سلام عليكم
شباب حبيت اكتب الموضوع هذا عشان كل يستفيد لان تدرون ان كثير من ناس عندها جتات
الفور استروك ولتوستروك نبي نعرف كيف الواحد يحافظ على محرك دراجه الي عند
عشان تعم فايده على كل نبتدي 4 بعدين 2
15 thoughts on “ماهي طرق محافظه على محركات جت سكي”
Comments are closed.
في شغله مهمه تشييك الدراجه ( الفور استروك ) كل 50 ساعه
شـكــ وبارك الله فيك ـــرا لك … لك مني أجمل تحية .
يعطيك العافيه ومشكور على هالمعلومات
السلام عليك ،، من طرقي الخاصه في المحافظه على الجتسكي اذا كانت يديده قبل ما تنزلها بحر تستخدم قريز على البراغي والكيبلات داخل المكينه والكليبات اللي على الهوزنق وبعض البراغي على البدي ومن الاماكن المهمه الهدروليك واللوك اللي في الغطاء الامامي اللي هو الصندوق اللي جدام،،(وطبعا المحافظه على التريله او القالوصه يعني المحافظه على الدراجه)
التمرين مهم جدا للمكينه اليديده ويعطيها عمر اطول اتباع اللي مبين على الكاتلوج مثلا 1ساعه على ريس المكينه و3ساعات ار بي ام خفيف اقل من 10 مايل في الساعه وتقريبا 3 ساعات تمشي بسرعة ماتجاوز الـ20 مايل في الساعه وبعدها تدرج في السرعه ،،بالمختصر عندك 10 ساعات مرن تحافظ على دراجك بالنسبه للأخوه اللي يشغل الدراجه هي على التريله على المنزال او يربطها عدال الفرضه ويخليها شغاله طول المده ويقول مرنت احب اقول تمرينك غلط لان التمرين لازم يكون متدرج وعلى جميع السرعات وله بوسه
بعد كل مره تنزل الدراجه بحر لازم اسخن على الاقل خمس دقايق على سرعة الدراجه وبعدها تدرج ونفس الشي بعد ماترجع من البحر لاتستخدم الدراجه على سرعات عاليه وتبندها مره وحده لازم تسوي نفس عملية التسخين بس بالعكس يعني مثلا 3 دقايق تخلي الدراجه تمشي على الريس وعقب تطلعها على التريله وتبندها ،،
بالنسبه للفور استروك السوبر اول ما طلعها من البحر وهي على سلوب المنزال شغلها لمدة خمس ثواني فقط مش اكثر وبدون ريس ولاتنفل وبندها ، وبعدها بطل المرازيب وبعد هذا وهو اهم شي سو فلاش للدراجه بس انتبه اول ماتوصل بيب الماي للدراجه مع القطعه الصغيره الخاصه بالفلاش اول شي شغل الدراجه وبعدها على طول افتح الماي وتاكد ان الماي موجود بالضغط على بيب الماي ولغاية ما يطلع الماي من تحت الدراجه اتركها لمدة دقيقه وبعده أول شي بند الماي عقب بند الدراجه ، غسل الدراجه بالماي مع اي نوع من المنظفات وخلها تحف تحت ظله وفي اليوم الثاني او الثالث جيك على اطراف الدراجه بتلاقي شويت ملح حاول تنظفه بقطعة اسفنج مبلوله وبعدها تقدر تطربل الدراجه ،يفضل ان توقف الدراجه بشكل مايل للخلف لان اذا بقى ماي بحر في المحرك انه يطلع ولايرجع للمحرك وهذا خطر جدا على المحرك ،
في حالة كنت بتوقف الدراجه لفتره طويله مثلا في رمضان او الشتاء بالنسبه للتو استروك افصل البتري وحط ايل تو استروك داخل البساتن وبعدها تقدر اطربل وبالنسبه للفور استروك تقدر تستخدم نفس الطريقه بس بأيل فور استروك (انا عن نفس اذا الدراجه فور استرك ما احط ايل عشان اقدر اسويلها فلاش كل اسبوع او اسبوعين ولو مانزلتها بحر عشان ادور ايل المحرك والبساتن والبتري بعد ما يفضي ( لاتنسى المحافظه على بعض القطع المهمه مثلا في حالة وقفت الدراجه لفتره طويله كل فتره حرك السكان لليمين بالكامل والعكس ونفس الشي التحكم في الجت ارفعه اعلى شي والعكس وطبعا اذا قدرة قرز الكيابل واللي تقدر توصله
( القريز اللي اتكلم عنه قريز فليت في نوع لون الفليت ابيض واخضر ولون القريز ابيض) لاتستخدم البل فورتي ابدا وخصوصا في القطع الخارجيه المعرضه للبحر لانه يسرع في عملية الحلى او الصدأ وانا عن نفسي ابدا ما استخدمه الا في حالة اريد ابطل برغي حليان اصلا
لاتزود الدراجه ابدا ولو قالولك ستيج واحد لان التزويد خرشه وبتم ازيد لين تشوف نفسك تعاني مع الدراجه واخطر شي في التزويد على الدراجه موضوع الاقزوز وخراطة الدبه لزيادة الصوت لان يضعف الدراجه وبتتعب مع الوقت واصلا مازيد السرعه (مجرب)وبالنسبه لمراوح التزويد لاتغير مروحة الدراجه الاصليه (نوع السوبر) لان لليوم مافي مروحه انسب من الاصليه والمنتجات الموجوده ممكن تكسر الشفت، اما في بعض القطع تزيد من ثبات الدراجه اعتبرها مفيده مثل الصفيحه اللي تحت وفي قطعه تحت المروحه تزيد من تدفق الماي للمروحه فما تترك مجال للدراجه انها اتفتف يعني كل ما تطلع من البحر بسبب الموي ماتقطع في السرعه ،،
اتمنى مانسيت شي وقدرت افيدكم ،