السلام عليكم ورحمة الله وبركاته…. كيف حالكم اخواني وخواتي..
عندي مشروع حضانة قائم من ثلاث سنوات في ملك خاص في مكان استراتيجي قريب مدارس و هذا المشروع الوحيد اقرب لـ 11 منطقة و 8 مدارس محتاجه لهذي الخدمه الحمدلله فالسنة الاولى والثانيه الاقبال مقبول الى الان كل شي حلو لكن المشكله عدم القدرة الماليه في تطوير المشروع من ناحية اعلانات, توفير مواصلات , مشرفة باص ,…. الخ … في السنه الثالثة تأثر المشروع بانتشار اشاعة انفلونزا الخنازير فقل الاقبال يمكن لو كان مواصلات كان العدد اكبر شوي…. المهم
شو الحل؟؟؟؟؟ للعلم لا استطيع اخذ قرض بنكي…
هل اكنسل المشروع واغيره لمشروع ثاني وشو المشروع الي بيكون انسب؟؟؟ للعلم انه المساحه كبيره وخاليه مع حديقه داخل الحضانه يعني في مجال عمل مشروع مدرسه خاصه ايضا بجانب الحضانه…
هل أأجر المكان كحضانة؟؟
أتمنى ألقى حد يساعدني في هذا الموضوع لاني محتارة مب عارفه شو اسوي لاني حابه المشروع ومب حابه اخسره.. ياليت حد يرد عليه بسرعه..
وكل شي على رب العالمين الله اييسر الامور
وإذا عرضتي المكان للإيجار بعد بتستفيدين وأكيد بإذن الله بتحصلي اللي يأجره وأجريه لفترة لين ما تستقريلج على مشروع تكوني مرتاحةو في الوقت اللي تحسين إنج تقدري تصرفين عليه
الافكار وااايد وحلوه بس المشكله الماده كل شي يبغي ماده اذا حد بيساعدني في هذا الشي انا اتشرف
اختي انا في راس الخيمه والمنطقه الي فيها المشروع فيها نهضه سريعه فيها كل الخدمات يعني بعد سنتين بتكون مدينه
إذا المكان اللي انتي فيه بعيد عن اأماكن الترفيهية ممكن تسوينه حق الأطفال بس للعب اتحطين ألعاب الكترونية وألعاب في الحديقة وتسوين مكان لبيع العصائر والحلويات ومكان كإستراحة للأمهات أحس بتستفيدين وايد وممكن تحطين خدمة الإنترنت والطباعة إذا عجبج المشروع بعطيج أفكار أكثر
عزيزتي انتي وين موقعج بالضبط