ماذا تريد ابنة الإمارات من ابن الإمارات؟

19 thoughts on “مجرد سؤال للأخوات/ماذا تريد ابنة الإمارات من ابن الإمارات”

  1. أبن الامارات يبى يشوف المرصص وخاصه اذا كان مع اهله وطافت وحده صوبه مرصصه يسنى الدنيا وما فيه ههههههههه اسو الف معاكم

    ابن الامارات يدور على بنت الاصاله والحشمه والوفاء والحب والاخلاص

    أكيد بتكون بنت بلادي الاماااااااارات فل تحيا بنت الامارات

  2. ماشاء الله ،، السؤاال حق بنات الإمارات و كل الردود من ابن الإمارات

    يعني انتوا تعرفون شو نحن نبا

    عيبني رد أخويه (فقط أبوظبي)

    اللي تريده بنت الامارات ومن ولد الإمارات:

    1- الهشمه والاحترام والتقدير.

    2- الصدق جدامها ومن وراها.

    3- الوفا.

    5- الإخلاص.

    6- الحب.

    بس عندي إضافه

    أنا بصفه بنت الامارات أبا من الابناء بصفه عامه

    أول شئ الدين ثم الدين ثم الدين ،، لو توفر هالشئ بتتوفر كل الصفات الباجيه اللى نباها

    ياما شبااب والله ماتشوفهم حتى الصلاة يصلوون ،، المسيد اللى عدال بيتنا مره سالت ابويه كم واحد يصلي الفير يوم تسير قالي محد يمكن 2 ،، قلت ماعليه سالته عقب و صلاة العصر قال تقريبا 6

    لييش عيال فريجنا عشرات العشرات و 6 بس اللى يكونون في المسيد

    فيه اشياء وايد اباها في عيال البلااد بس ماعرف كيف أوضحها بس بذكر لكم أمثله أتمنى أتمنى اني ماشوف عيال بلادي يسوونها

    1- موقف وانا ماشيه اشوف واحد من عيال البلاد قاعد في الكوفي ويا وحده الله يستر عليها ( اظني تعرفون شو أقصد)

    2- شباب همهم و شغلهم ترقيم ومعاكسات وبنات

    3- ظاهرت برافيت بارتي هاي اللى قاموا اغلب الشباب الحين يتدينون بالالاف عشان يسوونها وانتوا اعلم باللى يستوي فيها .

    أبا اشوف عيال البلاد من النوع الرزين و الحشيم و عنده شخصيه مب مال لعب وخرابيط ،، بنا شبااب يفتخر فيهم البلااد و يرفعون راسنا فوووق

    وايد هذربت ،، مع اني متأكده هذربتي هاي مابتغير من الواقع شئ ،،

    الله المستعان

  3. ::

    عُــدنا ^^

    أخوي “الهامور بن سمه“

    لو سألتك سؤال ,,

    ولد الامارات شو يريد من بنت الإمارات!!

    ,‘

    وسؤال ثاني:

    لو بنت الامارات ولعت أصبعوها شمع لولد بلادها وضحت وتنازلت بالكثير عشانه

    ليش في الأخير يتركها ويصد لغيرها ,,,!!

    ,‘

    وسؤال ثالث:

    لو بنت الامارات عطتكم عيونها ما تشوفنه ,,, بس تشوفنه وايد لو ياكم من غيرها “أي جنسية ثانيه“!!

    .

  4. تبغي انه يوم يتيوزها

    مايتيوز غيرها

    ويكون خاتم في صبعها

    ومكينة صرف

    ومايجامل في الدنيا غير اهلها

    هذا بالزواج
    ======================

    اما الحياه العامه

    فلا تعليق

    والله يحفظ بنت الامارات الزوجه والام والاخت والابنه ويبعد عنها حب التملك والانانيه

    وهذا رأي

    ويامرحبا

    راعي الظبي .. رايك ونحترمه ..

    بس مثل ما قلنا قبل لا للتعميم ..

    وترا بنت الامارات بالنسبة لك هي ممكن تكون امك، أختك، عمتك، خالتك، زوجتك ….

    اتمنى من الكل لما نتكلم نتكلم بواقعيه مش مجرد كلام وخلاص ..

Comments are closed.