محتاج لخبرتكم ومساعدتكم ومشورتكم .. فتحت مشروع ومبتلش فيه !!!

29 thoughts on “محتاج لخبرتكم ومساعدتكم ومشورتكم .. فتحت مشروع ومبتلش فيه !!!”

1. كنت افكر بكم نقطة

   الاولى: شوف شو التكاليف بشكل مفصل
   اتوقع التكاليف بتكون المأكولات و المشروبات بشكل كبير .. هل حقا النسبة بين تكلفة الطلب و الفائدة متقاربة
   اقصد من الارقام اللي كتبتها يبان ان الفائدة 20% تقريبا .. يعني اللي تبيعه بدرهم تقريبا تكلفته 0.8 درهم
   هل حقا التكلفة عالية
   هل العصير اللي ب 10 تكلفته ب 8
   كنت اتوقع ارخص عن كذا
   تأكد من هالنقطة

   النقطة الثانية
   اذا قسمت صافي الربح على عدد الايام بيطلع تقريبا ربحك 167 باليوم
   هل تشوف هذا واقعي
   ليش ما تفضي روحك يوم كامل معاهم و شوف هل هالربح بهالمستوى او اكثر !!

   لازم تتأكد انهم مستقيمين
   اذا تأكدت من هالنقطة
   ممكن تشوف النقطة اللي بعدها
   كيف تقلل التكاليف او انك ترفع سعر البيع لزيادة الارباح

   و الشيكات تنعطي اجباري مع حساب اي شركة
   و لكافتيريا ما اتوقع بتفيد كثير

   السلام عليكم

   حي الله اخوي بواحمد
   شاكر لك على المداخله الجميله

   بواحمد شفت النسب الي انته طرحتها .. هاي الي انا اجهلها كيف اعرف تكلفة الطلب والفائده متقاربه
   انته طرحت علي مثال اذا كان العصير ب10 تكلفته ب8 كيف استنتج هذا الشي ؟!!

   بالنسبة للنقطه الثانيه

   ياخوي ياما فضيت عمري بس ماشي فايده كيف اراجعه بالحسابات وانا ماعرف كيف احاسبه او من وين ابدء
   اخوي بواحمد انته تكلمني عن صافي الربح واذا قسمته على عدد الايام وبيطلع لي الناتج
   كيف اعرف صافي الربح عشان اقسمه على عدد الايام ؟؟

   اخوي بواحمد ماعليه استحملني ترى فعلاً انا مايخصني .. بهاي الامور
   لكن حاب اسوي شي واتعلم .وانتو الخير والبركه
   واشكرك مره ثانيه على المداخله

2. اخي الكريم :
   الحساب يللي انته تسويه غلط بغلط والسموحة انته اجتهدت وطلعت كم تصرف شهريا وكم مدخولك بس يللي لازم تسويه انكتسوي برنامج للحساب مب لازم على الكمبيوتر ولا اي جهاز على الورق احسن بعد لمشروع مثل هذا لكن يلي اقدر افيدك فيه انك تسوي حساب كمي (كميات) يعني مثلا :

   خلينا ناخذ نوع واحد من الوجبات ويللي هو الهامبرجر

   1-عندك 40كيس من الخبز الدواري وكل كيس فيه 6 حبات ونقول بـ2 درهم للكيس=80

   2- علبة مايونيز حجم عائلي قول 12 درهم
   3- 5 اكياس شيبس مقطع جاهز 8 دراهم للكيس الواحد=40
   4- شرائح الجبن كرتون ونقول تقريبا 80 درهم فيه 250شريحة=80
   5- جرزتين خس بـ5 دراهم=5
   6- 4علب همبرجر كل علبه فيها 24 حبة الوحدة بـ19.5 درهم + علبه فيها 4 حبات بـ6 دراهم =84درهم

   الحين صار مجموع المشتريات =301 درهم

   نحسب البيع الحين

   انته لازم تبيع من كل هذي المشتريات لصنف واحد وهو الهمبرجر واذا قلنا كل همرجر الناتج هو بالسندويش طيب يعني انته لازم تبيع بعدد السندويش يلي عندك
   من 40 كيس وكل كيس يحتوي على 6 ساندويشات يعني عندك 240 سندويشه هذا العدد نضربه بسعر السندويشه الواحدة يعني على سبيل المثال 240×5 = 1200 درهم طلع 1200 طيب
   الناتج هذا 1200 انقص منه المشتريات 1200-301=899درهم طيب الناتج هذا يعتبر الربح واذا تريد انقص منه مبلغ 200 كقسم يحسم للرواتب والاجار والكهرباء والماي يعني صافي الربح من العمليه كلها بقالك 699درهم ومبروك عليك

   اخي الكريم هذا مثال مصغر جدا للعمليه يلي انته تبيها ولو حسبت صح عشر عمال ما يقدرون يسرقونك والله يوفقك

   لكن اذا بغيت المزيد من التفاصيل ارجو التواصل على 00971504154225

3. السلام عليكم
   اخوي لو المحل في الشارجه او عيمان خبرني وانا بسير وياك وبنشوف انشاء الله
   وحاضرين للطيبين

4. المصروفات 18000 درهم …….. كلها كانت مواد مستهلكه …. ول كانت شي منها مواد مستديمة شرات الأجهزة والمكاين………………….

   أرجع شووف فواتير المشتريات……… وأعرف أنت شو الدايم وشو المستهلك…..
   يعني المواد المستديمة ما راح تشتريها كل شهر …….. يمكن كل سنة….
   دقق ع المواد المستهلكه ……… ( صمون … فواكه . أكواب… الخ ) …
   بروحك باحتسبها ……… ما يبالها محاسب..

   وبالتوفيق

5. المدير حرامي

   لوفرضنا كيس السمون تاخذه بنقول درهم ونص لازم اطلع منه تقريبا”

   خمس دراهم ..

   احسب بالطريقه هاذي

   وشوف الفرق بين سعر التكلفه وسعر الربح

   ونفس الشئ في باقي
   المواد المكمله من اجبان وعصائر وهمبرجر وغيرها ..

   اقعد يوم واحسب كم كيس استهلك وشوف سعر البيع واخصم منه سعر التكلفه

   مثلا” همبرجر 5 دراهم
   كامل يمكن امكلف 3 دراهم بالكثير فايده درهمين عرفت ..

Comments are closed.