ماهو الشيء الذي غير مجرى حياتك ؟

26 thoughts on “ماهو الشيء الذي غير مجرى حياتك ؟”

1. القرآن غير مجرى حياتي…….شي من الامور ماتتيسر الا بقراءة القران

2. إلي غير مجرى حياتي أول مرة مسج بالغلط من إنسان ماكنت اعرفه والحين أحبه و اعزه واغليه
   (سبحان الله المحبة بالقلوب )

   وثاني موقف غير الشي الكثير فيني هالآية
   (ومن يتق الله يجعل له مخرجا ويرزقه من حيث لايحتسب) صدق الله العظيم

   وبس

   يعطيكم العافية

   سبحان الله هالآية تأثر فيني أثر فظييييع ويوم أتذكرها ما أحمل هم شي أبدا

   ربي يوفقك أخوي و يكثر احبابك

3. الي غير حياتي 180 اني غلطت غلطه عمري بس اتعلمت من غلطتي ودفعت الثمن ومثل ما ايقولون غلطه الشاطر اب الف ( لا ايروح تفكيركم ابعيد ^_^)

   بس الحلو في الموضوع اني قمت اقدر واعرف جيمه كل دقيقه وثانيه

   علاقتي وايد قوت اباهلي لدرجه اني ماابي اطلع من البيت واي اجازه احب ايلس وياهم وقمت

   قبل كنت ابدي الغريب بس الحين اهلي ثم اهلي ثم اهلي فديتهم والله

   بالنسبه لشخصيتي قوت اكثر ولله الحمد وقمت اعرف كيف اتصرف واحاسب خصوصا في تعاملي ويا الشباب (تفكرهم واااااااااااااايد ايروح ابعيد)

   من ناحيه المستوى العلمي اتشجعت ان اكمل دراستي والحمدالله دشيت الكليه وسجلت

   وشي ثاني اتعلمته ان ما اتاثر بالناس السلبين ابدا

   مختصر الحديث اتغيرت لدرجه اني انا مب انا ^_^

   يعطيج العافية هيه والله صدقج المفروض الواحد أبد ما يتأثر بالناس السلبييين سبحان الله سلبيتهم وفشلهم ينتقل للواحد بدون ما يحس

4. الحياة وحياة غيري غيرت حياتي ..

5. الوالده والوالد !!!!الله يحفظهم احسنوا تربيتي
   زوجتي ام عيالي !!!الله يحفظها احسنت عشرتي
   عيالي لم يعقوا والديهم الله يحفظهم
   جميعهم غيروا حياتي كلا بطريقته

Comments are closed.