ما رأيكم في خدمة Elife المقدمة من اتصالات

39 thoughts on “ما رأيكم في خدمة Elife المقدمة من اتصالات”

1. اسال مجرب احسن لك وهم عندهم عرض لثلاثه اشهر الاولي

2. التغير كبير بين الاي لايف و الشامل من ناحيه الداون لود بس
   بس من ناحيه التصفح ماشي فرق
   و بعدين 100 جي بي افلام يعني الواحد كل يوم ينزله تقريبا 4 الى 5 افلام من قوم 700 ام بي يعني من ها الي بيطالع 5 افلام في اليوم الا اذا عايله كبيره و كلهم شغالن داون لود
   بس مع ذلك دو ارخص عنهم لكن الدعم الفني لك عليه شويهز يعني دعم اتصالات الفني احسن عن دو
   بس انا يوم اشتركت في الاي لايف لعوزوني اتصالات قدمت 4 الى 5 مرات و كله يكنسلون الطلب الين ما اكتشفوا انه المشكله من عندهم هم و بعد شهر و نص من اول تقديم و مراجعات وايد و ضرايب و حب خشوم وصلوا الاي لايف

3. كله كلام فاضي

   حتى يقنعون المستهلك بالانتقال الى التقنيه الجديده و يلغون القديمه

   و انا اشتركت في اي لايف

   و ما احس هالتغير الكبير

   اطلاقاااااااااااا

4. النت في اي ليف محدد با 100 جيجه بايت في الشهر

   دو عندهم نفس العرض با 200درهم في الشهر بس الي يفرق انه التحميل مفتوح مثل الشامل نزل مثل متحب

5. انا ودي اشترك فيها بس متردده

   لان الاستخدام فيها محدود لين 100 gb

   بعكس الشامل غير محدود

   وانا من هواه الافلام واحتمال اتعدى 100 gb شهريا يعني احتمال ما تكفي شو الحل ؟؟

   فوق هذا النت وايد بطىء عندي مستوي .. مب عندي بس حتى كم ربيعه قالت لي نفس الرمسه … تذكرت ايام الدايل اب ! يعني غصب يمشون الي يبونه ..

   و في وحده مشتركه فيها قالت لي النت هب سريع وايد

   الواحد ما يثق بعروضهم ..

   وياريت نشوف ردود المشتركين فيها ..

Comments are closed.