ما الهدف من عبارة “موفق بإذن الله … لك مني أجمل تحية” ؟

37 thoughts on “ما الهدف من عبارة “موفق بإذن الله … لك مني أجمل تحية” ؟”

1. السلام عليكم

   ياخي انتو ليش من الحبة تسوون قبة

   السالفة و ما فيها انه الناس تبي ترفع الموضوع عشان جي تحط هذا الرد

   موفق بإذن الله … لك مني أجمل تحية .

2. السلام عليكم ورحمة الله وبركاته ياجماعة الخير اسمحوا لي أختلف معاكم في الرأي نهائيا لاني اشوفها تدعي لأخوانك بالخير وصحيح انها تزيد مشاركاتك وشو المشكله لو زادت المشاركات ما بتحصل جائزة ولكن بالمقابل راح تحصل أجر وراح ترفع الموضوع واشوف انها افضل من انك تكتب للرفع والدعاء ياجماعة الخير كل مازاد كل ما كان افضل سواءا عن ظهر الغيب او علني. عموما الاختلاف في الرأي لا يفسد من الود قضية مثل ما يقولون واسمحولنا يا جماعة الخير .

   ماراح تحصل شي، بس بتحصل (شوفوني انا متداول ذهبي، انا وايد اشارك تراني من كباريه المنتدى)
   ونقطه اخرى، الموضوع يستوي 15 صفحه وتقعد اتجلب الصفحات لين تلقى جواب سؤالك الي في الصفحه الاولى. مضيعه وقت.

3. السلام عليكم ورحمة الله وبركاته ياجماعة الخير اسمحوا لي أختلف معاكم في الرأي نهائيا لاني اشوفها تدعي لأخوانك بالخير وصحيح انها تزيد مشاركاتك وشو المشكله لو زادت المشاركات ما بتحصل جائزة ولكن بالمقابل راح تحصل أجر وراح ترفع الموضوع واشوف انها افضل من انك تكتب للرفع والدعاء ياجماعة الخير كل مازاد كل ما كان افضل سواءا عن ظهر الغيب او علني. عموما الاختلاف في الرأي لا يفسد من الود قضية مثل ما يقولون واسمحولنا يا جماعة الخير .

4. وضع هذة العبارات لسببيين لا ثالث لهم :

   1 – لرفع الموضوع من صديق العضو الذي كاتب الموضوع.

   2 – سالفة شلني و بشلك بمعنى ارفع موضوعي و انا برفع موضوعك.

5. السلام عليكم ورحمة الله وبركاته

   جمعه مباركة عليكم

   هالردود زادت بشكل كبير ,, وياليت انها اقتصرت على جملة : (موفق بإذن الله … لك مني أجمل تحية . ) ,, لكن تلقى عضو من الاعضاء اللي شادين حيلهم ,, داخل بكل موضوع وهو لا بيشتري ولاعنده شغل بس يدخل يكتب هالجملتين : ياخوي حط الصور ,, او : لو تحط الصور بتسهل البيعه .
   وطبعا يدخلون البقية اللي بعده يكتبون نفس الموال هذا ,, ترى مب صعبه تتصلون بالريال ويطرش لكم صورة موتره طبعا اذا هو جاد. لكن فقط مجرد زياده مشاركات عالفاضي.

   وبعد عضو اخر بنفس الاستراتيجيه انه يدور عذر بس عشان يزيد مشاركاته وهي عن طريق انه يدخل عرض بموضوع الاعلان يعني مثلا يكتب ان سعر السيارة غالي ومبالغ فيه او انه كان عنده موتر شراته وبايعنه بسعر اقل .ولا يسال شو نوع التواير , المكيف يبرد ولا حار, تصرف بترول, والعضو هذا بتلقونه موجود بكل موضوع (داش عرض).

   ومن قريب احد الاخوان عارض موتره للبيع ,, والا يدخل عليه واحد يقوله موتري اقوى منه وموتري اسرع عن الفوروملا , وفالاخير الموضوع طال وتحديات بين كمن عضو اخر الى ان وصل ل4 صفحات وكلها تحدي ,, وفالاخير خربوا على الريال بيعة سيارته . من كثر هرجهم

   والسموحه منكم عالاطالة بس هالشي زاد ولاحظته وايد ويأثر على القسم بشكل عام.

Comments are closed.