السلام عليكم ورحمة الله وبركاته ،،
في البدايه أشكر جميع العاملين على المنتدي والمشرفين ،، وجهودهم في إزدهاره ومشاركتنا بكل ما هو جديد ومفيد ،، ومراقبة جميع المشاركات وإخراج المنتدى بصوره مشرفه وموضوعيه لاتخرج عن نطاق الإحترام ،، ولكن عندي ملاحظه وهو خذف المشاركات أو المواضيع بدون ذكر الاسباب فهل هذا عدل ، برأي أنه يجب توضيح الأسباب لتنجب التكرار أو لمعرفة ماهو المقبول أو ماهو متقبل !!!
الأحترام واجب عدم تجاوز الخطوط الحمراء واجب ال
الإبلاغ عن تجاوزات بعض الأعضاء في حق أعضاء أخرين واجب ( لكن أنتظر رد الحق )
سؤالي بسيط ،،، ما هي حقوق الأعضاء على المنتدى والقائميين عليه ؟
*ملاحظه :بعد إذن المشرفين على المنتدى ،، أنتظر الإجابه من الأعضاء لمعرفة مدى فهمهم لحقوقهم .
الكاتب : al Romaithi
كلمه إذا هذا المنتدى يقبل النقد يترك الباب مفتوح للأعضاء إبداء الرأي أو إلغاء عضويتي أفضل من حذف الموضوع
وشكرا يالطيب يالغالي
هلا بالطيب الغالي
يقبل النقد ولكن المنطقي فقط لا غير
الكاتب : al Romaithi
أو إلغاء عضويتي أفضل من حذف الموضوع
فااااااااااااااااالك طيب تم حذف عضويتك
الكاتب : al Romaithi
وشكرا يالطيب يالغالي
العفوووووووووو.. انا ما سويت الا الواجب
ولا شكرا على واجب
اخويه كنت تقدر تناقش هالشي من خلال الرسائل الخاصة مع كبير المستثمرين بدون لا تنزل مثل هالمواضيع ..
الحين .. بخصوص الموضوع اللي انته كنت منزلنه وتم حذفه ..
في البداية .. موضوعك مخالف .. والحق حق .. أنا ما أدافع عن كبير المستثمرين أو عن اللي حذف موضوعك !! وأنا ما أوقف ضدك أو ضد أي شخص !!
أنته مب أول شخص ينحذفله مثل هالموضوع .. وكبير المستثمرين كل الأعضاء عنده سواسية والحق حق عنده !!
وانته عزيز نفس ومحشوم وقدرك غالي يا خويه وكبير المستثمرين ما غلط عليك فالرد .. هو كلماته عفوية وما قصد فيها أنه يستهزئ أو نفس ما انته تشوف !!
بالعكس .. كبير المستثمرين شخص محترم وأخلاقه عالية وإنسان نادر وجوده في هالزمن !!
وهذي مب رمستي !! تقدر تلاحظ هالشي من خلال أثر هذا الشخص في المنتدى ومن خلال ردوده مع الأعضاء ! وتقدر تسأل الأشخاص اللي يعرفونه من سنين !!
أنا عيل نفسك !! عضو يديد وصارلي شهرين تقريباً في المنتدى !!
انحذفتلي مواضيع ! وردود .. وتبا الصراحة تضايقت في البداية .. لكن راجعت نفسي وشفت اني تسرعت في الحكم ! لانه كان في أسباب للحذف ..
لكن الحمدلله بعدها .. صرت منزل مواضيع شكثرهن !! والحمدلله ما انحذفلي ولا موضوع او رد ! ولا حسيت أني انظلمت أو صارلي موقف في المنتدى يخليني أحس بالظلم !!
هو ما يقدر يخلي موضوعك انته ,, ويحذف باقي المواضيع !! تخيل المسؤولية اللي عليه .. !!
إذا حذف موضوع .. وترك مواضيع مشابهه له !! بيظلم باقي الأعضاء وبيرضيك انته !! وقبل لا انته تي وتحاسبه !! تراه هو شخص صاحب مسؤولية و الله بيحاسبه إذا سوا هالشي ..
ياخويه لا تنظر للأمور بحساسية .. اعتبر “كبير المستثمرين” هو اخوك العود !! كـ أخ حقيقي من أم وأب !! بتزعل منه لو حذف الموضوع ورد عليك بهالرد العفوي !!
وأيضاً .. ترضى لأخوك أنه يعاملك بمعاملة خاصة ويظلم باقي الأعضاء !!
والسموحة لو ضايقك كلامي وردي يا خويه .. بس والله ما أقصد شي من هالرد ..
ولو أنا ما رديت عليك بهالرد !! أتوقع أنه مب بس عضو واحد !! إلا أعضاء وايدين غيري بيردون عليك ..
والسموحة ..
مرحبا اخوي الرميثي .
توجد هناك قوانين موجوده ومثبته بجميع الاقسام
لو كل عضو اطلع عليها بيعرف شو هو المقبول وشو هو الغير مقبول .
مرات نطرح مواضيع بحسن نيه لكن ننسى القوانين الموجوده وانا واحد منهم
والانسان مب معصوم من الخطاً .
فلازم نتقبل اي اجراء من المراقبين . فهم موجودين عشان خدمة الاعضاء وتنظيم اقسام المنتدى
والسبب على ماعتقد كان واضح بالرساله الي طرحتها لنا .
وعليكم السلام ورحمة الله وبركاته
انا اللي ما عرفت سبب الموضوع يالطيب
عموما راجع قانون المنتدى .. مثل هذه المواضيع ممنوعه يالغالي
اذا كل واحد زادت له نجمه فتح موضوع .. ما بنخلص وبيصبح القسم كله تهاني وتبريكات بالنجوم الجديده
شفنا موضوعك وخليناك تفرح فيه شوي وبعدين حذفناه
وسامحنا يالطيب الغالي
فلازم نتقبل اي أجراء بصدر رحب .
بالنسبه لرد اخونا كبير ليس دفاعاً عنه . لكن هذا هو كبير من عرفناه وخاويناه
كلماته عفويه .ومايقصد فيها شي. بالنسبه لي انا اعذرك اخوي الرميثي
لانك ماتعرف شخصية الاخ كبير المستثمرين .
ان شاء الله مع الايام بتفهم هذا الشخص
دمت بخير