نظرا للتسائلات اللي وردتلي بخصوص صرف الأرقام المميزه لمواطنين الشارجه، حبيت أفتح موضوع مستقل أبين فيه كل اللي أعرفه عن هذا الموضوع.
ملاحظه: لا إييني حد و يقولي وين المصدر، إذا مب مصدق، لا يتعب عمره و يسير المرور. و إذا المشرفين حبوا يغلقون الموضوع كيفهم، أنا حبيت أساعد.
أولا: الأوراق المطلوبه:
صورة الجواز.
صورة الليسن.
تعبية الطلب (وهو عباره عن رساله عاديه).
ثانيا: الشروط.
للأسف ما عرفنا الشروط بالظبط، بس اللي صاير إنك تسير المرور (في الرمثا) و تعطيهم الطلب و الأوراق الثانيه.
في لجنه بتنعقد لبحث الطلبات اللي تستاهل تاخذ رقم مميز. واحد من الشروط إنك ما تكون صاحب رقم مميز أو كان عندك رقم مميز و تنازلت عنه.
ثالثا: اللي إسمه القناص لا يرز ويهه و يسير
يستحسن الإسراع في الموضوع.
صدقك أخوي ( السالفة معروف وواضحة )
و هم معروفين بن خـ…… و المط…… و المد……. و بن جر……
مهزلة والله
والله ياخوي مادري.
أنا عن نفسي قدمت للوالد و لخواني و عيال عمي و ربعي وووو. خسرانين شي إحنا.
ترا اللجنه بتجتمع باجر. حاول تكون عندهم من الغبشه.
أنا عاطي الطلبات لواحد هناك. حرصت عليه يدخل أوراقنا أول شي.
الواسطه مطلوبه في كل مكان في العالم.
اللي بيقولك غير هالكلام، قوله المتعني يسلم عليك.
يستوي أقدم طلبات بأسماء أخواني؟
هل مقدم الطلب لازم يكون متواجد؟ ويوقع على شي معياً؟
خبرنا بالعلووووووم يامتعني ومتصرف
محد مخصل خير البلاد غيرك مسابقنا على كل شي هههه مايفوت