مبرووووووووووك لأسواق الامارات مقدماً !!!!

35 thoughts on “مبرووووووووووك لأسواق الامارات مقدماً !!!!”

1. ياشباب ملح السوق الربح والخساره ارتفاع الاسعار ونزولها ولو الاسعار في طلوع وبس تخيلوا كم يوصل سعر السهم عقب عشر سنين ::: عقب النزول طلوع

2. على فكرة

   مشكلة المتعاملين في الاسهم هي :

   – الملل

   – قلة الصبر

   ليعلم الجميع ان هناك احد الاخوان في السعوديه

   يملك اربعة الاف سهم في القصيم الزراعيه

   ( سعر الشراء على 8 ريال)

   والى الان مو راضي يبيع.

   سعر القصيم هو 540 ريال

3. أخي سعودي يحب الأمارات
   أحبك الله على حبك لدار زايد طيب الله ثراه
   وأشكر لك روح التفاؤل التي تبثها في هذا المنتدى وفي صدور اخوانك
   بارك الله فيك

4. سعودي يحب الامارات

   الله يسمع منك إن شاء الله وكل شيء جايز في سوق الأسهم

5. والله نتمنى السوق الامارتي تجيه طفره مثل السعودي… والسوق السعودي عانا من عراقيل ومطبات كثيره… وكانت مشكلته الاساسيه اول ان السوق يتحكم فيه مجموعة هوامير ما يتعدى عددهم اصابيع اليدين بعدها بدأ هوامير العقار يدخلوون و التجار وطبعا لحقوهم الصغاار….اللي ابو 500 الف ريال ونازل..وياا كثرهم وعلى بداية الطفره وصل عدد المحافظ 450 الف محفظه يوم كان المؤشر حول ال 5000 والحين عدد المحافظ وصل 2,5 مليون محفظه! والعهده على الراوي. والدائره اتسعت والسوق ما صار بحكم هامور والا اثنين والاا شلله بعد….وحتى لو قدروا ينزلون جزء ما قدرو على كل السوق…فصاروا يتسابقون على الاسهم ويشتروون…الكل يبي نصيب الاسد من اسهم كل شركه…!والسوق طيروووه فووق لاسعار اعتبرها بدون مبالغه…خياليه!

   طيب…..عشان نقدر نقارن او نبني توقعنا على ان السوق الاماراتي بيحصل له طفره مثل ما صار للسعودي فيه كم نقطه يبيلها طرح ونستنتج بعدها امكانية الحدوث …
   1- كم عدد مواطنين الامارات وعدد مواطني السعوديه..وبالتالي حجم السيوله اللي ممكن يضخونها في السوق يعني بالعربي ( هل قوة السيوله اللي حصلت في السعوديه والتدفق ممكن تصير في الامارات؟)

   من وجهة نظري… الان سوق الاسهم بالنسبه للمواطنين هو حدث القرن على ما يقولون..ومافيه احد الا وله نصيب فيه واكيد من قبلهم الهوامير والتجار والا كان ما ارتفع التداول من اقل من 500مليون و وصل الى حوالي ال 4 مليار.
   طبعا كمية التداول هذي نسبه كبيره منها من المستثمرين الاجانب مع ملاحظه ان السوق السعودي مو مسموح فيها للاجانب او الخليجيين .يعني اموال وطنيه 100% .

   2-الامارات دوله صراحه تعتبر قدوه للدول الخليجيه في التطور والتكنولوجيا والعقلية الاقتصاديه المتميزه وتفوقوا في اشياء كثيرره الا سوق الاسهم!!!! ؟ السلحفاة اسرع منه تقدم…وماا ادري وش عذرهم..الحين قدروا في وقت قيااسي ينشئوون مدينة دبي للانترنت و … و…. وما قادرين يطرحون خدمة تداول في سنه!!!؟!؟ ….. كل شهر يقولون الشهر اللي بعده!…ومن امن العقوبه …..لا احد يقول لي فيه اعمار وقولدن جيت ومدري ميين…السوق فييه اكثر من 50 وسيط ما عنده انترنت.. وشف هذولي كم مستثمر عندهم وكم من واحد يبي يبيع ويشتري يوميا او اسبوعيا..هذولي كلهم يحركون السووق ما يستهان فيهم

   3- المستثمر الخليجي او اللي خارج دولة الامارات يعاني الامريين عشان يبيع او يشتري او يحول الكاش من والى الحساب..واذا اظهرت عدم ارتيااح ..لسان حالهم يقوول..اذا مو عاجبك……محد غصبك! مع ان المستثمرين الخليجين يمثلون قوة مو بسيطه ابد والمفروض يحاولون يجذبون اكثر..و اعرف ناس عندهم سيووله ويقولون سوق الامارات فرصه…بس ما دخلوه…لييش؟!!؟يقول ما عندي استعداد احط راس مالي تحت رحمة وسيط يرد علي بالمزاج او لازم ادفع له من تحت الطاوله! ولما ابي اسحب مبلغ لازم اروح بنفسي عشان اقدم طلب وانتظر يومين عشان يعطوني شيك ثم و….ثم…

   4- المشكلة الكبرى في الشركات الامارتيه….اربااح تتضاعف مرااات….وتوزيع ارباااح مخججل….في السوق السعودي شركات تربح فتاافيت بالنسبه لأرباح الشركات الامارتيه ومع ذلك توزع منح وارباح ممتازه بالنسبه للدخل للشركه .

   5- سالفة بنك دبي الاسلامي واللي صار فيه اتوقع لحد الان يلقي بظلاله على السوق…مثل ما صار في السوق السعودي وشركة الكهرباء . السوق قعد فترره رااكد….لدرجة الموت….عقبها هيئة سوق المال السعوديه صار السهم لو كل يوم يطلع نسبتين ما قالوا لييش!

   6- فتح الاستثمار 100% للخليجيين لازم يصاحبه قرارات تسهل استثماراتهم وخاصه القرار هذا محد مستفيد منه الا اصحاب مئات الملايين…يعني يبي لهم من يدلعهم شوي

   7- انا اتمنى والله يصير طفره في السوق الاماراتي مثل ما صار في السعودي واكثر بعد….وبرائيي بتبيين الصوره في الفتره القريبه القادمه ..يعني خلال الربع هذا….واتمنى هيئة سوق دبي المالي تحاول تعزز شعبية سوق دبي المالي مره ثانيه لأن المستثمرين الخليجيين لهم قتره وهم يهاجرون سوق دبي وابوظبي بعد معاناتهم مع الروتين وخدمات الوسطااء الاكثر من سيئه !

   نقطه اخيره..الديره مالها الا اهلها…والاجانب اللي ماسكين السوق ما يهمهم الا جيوبهم يعبونها وبس وباسرع وقت ..يعني لا همهم اقتصاد بلد ولا غيره…كل الفطير وطيير يا زلمه!

   ااسف على الاطاله اخواني واتمنى اني اكون اضفت شي يثري الموضوع

   بارك الله فيك ياأخي وكثر الله من أمثالك
   سردت كل ما يعاني منه السوق بصياغة رائعة

Comments are closed.