ماهجيت انه البراقع يفتنني …….
الين شفت ضبي الخليج مبرقعاتي….
الله واكبر ياعيون ناظرنني……
فاتنات ناعسات ساحرات……….

مرررررررررحبا الساع باحلى بنات شما
حيااااااااكم الله اقربوا اقربوا انتوا اهل

اليوم بوديكم ويانا للامارات براويكم لبسنا اللي رغم الحداثة والتطورالا انا ماتخلينا عنه وماتكمل كشختنا الافيه

البرقع****

قليييييييلمن صار يلبسه لكن امهاتنا لازالوا يلبسونه والشابات البدويات ولانه انتشر النقاب والخمار
فبغيت اراويكم جمال البرقع الاماراتي الجميل الاصيل ………………..
مـا هو معـنى الـبـرقـع ؟ *


.. البرقع نقدر نقول معناه هو عباره عن قناع يخبي الوجه ومايظهر منه الا العيون وحاليا هو الشائع استخداماً في كل الخليج ..

.. وقديماً كانت أمهاتنا يلبسن البرقع لتغطية الوجه و ستره من الغريب .. أو إذا جاهمـ ضيوف فالبيت .. وكانت أيضا تلبسه أثناء خروجها للسوق ..
.. فكانت تلبسه كل الأوقات .. ولا تخلعه إلا وقت النـومـ ..



.. وهنا بعض الصور لأنواع البراقع قديماً في دولة الإمارات .. حيث تختلف المسميات والأشكال من دولة لأخرى في الخليج ..


صناعهـ البرقـع ::.

1- الشيل : القماش الأساسي للبرقع [[ يجلب من الهند ]]
2- السيف : عصا خفيفة تثبت في منتصف البرقع لتكون على الأنف .
3- الشبق : نوع من القماش الصوفي أو القطني أحمر اللون يستخدم كرباط للبرقع .
4- النجوم والحلق : أو المشاخص لتزيين البراقع .
5- قماش البطانة : و يستخدم في صنعه أي نوعمن القماش لامتصاص العرق وللحفاظ على رونق البرقع.

9 thoughts on “ما هجيت انه البراقع يفتنني …..؟؟”

  1. شكراَ على الموضووع ..

    في الوقت الحالي قليل من يلبسون البراقع ..

    فقط العيايز اللي يلبسوونه ..

    والجيل اليديد اغسل ايدك منّه خخخخخخخخخخ

  5. اموووت عـ البرقع
    احلى عن النقاب بوايد
    وسهل باللبس بس للاسف يعتبرونه هالايام شي غريب للبنات..

    اشكرج عالموضوع الحلوو شراتج

Comments are closed.