مثلما هو واضح من العنوان فلقد اصبح الوزن فوق الـ 100 كيلو والوضع اصبح خطير وبدات عوارض ارتفاع ضغط الدم والله يستر من السكر وغيره من الامراض المصاحبه لزيادة الوزن
ومثلما يقول الشاعر
الكرش زاد وزادت البلوى انتشارا
ومحتاج لمشورت الاخوه والاخوات اللي جربوا نظام او حميه او طريقه فعاله لتخفيف الوزن ونجحوا, او من سمع عن طريقه فعاله لتحقيق الهدف المرجو وهو انقاص الوزن 20 كيلو خلال فترة 6 شهور
همتكم معاي ولا تبخلوا بالنصيحه
جزاكم الله خير
سؤال :- خوية انتة على اي اساس حددت 20 كيلوا ؟ المفروض على طولك تعرف وزنك يمكن تحتاج بس 10 كيلوا ويمكن 30 كيلوا ؟؟؟
وتبا تفقد 20 كيلوا في ست اشهور ؟؟؟؟؟ واااايد
الحمد لله انا خلال شهر او اقل نقصت اكثر من 15 كيلوا بس بقولك خبرتي (خبرة الكسالى ^.^)
الرجيم روحة ارادة يعني تم قول في خاطرك انا بضعف لاني احب عمري ولا احب حد يضحك علية …(يمكن تشوف هالجملة سخيفة شوية ههه بس كل ما ترددها انته يالس تكلم عقلك الباطن والعقل الباطن روحة بيمنعك من الاكل وكل مابتاكل بتذكر هاي الجملة )…….
انسى الرياضــــــــــــة ^.^ ( اكيد عيبتك هاي الجملة ) ^.^
لاني دوم اقول بوبالين جذاب انته لو سويت رجيم هذا روحة عذاب ولو سويت رياضة بتهلك ^.^ وفي نفس الوقت كل مابتسوي رياضة بتحس باليوع اكثر… انتة ابدأ بالرجيم بدون رياضة ومن توصل الوزن الي تباه ابدأ بالرياضة^.^
والاهم الاهم تخف اكلك ولو ماتاكل بعد احسن ههههههههههه والله اني كنت انسى الاكل ووقت العشا.. اذكر اني اخر مرة كلت فيها كانت الساعه 4 الفجر متخيل ؟؟؟؟بتحس بيوع مش طبيعي والتحدي بانك تتحدى هاليوع وماتقول بس اليوم باكل وبعدين ببدأ
اخوي بقولك عن تجربتي الشخصية:
أولا: أهم شي الارادة
أما بعد ,
الجسم يستهلك سعرات حرارية يستخدمها ك طاقة في انشطته اليومية (حتى التنفس و القراءة تستهلك طاقه) ….. اذا الداخل من هالسعرات اقل من المحروق ينزل وزنك
اذا تبي تضعف انسى الدهون و الشكر
و يوم أقول تنساهم يعني تنساهم بمعنى الكلمة (ما يحتاي اقولك ليش)
ركز عالبروتين و الالياف و قليل من الكاربوهيدرات
كثر من الماي (اشرب من 2 ل 4 لتر يوميا)
كل بعض الاكلات اللي ترفع معدل حرق الدهون يسمونه بالانجليزي ميتوبوليزم ريت مثل الشاي الاخضر و الخردل
تعرف جسمك حتى و انت راقد يستهلك طاقة في التنفس و خاشوقة خردل قبل الرقاد تزيد من معدل حرق الدهون من 60 سعره مثلا ل فوق ال 100 و الخردل زيرو كالوريز تقريبا
اذا تبا تحرق زيادة و زيادة سو رياضه بس بما انك فوق الاميه مانصح بالركض لان ممكن يؤثر على ركبك و يسببلك ترهل
امشي 45 دقيقة يوميا
لا تستسلم يوم تكون عالسرير و مب عارف ترقد بسبة اليوع ترا هذا هو التحدي و هني تكمن الارادة
لا تاكل بعد الساعة 7
امضغ الاكل خله عصير فحلجك قبل البلع (أدري صعب بس حاول)
و الشي الوايد مهم كل 8 ايام تقريبا خل عندك يوم مفتوح ( أوبن داي) له فائدتين:
– الاولى تاكل اللي خاطرك فيه
– الثانيه و الاهم انك يوم تضعف جسمك يتعود على معدل سعرات قليلة و هذا يعيق عملية التخسيس فلازم تكسر هالروتين عسب وزنك ينزل اكثر
و شكرا
جرب ريجيم البروتينات ،، في الاسبوع راح تنقص كيلو ،،، كتير سهل و بسيط و ممكن تنوع فيه
ممكن تاكل اي نوع او كمية من البروتينات بدون نشويات او سكريات ،، و الفاكهة ممنوعة ،،،ما عدا الفراولة
يعني انواع المشاوي و السلطات و البقوليات ،، الحليب و مشتقاته ،، الاسماك حتى لو كانت مقلية بس بدون طحين
صراحه كلام اخونا مصمم ازياء اماراتي عين العقل بس بزيد عليه انك اتقلل من الاكل اللي فيه سعرات حراريه واايد مثل الفاست فوود والاشياء المقليه اهم شىء وجبه الفطور اتناولها صح خفف من كمية الغذاء والعشا.. طبعا الرياضه واايد مهمه والمشى صراحه ماشىء ارووع منه.. كثر من الاكل المشوي لانه مافيه دهن اشرب شاي اخضر .. وبأذن الله بتستوي رشيق..
جزاك الله خير اخوي
نصيحه طيبه وعمليه .. بس خوفي من موضوع الخمس وجبات خفيفه تزيد الوزن بدل انها تنقصه !!!!
خلينا على الثلاث وجبات بس موضوع المشي لابعد مسجد فكره طيبه
__________________