السلام عليكم والرحمه
كيف الحال يا اخوان
امممممممم ما اعرف من وين ابدأ لكن يله يمكن نحصل مساعده من اهل الخبره
انا عندي ستيشن 2010 VXR
فول ابشن
شاشه نفيقاشن
سي دي و ديفي دي
فتحه
جلد
بيج الكراسي
لون السياره ذهبي
خذت السياره 300000 الف مع مرابحه مصرف دبي الاسلامي
القسط شهريا يقطع 5069
طبعا بسبب ان عندي سيارتين وحده ما قدرت لا ابيعها ولا اسجلها بالمرور لانه بها ( ضربه شاصي )
وهي لكزس 2005 شبه نص الترا
وهذي قسطها 2500 شهريا
طبعا شهريا ينقطع من معاشي
7269 وهذا مثجل ع ميزانيتي
نرجع للاستيشن الفول ابشن
فيها شحفه بسييييييييطه من ورا ع الطرف وين الديم الوراني
حبه من الحساسات الي ورا انفتحت الكفر مالها لكن تتعدل ببساطه وتركيب عادي
فيها شمخ بالباب اليمين يعني شمغ ينصبغ ببساطه من الوكاله و بحاول اصبغها صبغ مضبوط من الوكاله
الملخص للموضوع
انا ابا ابيع السيااره باي ثمن
طبعا حاليا عليها 264517 درهم فالبنك دبي الاسلامي
بس مابا اخسر اكثر فيها يعني هل السياره توصل 220 الف او زود ؟
و في حد عنده حل لهالمعضله لاني بصريح العباره نادم اني شاري استيشن
صح عمليه ومريحه وبترولها وسط بس فالنهايه المفروض تشتريها كاش او يكون راتبك فوق 20 الف
اذا الواحد يفكر ويحسبها عدل
بس شو نسوي فرحه عرس ووهقتها 
انا بغيت من اهل الخبره
حل او خبرتهم في هالموضوع كيف ادبر بيعه الستيشن بسعر مناسب ومريح لي
الله يسهل عليك ويسر أمرك
موفق أن شاء الله
والله ياخوك غلطت عمرك دبي الاسلامي لو ماخذ من مصرف بوظبي ابرك بس مانعرف كم ماشي الموتر عشان نسومه لك ؟
موفق بإذن الله … لك مني أجمل تحية .
بالنسبه لمكافئه السداد المبكر انا كانت عندي سياره مرهونه عل بنك دبي الاسلامي ودفعت قبل ما تخلص المده ورجعولي مبلغ وقدره كمكافئه سداد مبكر
Denamet_643
والله انا كنت شاك فمكافئه السداد المبكر
والله يبعد عنا الربا
وان شاء خير يا خوي
وتسلم