السلام عليكم ورحمة الله وبركاته
اخواني بغيت اخذ رايكم في السيارات التاليه:
انفنتي الجديده كيواكس
والاكزس570
والنيسان
الصراحه انا احترت بين الثلاثه!وكل وحده فيهم اكيد فيها عيوب ومميزات ،
واناحاب السياره الي تكون فيها مواصفات اكثر وفخامه وهيبه،
واهم شي ماتكون فيها خراب ومشاكل وووو.
والي عنده خبره ايفيدنا وان شاءالله تعم الفائده للجميع.
ولكم الشكر
9 thoughts on “محتار بين ثلاث سيارات و الي مجرب اي وحده فيهم يفيدنا !!!”
Comments are closed.
Infiniti qx56
الموتر توه نازل و شكله حلو و قوي و مواصفات أكثر عن اللكزس و سير الوكالة و شوف بروحك
ومبروك مقدما
من ناحية الشكل اللكزس احلى بوااايد عن النيسان والانفينيتي خاصه الانفينيتي شكله من وجهة نظري قبيح خاصه من ورا
التصميم من داخل للكزس اجمل عن النيسان والانفينيتي
بس المواصفات اللكزس اقل عنهم والمكينه اضعفهم بس مب بوايد يعني
اللكزس البريكات شوي ضعيفه واذا كنت وايد تسرع وتضرب بريك بتروح عليك السفايف بسرعه
السعر اللكزس اغلى سعره 350 والانفينيتي تقريبا 310 والنيسان 277
وعن الخرابات عموما الياباني مافيه خرابه مول ويكد معاك عشر سنين
وعن الوسع والراحه كلهم مريحين ويشلون 8 ركاب بكل راحه
اذا اكثر شي يهمك المكينه والمواصفات خذلك نيسان احلى شكله عن الانفينيتي وفرق بينه في المواصفات مب وايد
واذا مايهمك السعر والمواصفات وايد وتحب الشكل اكثر انصحك باللكزس
انزيدك من الشعر بيت على فكرة الانفنتي فيها مواصفات خاصه مثل المرسيدس يوم حد يخطف عدالك والتنبيه يوم تظهر من مسار خطك وانت في حالة نعاس والكثير من المواصفات الحلوه
خذ الانفنتي
لانه الكزس استوى مثل التكاسي كل دقيقة خاطف عليك واحد
واذا كان النيسان مواصفاته اكثر عن الكزس الانفنتي كيف بتكون ؟؟!
والله الغالي انا انصحك في انفنتي الجديده كيواكس هذا اذا حبيت نصيحتي لان اللكزس صح فخامه بس مافيها مواصفات نفس مواصفات الانفنتي كيواكس وبعدين اللكزس مشكلتها في السفاسف يعني كل 7000 كيلو يصيحن السفايف عندك وعندنا وحده 2010 والله بهذلتنا في السفايف انصحك بالانفنتي كيواكس وانت والخير رباعه