السلام عليكم ورحمة الله وبركاته

أخواني ياريت نصيحتكم.. ابغي اشتري سيارة للدريول لتوصيل الاولاد المدرسة ، ونقضي مشاوير البيت..

ومحتارة بين سيارتين وياريت تنصحوني باللي احسن من ناحية السيفتي ، الكراسي المريحه ، عملية ، ما تتعلل وايد، وفيها مكان اوسع للاغراض..

محتاره سيارتين
1- chrysler grand Voyager
Honda Odyssey -2

السيارتين موديل 2009 كلهن يداد من الوكالة و لاني مستعيله ماروم اصبر لين ماتنزل 2010

9 thoughts on “محتارة في شراء سيارة”

  1. مرحبا اختيه اذا الخيار بين ها الهنتين بس فأنا انصحج بالهوندا معمره وقويه وعمرها اطول من الكلايزلر بواااايد وتقبلي مروري

  2. السلام عليكم
    اختي بما انها بيد الدريول انصل مثل ما اتفضل الاخ اما بتويوتا العائله
    او الهونداي h1 جدا فخمه كشل وواسعه جدا ومريحه من الداخل وسعرها وايد ممتاز ما يتقارن بقريناتها

    وبتوفيق

  3. وعليكم السلام ،

    الهوندا معروفه انها تستحمل كثير ..

    والبريفيا بعد عندك من تويوتا تمشي معاك ..

    لكن هوندا معروفه أنها قوييه ،

    توكلي على الله والقلب داعي لتس ..

  4. السلام عليكم

    ختيه بصراحه انا اقترح عليج الـ Honda Odyssey

    لانها معروفه بأنها عائليه وتنفع لكل المواصفات اللي طلبتيها

    وبعدين انتي بتاخذينها من الوكاله

    يعني على الضمان ولا تحاتين الهوندا يعمر ويكد

    ومن ناحية الفخامه والراحه بصراحه افضل الهوندا

    والسموحه منج

  5. السلام عليكم ورحمة الله وبركاته

    اختي الكريم

    عندك خيار ثالث ممتاز الي هي سيارة عائلية من تويوتا “بريفيا”
    بتقعدين فوق 5 سنوات بدون مشاكل سيارة

    وبعد عندك الهونداي H1 رخيصة وزينه وواسعة بشكل ماتتخليين ودام انها بيد الدريول لا تشرين شي غالي

    السيارات الي انت مختارتهم قطع غيارها غاااااااااااالية

    موفقه بإذن الله … لكي مني أجمل تحية .

Comments are closed.