انا من المتعاملين مع بنك دبي الاسلامي منذ اكثر من عشر سنوات وبصراحه كان من افضل البنوك في التعامل والاداء والحرفيه والتسهيلات والخدمات المميزه ومع مرور الوقت وفي الاونه الاخيره ومن خلال اطلاعي وجدت انه تراجع المستوى واصبح يميل لفرض رسوم على كل خدماته مع ان عدد العملاء في ازدياد ونمو كبير وكذلك كثره التأخير في المعاملات وحتى اصبح الخط الهاتفي غير مجاني وكذلك خدمه الرسائل النصيحه والتأخير في اصدار دفتر شيكات واشياء اخرى لم اذكرها
مع كل هذا اتمنى على البنك الذي انا من اشد المعجبين به ان يراجع خدماته ويعودنا على ماهو افضل ومريح للمتعاملين اللذين يرونه من البنوك الافضل
اريد ان اعرف رأي الموجودين كذلك ؟؟
طيب مو هو افضل بنك ولماذا ؟
مشكلتهم الزحمة الشديدة اللي عندهم،،،، المفروض يفتحون فروع في كل منطقة ،، أيضا المفروض يزيدون لمت السحب اليومي من 7000 إلى 15000 حتى يقللون من حاجة الناس لمراحعة البنك للسحب..
اكملت ما يقارب العقدين من الزمن مع دبي الاسلامي
وبعد ان انتقلت عنهم الى مصرفي الحالي عرفت مقدار الظلم الذي كنت قد ارتكبته بحق نفسي
دبي الاسلامي يا ساده هو افشل بنك واسأل مجرب ولا تسأل طبيب
اتعس بنك فى الوجود
انا من 11 سنه حسابي في بنك دبي الاسلامي
واقولها مليون مره وقلتها في ويه المدير ونايبه
بنك فاشل
فاشل
فاااااااااااااااشل
انا مثل ما قلت 11 سنه في البنك .
يقولكم بس آخر موضوع صارلي في البنك قبل سنه .
انا عندي معرض سيارات وطبعا السيارات اشتريهم وابيعهم واحيانا الماليه ما تكفيني فاظطر آخذ السياره بتمويل بنكي . واول شي لازم الجأ له البنك اللي حسابي فيه .
المهم قدمت على طلب تمويل السياره ويبتلهم كل المتطلبات , المهم تمو الين 4 ايام واتصلو فيني وقالو والله نحن آسفين ما نقدر نمولك السياره!!! استغربت قلت ليش لكن بدون اسباب , المهم سرت مصرف بوظبي الاسلامي وقلتلهم الموضوع كذا وكذا واليوم الثاني يت الموافقه , المهم سرت بنك دبي الاسلامي عسب آخر دفتر شيكات عسب البنك الآخر يمولي السياره , اول ما شافني المدير قالي لا خلاص نحن موافقين !!!!
يعني انا بنقالي ولا شو ؟ شو هالمعامله ؟؟؟ يخلونا نراكض ونتعب وبعدين يوم يشوفونا نمول عند بنك ثاني يقولون نحن موافقين !!!
(( للعلم هذي ثالث مره يسوونها فيني ))
والله مصرف بوظبي الاسلامي افضل افضل بنك .
عندهم مندوب يخلص كل شي وانت يالس مكانك ويقولك اندوك مفتاح السياره .