السلام عليكم ورحمة الله وبركاته

الصراحه اليوم كنت في طيران الامارات … المبنى الرئيسي.. سرت ابا اخلص شغلي

فما كنت اتوقع اخذ اكثر من ربع ساعه … لكن في هالوقت شفت شيء صراحه خلاني

ارجع واكتب اللي في خاطري….

طيران الامارات من الشركات الرائده .. وماخذه اسم دولتنا … ومن اكثر الشركات اللي كانت

تتكلم عن التوطين وانها شركه وطنيه

خلال هالوقت اللي قضيته هناك والله يا جماعه الخير انه كله اجانب… تقريبا المواطنين اللي مروا علي 10 رجال و10 نساء

بالعباءه طبعا فانا قلت يمكن مواطنات… والا والله لو اني مب فالامارات كان توقعت نفسي في دوله اجنبيه…

اما الهند او بريطانيا او استراليا والله ما اعرف شو اقول… اتمنى ادخل في يوم شركات خاصه

واشوف فيها مواطنين بلادي يشتغلون فيها

نعم للتوطين

والسموحه على الاطاله .. انتظر تعليقاتكم

9 thoughts on “مجموعة طيران الامارات ..( الله يعين)…”

  2. علا ماعتقد ان بيوطنون الجنسيات المختلفه هاذا هو المقصد مب نحن توطين اونه خربانه السالفه

  3. هـــذا صـــار شي طبيعي ياخووووي ..

    أنا نادر ما أشوف المواطنين في هالشركـــات الخــاصهـ ..

    وحليلهم المواطنين يدورون وظائــف , والأجانب يحصلونها باردة امبرده وفوق هــذا كلــه يحصلون أكثر عن أوفر من شركـــات ثانيه ..

    وأصحـــاب هالشركــات عندهمـ سبب ويقولون أن المواطنين مايعرفون إنجليزي ..

    إذا صدق مايعرفون إنجليزي , عيل وضفوا هالمواطنين إلي متخرجين من الخارج وامودرين أهلهم وديرتهم ومغتربين حتى يدرسون برع وإنجليزيتهم 100 % ..

    والله قهــــر .. بس ما بالإيد حيله ..

  4. السلام عليكم ورحمة الله وبركاته

    شوف اي شي مكتوب عليه وطني في هذي البلاد اغسل ايدك منه

    تدخل بنك وطني تحصل هنديه لابسه لبس وطني, تدخل شركه خاصه وتتحج انها بكوادر وطنيه تلاقي جنسيه عربيه بس بلبس وطني جنز وفوقه وقايه

Comments are closed.