السلام عليكم ورحمة الله وبركاته،
اخواني و اصدقائي انا افكر اشتري سيارة وواقع في حيرة كبيرة بين موترين
الأول : لكزس ال اس 430 وارد امريكي من 2001 الى 2003 …يكون فيه شاشة، وانا وجدت انه السعر يتراوح بين 85 الف الى 110 الف حسب النظافة والمواصفات، لكن في ناس خوفوني..وقالولي اذا تعطل بتدفع عليه دم قلبك للتصليح و على هالأساس نصحوني ادورلي موتر وكالة خليجي.
الثاني: كابرس ال اس (8 سلندر) وسعره 90 الف وكالة وقوي ويصلح للخطوط.
بس انا فيني مرض اسمه لكزس 
، كان عندي 96 وسويت حادث وبعته ..وكان وارد وماشالله عليه مريح للخطوط..
انا ساكن فالعين، واداوم في ابوظبي، واحيانا دبي بشكل يومي..
اذا في حد منكم اخواني مجرب اللكزس الوارد ال اس 430 يا ريت ما يبخل علينا بالنصيحة عن الامور الفنية وشو لازم الواحد يسوي عشان يفحص الموتر قبل الشراء.
ولو كنتو مكاني شو بيكون القرار الانسب..؟؟؟
بارك الله فيكم…
تسلم الشيخ عل مرور الطيب…. بالنسبة للكابرس اللي يشجعني عليه هو :
370 حصان
8 سلندر
سعة المكينة 6.0
لكن غالبية مستخدمين المواتر الامريكية يعطونك انطباع انه الموتر يفقد متانته بعد سنتين من الاستخدام ..وضمان الوكالة بس جير وماكينة..بالنسبة لحالة السيارة هذا اللي يفرقها عن الياباني وبالأخص اللكزس.
بارك الله فيك عل النصيحة..انشالله بسوي استخارة
خذ لك كابريس يديد اولا شكله حلو و مريح و مافيه صرفة و لاتنسى الضمان اعتقد 5 سنين مع الوكيل الجديد.. الصرفيه قليلة.. انا كنت ادرس في دبي و ساكن بوظبي 3 سنين يوميا اسير دبي و كان عندي كابريس و الحمدلله ولا مرة اخترب عليه كل الي عليك تسويه تبديل زيت و الاطارات و تعبيء بترول.
الكابريس اليديد عدلوا فيه وايد..
استخير و توكل على الله.
هي واله اللكزس غير
عندي لكزس انا
مب ال اس ال جي اس 
والله ماتفكر فموتر ثاني واللكزس عليه طلب وايد سعره حلو ويتم فيه ويكفي انه يكد وياك ومواصفاته لا يعلى عليها
صدقت اخوي..القلب ما يهوا….غير انه اللكزس عليه طلب ..والشباب طايحين فيه طيحة حلوة… تسلم اخويه على مرورك الطيب..
أكيدالوكالة بيكون افضل
بس انته سيارة بتسوقها وبتستعملها القلب وما يهوا
لاتخلي شي فخاطرك
اللكزس ماعليه كلام ولايقولك لاء بس اذا بتاخذ واحد حاسب يكون غرقان او فيه ضربه في الشاصي