مثلما هو واضح من العنوان فلقد اصبح الوزن فوق الـ 100 كيلو والوضع اصبح خطير وبدات عوارض ارتفاع ضغط الدم والله يستر من السكر وغيره من الامراض المصاحبه لزيادة الوزن
ومثلما يقول الشاعر
الكرش زاد وزادت البلوى انتشارا
ومحتاج لمشورت الاخوه والاخوات اللي جربوا نظام او حميه او طريقه فعاله لتخفيف الوزن ونجحوا, او من سمع عن طريقه فعاله لتحقيق الهدف المرجو وهو انقاص الوزن 20 كيلو خلال فترة 6 شهور
همتكم معاي ولا تبخلوا بالنصيحه
جزاكم الله خير
كلنا معاك يا ضيف الله لين توصل للوزن المثالي
جزاك الله خير انا اعمل تحليل كل 6 شهور تقريبا وفكرة طيبه اني اعمل التحليل قبل البدايه بالريجيم
دعواتكم
__________________
اشترك في لايفلي او اي مكان ثاني يطرشولك الوجبات لين البيت ..استمر عليهم شهر و الا شهرين ..و بتشوف النتيجه بسرعه ان شاء الله
لان بصراحه و لا تزعل مني..دامنك طوفت ال 100 احس انك بروحك ما بتقدر تنزل لان خلاص الاراده فيمان الله ..لازم حد من برع يتابعك اخصائي تغذيه يعني ” انا اسوي هالشي اذا حسيت ارادتي ما تيودني..اسير لايفلي ادفع كم الف و استغص عليهم عسب اتأدب و اضعف” يعني كل واحد يعرف في نفسه شو الشي الي بيخليه يوقف وزنه عند حده..سواء تدفع مبلغ و قدره لاخصائي تغذيه..او تاخذ حبوب تعرف انها تهلكك..او صديق يهتم بك بعطيك بهزبه يخليك تحس انك و لا شي هههههه او او او
لازم تبحث في نفسك عن دافع يوقفك عند حدك حتى لو وصلت عندي حد احتقار و كره النفس < < احس محد بيفهمني لووول تراني انسانه متعقده من وزني..مع انه الحين 57..بس اكرهه ابا اكون 50 باجر..يالله اوصله بصحه و عافيه و في اسرع وقت << جلبت الموضوع و عفست الدنيا لووول سوري ما اصدق القى موضوع يحمسني للكتابه سيده انهد فيه و اظهر اللي في خاطري لووول اذا تبا معلومات زياده عن لايفلي و ربعه خبرني على الخاص .بس لازم تنسى اكل البيت نسيان تام
اول شي العزيمة اذا انت معزم بتقدر تسوي و لازم تحط لنفسك مكافاه يعني كل ما توصل لوزن معين تسوي شي مثلا انا اقووول لو نزلت 10 كيلو او وصلت للوزن كذي بسافر بسوي شي يعطيني حماس و الحمدلله و الاهم من هذا كله اهلي اللي حولي ساعدوني و الحمدلله اللي عطاني الصبر نزلت 55 كليو والحمدلله ثابت
انا طبعا اتبعته عند مركز في العين برنامجه متنوع و كل اسبوع برنامج مره بروتين و مره فواكه و مره نشويات و مرات مكس و طبعا اذا الجدول فيه شي صعب اتناقش مع الدكتور و انغيره لشي يناسيبني و مع الايام عرفت لجسمي طبعا ما دخلته الا بعد ما شفت تجارب و جربت و ربيعي جرب و نفع الحمدلله و اللي احلي من كذي في برنامجه يعطيك وجبه مفتوحه بس ما تكون متضمنه سكر و باي كمية ،،،،، كنت اجر الايام عشان هاليوم و من اطلع من عنده لين ما اوصل ابوظبي و انا اكل بس هالشي يعطيني طاقة طول الاسبوع
و ثاني شي لازم تكون حازم مو وقت العزايم تخبص كل شي
مع المشي و الفواكه و المشاوي مع الايام بتخف اذا ما تبي دكتور
و اي استفسار انا حاضر