلة محتاجة بتسد هوايتها وحاجة اسرة 
وربي يكتب لها الاجر باذن الله وترتاح هي
ان بيزاتها ما ضاعت منها باشياء ما تسوى
واتمنى الفائدة للجميع ^_^
التسوق ضروري بالنسبه لنا ..
والصراحه بالنسبه لي احلى شي عندي في وقت السفر هو المشترا ما قبل السفر
لازم احجز قبلها يوم على الاقل في دبي ويكون مخصص للتسوق …
اما الاعياد .. اووووووووووف .. ما احب التسوق في هذيك الايام عشان الزحمه .
وشكرا ع الموضوع
الريال اخس شئ عنده لما تقوله زوجته ودني السوق
يتحجج باعدار الدنيا كلها
اخس هواية من هوايات البنات بالنسبة للشاب هو التسوق ..
اذا السالفة فيها سوق .. يعني واقف ع ريولي يدام كل محل نص ساعه يمكن اكثر و القهر يطلعون من المحل و اياديهم خاليه
و عقبها يدخلون محل ثاني و نفس الموال .. يعني لو مب المستحى جان وديت وياي حصير كل ما اخذت الاهل .. و عند كل محل
يدخلونه افرش الحصير و ايلس اشرب جاي و اقرى جريده لين يخلصون .. و لما يدخلون محل ثاني اسحب الحصير وياي
التسوق جولتين :
جولة : Scan
والجولة الثانية : أشتري على طول حاجتي وأروح
وبس وماعرف عن السوق أكثر عن هذا
بالتوفيق
انا التسوق عندي لحاجات الضرورية بس ماحب افتر بالمحلات والاسواق الا ادا عندي شغلى ضرورية ابي اشرتيها وانا طبعي بيتوية اكثر ماخرج الا للضرورة القصوى
والي تزعل من ريلها اقولها تروح تسوي رياضة وبترتاج بدل ماتخسر ريلها فلوسه على شئ مايسوي شحقه
ومرات من اسمع اسر محتاجة وربي قلبي يتقطع مومحصلين حتى مايكلون بيومهم وهاديلا يصرفون الاكو والماكو على اشياء تافهة شنقول حريم