( محتاج نصيحة ) نيسان فتكـ

9 thoughts on “( محتاج نصيحة ) نيسان فتكـ”

1. النيسان واللكزس مافيها نظام 4 سلندر يعني من 0-80 4 سلندر ومن 80-140 6 سلندر مب نفس الجمس..

   يقولون الصرفيه قليله لكن ماتعرف الا يوم تجرب وبالنهايه التجربه خير برهان وخصوصاً لمستخدمينها في المدينه وعلى كلامهم هذا لازم تييب على اقل تقدير 500 كم في المدينه وعلى حسب السرعه والعوامل الاخرى..

   بنظري سعر الاستيشن تويوتا ولا اللكزس مبالغ به جداً..واكبر دليل خسارتك 50 بعد بيعه ومشيه اقل عن 15 الف واستخدامه لمده ماتتجاوز الـ6 اشهر

   بالنسبه للنيسان شغل كراف ومكده..

   ايام الفتك الجديم ينكد ما قلنا لا بس مشكلته يفقد جودته مع الإستخدام نفسه نفس الاستيشن يعني لو بنقول استيشن 2008 وطالع اشوفه نفس الشي تحسه يتفجج اما ايام قبل 2001 كانت جودت التويوتا افضل بكثير عن احين وطبعاً مع العيوب الموجوده والخطره اللي طلعت بالتويوتا الإقبال تراجع عليها بشكل كبير واكبر دليل عروض الوكلاء على سيارات تويوتا اللي ماقمنا نشوفها من سنين طويله وبالنهايه بالنسبه للحالي بعد ماحد بيفيدك

   وبالنسبه للتسارع السياره سيارة عائليه للإستخدام اليومي..

   وتسارع 7 ثواني على 400 حصان ودوران المحرك قليل جداً لكنه جيد ولو بنقارن الارمادا يتفوق عليه بثانيه تقريباً بس لا باس به على سيارة دفع رباعي وبالنهايه مع احترامي لك يا اخوي التسارع اخر نقطه افكر فيها بآي سياره

   والتسارع او دوران المحرك بهل سيارات وضع لأهداف معينه منها استخدام السياره في الطرق الوعره وإعطائك قوة دفع اكبر على المرتفعات..

   وإذا مب مستعيل انتظر ولاتسمع كلام حد الا يوم تشوف بعيونك وتجرب

2. وانا سمعت ان النيسان اليديد بعد شهرين يعق الدفريشن !!
   هذا الكلام صحيح ولا تعال واسمع كلام مجمع !؟!؟

   ” مجرد كلأم”

   وانا عندي سؤال؟ احنا الي نعرفه ان النيسان مال كل شي يعني مال كراف واستخدام مكدة ..
   ” مكده..بس بآول آستمتع فيه ^^”

   لكن ها المرة النيسان ياينه بمكينه يديدة v8 بيكون استخدامة نفس الجديم يعني مظبوط ..
   “V8 …لأتعلق !!”

   وعن الصرفية للبترول !!
   على كلام وكالة الفجيرة قال لي انه نازل نظام جديد فقط في النيسان انه يقلل صرفية البترول هل ها الكلام صحيح .
   او نقس نظام أودي في صرفية البترول ولا بيكون احسن ..
   “على حسب كلأم آلوكآله ..صرفيته آقل بكثير من قبل..مع نظآم..شرآت آلآودي وآللكزس..لمآ مآتدعس يشتغلن 4 سلندر ..وهيك…و7 غيآر..يعني آلمكينه مرتآحه “

   واذا قارناه بإعيال عمه الاستيشن واللكزس استيشن .. منو الافضل ..؟
   بصرآحه آشوف آلآستيشن لكزس آفضل منه..بشكل.وآلآنسيآبيه .لأكن آلنيسآن تفوق بآلموآصفآت

   وهل هو خفيف او ثجيل .. لان حجمه اكبر عن قبل .. بوايد ..
   والنيسان الفل اوبشن يفتح من الـ 0 لين الـ 100 في 7 ثواني هذا الشي ايجابي او سلبي ..

   آلنيسآن من يوم يآخوي معروف بخفه بديه..وهذآ عيبه وآلله…

   بس مستغرب صدق من 0 -100 7 ثوآني !!!!!

   آشوفه وآيد..بس لمآ شفت قومته تخوف..آلبدي كيف يرتفع !!!

3. بالنسبه لاسالتك

   وانا سمعت ان النيسان اليديد بعد شهرين يعق الدفريشن !!
   هذا الكلام صحيح ولا تعال واسمع كلام مجمع !؟!؟

   ياخوي الموتر يديد توه و الناس ماتخلص من الكلام و ماعليك كله خريط

   وانا عندي سؤال؟ احنا الي نعرفه ان النيسان مال كل شي يعني مال كراف واستخدام مكدة ..
   هي و هذا النيسان بذات لان مسوينه حق الخليج بعد لان جربوه في الخليج
   لكن ها المرة النيسان ياينه بمكينه يديدة v8 بيكون استخدامة نفس الجديم يعني مظبوط ..

   وعن الصرفية للبترول !!
   على كلام وكالة الفجيرة قال لي انه نازل نظام جديد فقط في النيسان انه يقلل صرفية البترول هل ها الكلام صحيح ..
   هي الباترول اليديد مايصرف صرفيته اقل من الاند كروزر اليديد

4. السلام عليكم

   اخويه بخصوص النيسان اليديد بصراحه اشوفه فنان وحلو، وحتى انا خاطريه اخذلي واحد لكن اقول بصبر عليه سنه او سنتين جدام بشوف الناس شو بيقولون عنه لاني مب مستعيل، وعقب بفكر في السياره جانها زينه ولا لا،

   واذا بخصوص مكينة الـ ٨ انا ما اعتقد ان بتكون فيها مشاكل لان الارمادا نزلت ومكينتها ٨ وما اشتكيت منها بصراحه يوم كانت عندي، سرتبها كل مكان والحمدلله ماتعاييت بها غير حجمها العود والباركنات..

   الاستيشن لكزس استخدامها حلو وكشخه وهيبه، والاستيشن اشوف حرام تعق ٢٥٠ وتاخذها وانت بامكانك تزيد شويه وتاخذ النيسان اولا ايدد ومواصفاته اكثر واحلى

   هذي وجهة نظر وماتغير شي، والله يوفقك انت وخوك في السياره لي بتاخذونها

5. النيســـان اليديد !!!!!!!

Comments are closed.