السلام عليكم ورحمة الله وبركاته
شو سالفة الاسعار !!! ما شوف اي تغيير في الاسعار من ناحية الايجارات ولا سعر بيع الاراضي والفلل؟؟!!
ماشوف شي في الواقع!!! يقولون بتنزل الاسعار.. بس ماشوف شي نزل سعره !! هل الجشع والطمع مانعنهم انهم ينزلون الاسعار ولا شو السالفه ؟؟!!
ياريت حد يفهمني لاني ما افهم في هل السوالف..
ملاحظة: أنا اتكلم عن دبي
راح تنزل اتصلو في المكاتب والملاك اى سعر قول غالى وصبرو نفسكم لين بعد الصيف.
الله يهديج وين مانزلت الاسعار في دبي .. ؟
اكثر شي في دبي نزلت الاسعار .
الاسبوع الي طاف حصلت عرفه وصاله في المرسى على 75 الف و 4 دفعات …!
الي مانزلت اسعارهم بوظبي اسعارها وايد غاليه 3 غرف وصاله في داخل بوظبي على 450 الف دفعه وحدة ,,
الشكوى لغير الله مذله
والله من هني لين 5 سنوات الاسعار مابتنزل .
في السعودية جارتنا المقاوليين ياخذون المتر على 1100 تشطيب ديلكس و 800 عادى ويقولون اكثر احتياجتنا تجي من جبل على عدا الاسمنت هنا عندنا 3500 وانت طالع فوق ويمكن تصل الى 6000 وياليت يكون شغل مضبوط لماذا هذا الغلا الغير مبرر ولاكن المقاولين يفتكرون المواطن المسكين بنك متحرك ومعة اثنين مليون لابد ان ياخذوها منة باى طريقة ويمكن ماتقنعهم الثنين مليون ويبدون يبيعوا لة وهم على شان يدخلوة البنك يستدين وكلها ستة اشهر وتشقق البنا وبعد سنة ونصف اى بعد انتهاء الضمان بستة اشهر ويمكن اقل من ذلك بدا المسكين فى رحلة المعناة التى هي الصيانة كل يوم يخرب عندة حمام وكل اسبوع الكهربائى والبيب فيتر عند الحبييب انا ما اقول الا اللة المستعان
شكرا على النصيحة..
__________________
بالنسبه للعقار السكنى , اقصد الجاهز للسكن فى دبى , صعب انه ينزل , اما الي على الخريطه فممكن تحصلين من المتعثرين في المناطق الجديده والبعيده !!!
