الاحظ ان الجمال مهم خاصة في هذا العصر اللي كثرت فيه الفتن والجمال الخارجي هو المسيطر هالأيام
صح ان الأخلاق والشخصية مهمة بس بعد الجمال مهم (ان الله جميل يحب الجمال)
وأغلب الشباب هالأيام يفضلون الشكل قبل أي شي
ويختلف مقياس الجمال والقبح من شخص لاخر وكل بنت فيها جمال أو شي يميزها عن غيرها
انت أيها الشاب ,,,
هل تثق في اختيار أهلك لزوجة المستقبل ؟
هل تعتقد ان البنت اللي اختاروها اهلك بتكون مثل لو إنت اللي إخترتها ؟
وإذا كنت تبغي تختار زوجة المستقبل ممكن تخبرنا طريقتك في الاختيار اللي بتمشي عليها ؟
واذا اختارتها امك وما شفتها الا يوم الملجة وما عيبتك كيف بتتصرف؟؟
وسؤالي للبنات ,,,
لو قالج ريلج في الملجة انتي خسفة و أنا انغشيت فيج وأمي مدحتج لي بس مب مثل ما اتخليتج كيف بتكون ردت فعلج؟؟؟؟
الدلع كله على بنات البلاد
والشباب اللي ماخذين وافدات غالبا ما يكونن خسف
انا دايما يوم اشوف بعض المواطنين ويا زوجاتهم الوافدات
اقول مالكم في الطيب نصيب
الردح
وعلى طريقة المصريين
نعم يا روح امك انتى بتتنيل بتقول ايه
هو هنتى طايل انت حفيت ونهريت حتى رضيت بيك
اومك باست الايادي حتى ابلت ابصلك بس بصة
روح جالك الارف وانت عامل زي الارد
ويمين بلله لروح أيلة لومي خليها توريك مئامك
يا بن المديئة
هههههههههه مصريه قدعه
بالعكس انا اللي اشوفه في مجتمعنا ان الشباب يهربون او يتهربون من الإرتباط بوحدة حلوة …
الشباب يدورون في العادة على البنت اللي شكلها مقبول بصفة عامة … ما تكون جميلة و ماتكون “….”
نسبة العنوسة بين الحلوات اكثر من اللي ما فيهم حلاة بالمرة …
يمكن الجمال في نظرهم مرتبط بالغرور!
مع انج ممكن تشوفين وحدة لا حلاة ولا غيره وشايفة عمرها و تقول ” يا ارض تهدي ما عليكي ادّي” … خخخ تأثرت برد اتحادية …
هذا في مجتمع دول الخليج بصفة عامة و مب بس عندنا في الامارات …
ما في ريال يقول هالرمسة والا هو واثق انه مقطع نفسه من الحلاه….
واللي ما يباني عشان نفسي.. انا بعد ما ابيه
بقوله سير.. الله يسهل طريجك مع الحلوة
هل تتوقعين لازم يكون فيه تناسق وتقارب بين الزوجين من ناحيه الشكل والجمال يعني يكونون على نفس المستوى من الجمال ؟؟؟
صدق ما يستحي على ويهه اذا قال لي هالكلام كاااش
بقوله مب مشكله ردني بيت اهلي وكل واحد يروح في طريجه دامنا على البر, لانه بيتم طول عمره يعايرني ويقارن بيني وبين الحلوة اللي في نظره
والباب اللي اييك منه الريح سده واستريح
شو أحسن يقولها ف ويهجج والا يكتم احساسه ومشاعره ؟؟؟