متى ستنزل ايجارات ابوظبي

10 thoughts on “متى ستنزل ايجارات ابوظبي”

1. الايجارت في ابوظبي مشكله لكن كل مشكله لها حل حلها الاول تدخل الحكومة بتحديد سقف ايجار لكل منطقه لانقصد تدخل الحكومة الا كناحيه تنظيميه فقط يعني مثلا منطقه الخالدية الايجار من كذا لى كذا ومن يخالف هذه الشروط يعاقب ويسن قوانين لذلك # ثانيا الازمة المالية العالمية لم ولن توثر على عقارت ابوظبي لان عقارت ابوظبي مشكله داخليه داخل الامارة فقط عرض وطلب اقصد يكون فيه شفافيه في العرض والطلب ومايكون فيه احتكار #التوسع في بناء الفلل والمساكن الشعبيه للمواطنين #انشاء مايسمى ابوظبي الجديدة من بنية تحتيه ومرافق وخدمات للخروج بالكثافه السكانيه من ابوظبي القديمه الى ابوظبي الجديدة والمنطقه المرشحه لذلك هي مدينه محمد بن زايد # خبير اراضي وعقارات

2. بسم الله الرحمن الرحيم

   شكرا لكل من رد على موضوعي

   وفي الحقيقة ان الظاهر والله اعلم انه الايجارات راح تنزل لما الحكومة تشيل ايدها من موضوع الايجارات

   يعني الحكومة تعطي كل مواطن ( اكرر مواطن ) بدل السكن ماله في ايده

   يعني بدول استقطاعات ولا غيره

   وكذلك تحديد اسعار الوحدات السكنية في الامارة بشكل يضمن الفائدة للطرفين ( المؤجر والمستأجر )

   وعدم ترك الحبل على الغترب لكل من هب ودب لرفع اسعار السوق وبالتالي رفع نسب التضخم في الدولة

   وشكرا مرة اخرى لكل من رد على موضوعي

3. يا جماعة الخير الايجارات صارت الحين كل اسبوع تنزل وبعد بتنزل اكثر الاسباب واضحة جدآ وضوح الشمس العزاب في بوظبي هم اسباب الازمة السكنية ياخذون شقة 200 الف من مستثمر اعزب شو الاسباب الغرف في مصفح الغرفة 5000 الف درهم في بوظبي ومصفح زين كل مستثمر يقول بستغل الصالة وعندي ثلاث غرف 15 الف وقام يقطع الصالة او المجلس وصار سكن عمال في بوظبي كل اعزب عندة سيارة صارت زحمة في المدينة الي يبغي الدوبي او البقالة او او او الغرف بدت تنزل الحين لين 3000 الف الكل مستثمر في بوظبي اذا التزمت كل الشركات في بوظبي وسكن العزاب خارج بوظبي اعتقد لا زحمة ولا ارتفاع الايجارات اسمع لا هذا مهندس كبير جاي من دوالة عظمى وا وا وا عندة لمت فوق ال 400 الف ويبغي مكان حق بارتي او حديقة صغيرة وين الايجارا ت بتنزل

4. بتنزل يوم الحكومه توفر لكل مواطن بيت.
   ويوم المالك بياجر الملك بنفسه بدون 60 وسيط

5. أخوي الإيجارات ما راح تنزل إلا بقرار حكومي ينظم الموضوع ويكون هو إلي محدد الإيجارات .. أو أوامر من الشيوخ .. مثل ما صار في الثمانينات يوم إرتفع الإيجار وأصدر المغفور له بإذن الله الشيخ زايد – الله يرحمه- قرار بخفض الإيجارات في السابق وعاد تكرر الموضوع بالتسعينات .. وغير كذا … ماظنيت ينزل بذات الشقق

Comments are closed.