مانحتفل بك نحن ياثنين ديسمبر!

من قديمي .. وكل عام والامارات وحكام وشعب الامارات بألف خير

ورحم الله الشيخ زايد بن سلطان آل نهيان – والشيخ راشد بن سعيد آل مكتوم – والشيخ راشد بن حميد النعيمي – والشيخ خالد بن محمد القاسمي – والشيخ مكتوم بن راشد آل مكتوم – وأطال أعمار حكامنا جميعا، وحفظ دولتنا وسائر بلاد المسلمين من كل سوء

ما نحتفل بك نحن يا اثنين ديسمبـر
نحنـا احتفلنـا بدولتنـا و بانيهـا

اقرب اذا انته بغيت العلم خذ و اسهر
معنا ترى هذي اعلومـي و تاليهـا

قبل اتحاد السبع ما يوم ذكـرك مـر
واليوم حتى الثوانـي فيـك نحييهـا

إقرب وشوف الفرح والسعد لي كبّر
بقدوم ذكرى اتحـادٍ راسـخٍ فيهـا

فز القصيد الـذي معشوقتـه أكبـر
من هالقصايد وثوب الحب يكسيهـا

فز وتهيـّا وشـل السيـف وتعطـر
باسم الإمارات يااللي المسك طاريها

واتوشح العز وعيون الملا يسحـر
يقرا احتفال المحبه فـي أراضيهـا

يا دولة المجد فيها الحـب يتصـور
إلها ولجـل الـذي بالعـزم يبنيهـا

الشيخ زايد إذا هـي تنذكـر يذكَـر
مقرون اسمها باسم الشيـخ واليهـا

القايد اللي شعوب الأرض به تفخـر
الوالد اللـي إلـى العليـا يجديهـا

الحاكم العادل اللـي حكمتـه تظهـر
في كل حين وبياض الفعـل يعطيهـا

فصل لرمل الصحاري ثوبه الأخضر
واختالت البيد فـي ثـوب يزهيهـا

وارسى دعايم بلاد عشقهـا يكبـر
في كل قلب شرب من فيض واديهـا

بالطيب داوي جفاف الماضي وطور
لين أثمر الصخر روض في مغانيهـا

شيخ رعانا وفي عين الزمن سطـر
أصدق محبه رعيـه لجـل راعيهـا

الله يـزيـده محبه..أكثر..وأكـثـر
والله يديـم الـذي حقـق أمانيهـا

والله يهنيه بالصحة وعن كـل شـر
يحفظه سالم علـى عالـي روابيهـا

عهد علينا يـادار الخيـر والمرمـر
يادار زايـد رفيـع الشـان مغنيهـا

إنا نصون الوطن بحر وجـو وبـر
ونكون سيف الندم في نحر أعاديهـا

نورد حياض المنيه لوهي موت أحمر
لجل الإمارات شبر بشبـر نحميهـا

ونكون قد الاسم في هالزمن الاغبـر
بيض الفعايل بياض الويـه نهديهـا

أهلا.. هلا بك..هلا يا اثنين ديسمبر
رحب بك الشعر يـا زايـر فيافيهـا
—
—
إشرب وذوق الفرح والطيب والسكر
من فضل زايد عيونك شعر نرويهـا

مع أجمل تحية من أخيكم