السلام عليكم ورحمة الله وبركاته …
شحالكم ؟؟
يمكن الموضوع غريب شوي هههه
المهم الموضوووع الله يسلمكم باين من عنوانه
ابا اعرف شو التخصص الاكثر طلبا في مجال العمل في ايامنا الحاليه … لاني طالب مقبل على الجامعه إن شاء الله و اتمنى تفيدوني … صح انه الواحد يدش التخصص او المجال الي يحبه ويحس انه بيبدع فيه والكل يقول هاذا الكلام ، لكن انا أحب الكمبيوتر ههههه ومعرووف في ايامنا الحاليه انه مجال العمل تشبع من هاذي الناحيه ماشاء الله عدد الخريجيين في هاذا المجال كبير .
وأنا حاليا مختار تخصص هندسة الكمبيوتر وأبغي ارآئكم … وأنا حبيت اطرح هالموضوع في هالمنتدى لأنه منتدى جدّي هههههه وفيه ناس ماشاءالله عليهم فاهمين .
والسموووحه.. أخوكم UaE FoX ،،،
التخصيب الصناعي (الاجنة) في نيوزلندا
دراسة علم الاشعة ( بجميع تفرعاتها) الاشعة الطبية والرادوية
هندسة الصوت
وبالتوفيق،،
انصحك بادارة اعمال بس باللغة الانجليزية ، هالتخصص يشغلك في وظائف كثيره جدا ، مره شفت قائمة الوظايف اللي عند تنميه ، لان اخوي كان مسجل عندهم يمكن 60% من الوظائف المؤهل المطلوب ادارة اعمال .
مرحبا أخوي
الغالي نصيحة إدخل التخصص الي إنت تحبه ومتأكد من إنك راح تبدع فيه
من خلال تجربتي في الأماكن الي داوت فيها أكثر التخصصات مطلوبةفي
مجال تقنية المعلومات من برمجة لإداري شبكات لإداري أنظمة لفني كمبيوتر لمصمم مواقع وفي كل مكان إدارة تقنية المعلومات موظفينها يستلمون علاوات زيادة عن باقي الإدارات
وفي الدرجة الثانية إلي ماتقل أهمية عن تقنية المعلومات عندك مجال المحاسبة
أخوك
بومانع
مشكوريييين أخواااني على آرائكم
أخوي ALAIN1001
انا افضل هندسة الكمبيوتر على المدنيه والاتصالات لاني اشوفها اسهل ^_^
أختي سهمي عالي
ان شااء الله التووفيق للجميع … وصدقتي هالايام كل شي بالواسطه هههههه
أخوي غريب داري
الصراحه انا ما افكر في المحاماه مووول ، ومشكووور على إبداء رايك
أخوي ولد الدوله
النسبة الحمدلله علمي فوق الـ90 لكن ماحب الطب وايد يعني احس الطب يباله انساان يحبب هالشي وايد …
وانا ميووولي للكمبيوووتر اكثر شي ،،
أختي فـاء
اختي كلامج عدل 100% والاعلام شي كبير و كل شي هالايام متعلق بالاعلام ، وصدقتي كل انسان يقدر يحقق النجاح في المجال الي يباه عن طرييق الابدااع والابتكاار وأنا احس اني اقدر ابدع بإذن الله في مجال الكمبيوتر .
أخوي لا غالب الا الله
مشكوور على إبداء رايك هههههه وصحييح شي نقص الحيين في مجال المحاسبه بسبة منهج الرياضيات الي يتم تدريسه في الثنويه يخلوون الطلااب يكرهون شي اسمه رياضيات ههههههه
أخوي زارع الورد
مشكوور على تواصلك الطيب ولا هانك الرب
أخوي ولا أختي ملاك
شكلي بسوي الكلام الي قلته هههههه لكن مادري جان اقدر اخذ بكلريوس في الهندسه وعقب اكمل ماجستير في الاداره ؟؟
ومشكووووره على تواااصلج الطيييب ورايج من أفضل الآراء بالنسبه لي … طبعا جميع آراء الاخواان طيبه .
أختي الفارسه
صحييح Accounting من اهم التخصصات حاليا وانا افكر بالبزنس بشكل عام كتخصص آخر .. ومشكووره على تواصلج .
أخوي ارباب
كلامك مقنع .. والمحامااه ما افكر فيها ههههههه والهندسه مطلووبه لكن الي خلاني افكر واحتار واطرح هالموضووع قلت اذا دخلت اداره مثلا وداومت طبعا شي مناصب اما لو دخلت هندسه خلاص بتخرج مهندس وبس يعني مثلا تخرجت مهندس كمبيوتر خلاص يوم بداوم بكون كومبيوتر انجنير …
و مشكوورييين مرة ثانيه على اهتماااامكم بالموضووووع وماقصرتوا ..
أخوكم
اي تخصص يختص بلأقتصاد او الاسواق المالية مطلوب في الفترة القادمة
التخصاصات الهندسية ا:- الهندسة المدنية او المعمارية او الكهربائية او الهندسة الصناعية
التخصاصات الصناعية كون امارة ابوظبي خاصتاً لها تركيز في المجال الصناعي
اي تخصاصات في السياحة حيث ان دولة الامارات تهتم في هذه المجال وتدفع المبالغ الكبيرة في تشجيع الساحة للدولة
المحاماة :-
ما كثر المشاكل وكثرت الوفادين في هذه البلد مهنة المحاماة مربحة في المستقبل
هذه التخصاصات التي ذكرتها يقدر الشخص ان يعمل بها في الحكومة ويفتح له نشاط تجاري في نفس الوقت حسب الجهة التي تسمح له
دعك من التخصاصات التي تهتم في الكمبيوتر وخلافه كون هذه المهنة يعمل بها حتى المحترفون الى امور البرمجة فيها مطلوبة المبرمج الناجح والذكي يحصل عمل في اي وقت وفي نفس الوقت يقدر ان يصرف برامجه للشركات وخلافه
ارباب