مبرووكـ .. ربحــت 200.000 من إتصــالات .. باركــوولي

.

.

الســلامـ عليـــكمـ ..

في البــدايهـ قبــل لا تقروون الموضـــوع والمفــاجأهـ

أتمنــى تنقــلــون موضـــوعي واتخبــرون كـل واحـد عزيــز عليــكمـ وغـــالي

مثــل مـا أنتـمـ عزيزيــن على قلبــي وأخــاف عليـــكمـ

وتبـــدأ المفــاجـأه ..

يومـ الجمعـــهـ 27-10-2010 الســاعه 14:30

واحــد متصلبي من رقــمـ إتصــالات +971504342XYV

بس مارديت أتصلتبــهـ لأني كنــت راقــد .. وأتصلتبــهـ اليــومـ الصبــح عالســاعهـ 11:30 الصبــح

أول مارد الريـال :: هاي

السيـف :: مرحبــا

الريـال :: نبى نبشـركـ ببشــارهـ حلـوهـ

السيـف :: خيـر .. شو السـالفهـ !!

الريــال :: أنــت ربحــت 200.000 درهــمـ كـاش من إتصــالات

السيـف :: شو .. شو تقـول أنــت ..!! ربحـت على أي أســاس !!

الريــال :: نحن امسـوين جــوائـز قيمــهـ بمنـاسبـهـ شهـر رمضــان وسوينــا سحـب من بين جميـع الأرقــامـ في السيستـمـ وطـلع رقمــكـ .. بس ياليـــت ادون هالرقـمـ عنـدكـ (8373222 كمثـال فقـط) لأن هـذا رقـمـ حظـكـ .. بس للتـأكيــد .. إجلــع البطــاريـهـ وشـوف ورا البطــاقهـ SIM Card إذا نفس هالرقـمـ مـدون عالبطــاقهـ أم لا ..

السيـف :: وبـكـل دهشـهـ وإستغــراب .. أوكــي

جلعــت البطــاريهـ ونزلــت البطـاقهـ وشيكـت الرقــمـ وبالفعــل طلـع نفس الرقـمـ إلي عـطاني إيــاهـ ..

وجــان أتصـلـبـهـ وأنــا مستــانس ويالـس أبنـي أفكــار مستقبـلي بالـ 200.000 درهــــمـ ..

ترن ترن ..

الريــال :: هـاي .. شيكـت عالرقــمـ !!

السيـف :: هيهـ نعـمـ شيكــت وطـلع نفـس الرقــمـ

الريــال :: مبروووووكـ مبروووووكـ وتقـدر تستـلـمـ الشيـكـ في UAE Exchange بعـد 25 دقيقــهـ من أحينــهـ ,, انــا أحينــهـ مبطـل السيستــمـ بس المشكـلـهـ إن رصيــدكـ قليــل .. فبتظطـر تشتــري 7 بطــايق رصيــد من قـومـ 200 درهــــمـ يعني الإجمـــالي يطـلـع 1400 درهــــمـ وتعطينــا الأرقــامـ مـالت البطــايق ونحــن أندخـلـهـا في السيستـمـ حتى يعطينــا رقـمـ الشيــكـ وتروح تستلـمـهـ من UAE Exchange ..

السيـف :: وشـو يخـص الرصيــد في الشيـكـ ..!!

الريــال :: لا تخــاف نحــن بس نبى أرقــامـ البطــايق والرصيــد تقـدر تحطـهـ بعـدين في حســابكـ .. (قصــدهـ الـ 1400 درهــــمـ)

السيـف :: أوكي عطنــي دقـايق بـس لين ما أشتــري البطــايق

الريــال :: لا لا لاتبنــد , خـلـكـ ويـاي عالخــط حتى ماينفصـل السيستـمـ من رقـمـكـ ويمـكن تخســر هديتــكـ ومايظهـر الشيـكـ ..

السيـف :: قلـتلكـ عطني دقـايق وبتصـلـكـ ..

الريــال :: أوكي ع راحتـكـ ..

فكـرت وفكـرت .. شو أســـوي

.

.

.

وجــان أتصــل بـ 181

رد على الموظـف :: هلا

السيـف :: أخووووي بغيــت أستفسـر عن ســؤال !!

الموظـف :: تفضـل عزيـزي

السيـف :: هـل عنـدكـمـ عروض وجـوائز لمستخدمي أرقــامـ أتصــالات

الموظـف :: لا أخوووي

السيـف :: عيل كيـف جي .. واحــد إتصلبي من إتصــالات ويقـول إني ربحـت 200.000 درهـــمـ

الموظـف :: لا أخووي هـذا نصـب وإحتيــال .. حتى ياخـذون من رصيــدكـ ..

السيـف :: لا حـول ولا قـوهـ إلا باللـهـ

الموظـف :: أخووي أنـت مب أول واحـد يتصـل بخصــوص هالموضــوع .. غيـركـ وايـدين أتصـلـوا وفي نـاس ماكانـوا يعـرفون وطرشـولهـمـ الرصيــــد وردوا اتصـلـوا فينـا يشتكـون علينـا حسـبالهـمـ نحـن نصبنـا عليهـمـ ..

السيـف :: الحمـدللهـ .. الحمـدللهـ إني اتصـلت فيـكمـ ..

الموظـف :: عطني الرقـمـ ونحـن بنتصـرف ..

السيـف :: عطيتــهـ الرقــمـ ,, مشكــور وماقصـرت ياخووووي ..

.

.

.

كــانـت هــذي نهــايـهـ موضـــوعي ..

بس مابتصـدقون لو أقـولكـمـ أن أحينـــهـ وأنـا أكتـب الموضـــوع

رن تلفــوني

ولمـا شفـت الرقــمـ شفــت رقـمي يتصـل فيني ..

وكنــت في دهشـــهـ .. وأتوقـفت أنــاملي عن الكتـــابهـ ..

ماعـرفـت أرد ولا أطنـش ..

رديـــت .. وتـمـ سـاكـت ومحـد رد علي وبعدهــا بثــواني بنـد ..

..

..

..

الحــذر أخـــواني .. الحــذر ..

انــا ماكتبــت هالموضـــوع الطويـــل إلا خوفــآ عليــــكمـ ..