السلام عليكم
شحااااااالكم؟
كل عام و انتوا بخير و مبروك عليكم الشهر الكريم
….
اخواني و خواتي
محتاجة مساعده….
انا ناوية ان شاء الله ابدأ مشروعي الخاص وهي عباره عن مستحضرات تجميل…يعني سوالف مكياج و كريمات معطرة والخ
ومحتاره شو اختار اسم للماركة…وعصرت مخي ادور اسم عربي…لو ينكتب بانجليزي بعد يطلع حلو وسهل…وما لقيت
فقلت مالي الا ازخكم تساعدوني غصب و تقترحون علي اسامي غاوية
ابا اسامي حلوه تدل عى الجمال….كنت حاطه في بالي يكون الاسم بالعربي لانه ان شاء الله بتكون اول ماركة اماراتية عالية المستوى لمستحضرات الجميل….فبغيت اسم غاوي…
ومب مشكلة لو مافي اسم عربي ..اقترحوا علي اسم اجنبي مثلا ايطالي او فرنسي
ابا اسم يدل على الجمال او شي يخص الجمال ومستحضرات التجميل ويكون غريب مب متداول وايد.
ادريبكم خوان وخوات شمه وما بتقصرون
واللي بختار اسمه …له هدية من المنتج….وله خصم خاص ان شاء الله لمدة سنه ان الله وفقني لين سنه و مشى المشروع >>>> عاش التشجيع لووول 
يلا شدوا الهمه….عشان اسوي اللوجو وابدا المشروع قبل العيد ان شاء الله
أوكي..
بس الربح والبضاعة لها مواسم..
ممكن أنها تدخل بهالموسم..وممكن بموسم ثاني..يوقف الدخل..
فموسم يغطي ع موسم..
وجهة نظر،،
(لا حول..أنقلب الموضوع..
)
هبايـــب ..
قطرااااااات ..
ألواااااااان ..
ينابيع ..
سجايا ..
جدران ..
خفووق ..
منايا ..
المعازيم ..
خفايا ..
شموس ..
رموووش ..
أهداااااااب ..
جفووووون ..
براطم << هذي قوية
شفايف ..
برستيج ..
بلسم ..
نثاير ..
شغااايف ..
أصداء ..
صدايف ..
قواقع ..
بدايات ..
دايما البنت من تفتح محــل تفكيرها بسيط و محــدود..فلفترض ع العيــد مثل ما تفضلتي و بعض البنات يقولن بعد المدارس اذا بتفتح محل خياطة أو عبــي بسبب كثرة الاعراس..
.
الســؤال هل المحل بيتسكــر بعد العيد؟ و اللي بيكون عليج مصاريف ثابتــه و مصاريف غير ثابتـه؟
اذا لابـد من دراسـة جدوى ع الأقل لمـدة 3-5 سنــوات..
.
اذا بتقولين لي ليــش ما أشجعج سيري مركز وافـي و شوفي خــان المرجان. أو ســوليج سيرج ع السريع و ودري شغلج في تمـويل لمدة ساعات و خذي بريك من الزباين اللي ما يدفعون أقساطهم…و اسالي المحلات اللي انتي زبــونه..
شوفي شــو الـرد؟
التجارة 80% حــظ و علاقات 20% شطارة و ادارة و رأس المال.
يدايل
الحلوه
الاميره
الوعد
مرازيب ؟؟؟!!!!!!!!!!!!!!!
حرام عليك …مشروعي لمكياج مب لحفر آبار وافلاج هههههههههههههههههههههههههههه