اعزائي الكرام
اريد مشورتكم وخبرتكم في اجود انواع المكيفات المركزية للفلل المتوسطة الحيث اني بصدد شراء مكيف مركزي ولاكنني متردد في النوع بماذا تنصحون ولكم جزيل الشكر والتقدير
ومنهم الوكلاء في مدينة العين اذا وجدوا
اخوكم الرويس
15 thoughts on “ماهو افضل مكيف مركزي لو سمحتم”
Comments are closed.
السلام عليكم
أخوي عندك ماركة ترين الإمريكي والوكيل جمعة الماجد (التايلندي أرخص من الإمريكي لنفس الماركة)
الصيانة ممتازة والمكيف ما عليه كلام ….. عيبه الوحيد أنه غالي
انا قبل عشر ايام ركبت سوبر جنرال الصراحه وايد اوكي لاني كنت مركبه مكيف بس ما اذكر من اي نوع كان يقطر وايد ماي وكل مره ايون يصلحونه بمبلغ وقدره وبعد فتره يرجع نفس الشي
بس مع سوبر جنرال وايد اوكي هادي وما يطلع صوت وايد الحمد الله بارد
والسموحه
كريرا الامريكي احسن مكيف
واتوقع انك بتدعيلي ان شاء الله
واتحمل كريرا الامريكي مش السعودي
صادق يا خوي…
والله المكيف عندي ما استخدمه لفترات طويلة… لاني طلعاتي كثيرة و ما اقر بالمرة في البيت…يعني بالاسبوع يا دوووووب استخدمه ثلاث او اربع ايام بالكثير…. لو استخدمه يوميا ما اظني بيكون شغال لليوم…
ونفس المشكلة حاصلة لي…بالضبط امكمل اياهم سنه واسبوع… ثلاث مرات متصل فيهم… والقهر ياخرونك في الصيانه… وأخر فترة التصليح بين المرة الثانية والاخيرة صار لها ثلاث اسابيع تقريبا…والقهر اخر مرة يوم ياني الفني قال لي يمكن ما انصلحه على الضمان…لان الضمان منتهي من 5 ايام…قلت له يالمكيف يا مركز الشرطة…
والحينة المكيف في الصيانه لانه فيه تسرب في زيت الكمبروسر… بعد 4 ايام بيوون يركبونه…بعد اذا ما اخروني…
والله اني تعبت من قد ما راكضت وراهم…
وهذي تجربتي من مكيف المستر (بيشي) و الحمد لله عندي مكيف وايد…وان شاء الله اكس (احمر) عليهم…
بس في النهاية يمكن انا الوحيد اللي ما لي حظ في هالشركة و الناس مرتاحة منها…
وفي النهاية لك القرار… والله يوفقك يا خوي….
كارير عن تجربه ممتاز الصراحه
بالنسبه للصيانه عادي انا مش مهتم فيها وايد
في السنه مره اسويله تنظيف و تشييك غاز
و ماشاء الله شغال ميه ميه
و الوكيل ماله مقابل متحف قصر العين
نفس سيد الفلل اللي فيه المستشفى التخصصي