السلام عليكم ورحمة الله وبركاته،
اخواني و اصدقائي انا افكر اشتري سيارة وواقع في حيرة كبيرة بين موترين
الأول : لكزس ال اس 430 وارد امريكي من 2001 الى 2003 …يكون فيه شاشة، وانا وجدت انه السعر يتراوح بين 85 الف الى 110 الف حسب النظافة والمواصفات، لكن في ناس خوفوني..وقالولي اذا تعطل بتدفع عليه دم قلبك للتصليح و على هالأساس نصحوني ادورلي موتر وكالة خليجي.
الثاني: كابرس ال اس (8 سلندر) وسعره 90 الف وكالة وقوي ويصلح للخطوط.
بس انا فيني مرض اسمه لكزس 
، كان عندي 96 وسويت حادث وبعته ..وكان وارد وماشالله عليه مريح للخطوط..
انا ساكن فالعين، واداوم في ابوظبي، واحيانا دبي بشكل يومي..
اذا في حد منكم اخواني مجرب اللكزس الوارد ال اس 430 يا ريت ما يبخل علينا بالنصيحة عن الامور الفنية وشو لازم الواحد يسوي عشان يفحص الموتر قبل الشراء.
ولو كنتو مكاني شو بيكون القرار الانسب..؟؟؟
بارك الله فيكم…
يعني تقصد انه الكابرس حاليا تصنيع استراليا، وانت تنصح لكزس وكالة، لكن المتوفر حاليا لكزس وارد أمريكي ال اس 430 8 سلندر….؟؟
شو رايك ..؟؟
وشكرا على مرورك
انه بعد اييد الاخ الكابرس مو مثل اول كله استرالي اتوكل وخذلك لكسز وكاله
كل السيارات الامريكية الا الكابريس
ممكن تتأكد من الاخوان في المنتدى او المعارض او حبايبنا السعوديين.
صدقك عليه طلب مشالله اللكزس، بصراحة انا كنت افكر ب وكالة es350 وحجزتها ..تصدق هاي الفئة لازم تتريا شهر لين ما توصل..عليه طلب بشكل فظيع .روح شوف الوكالة…لكن لظروف معينة باخذ حاليا مستعمل واذا الله عطانا عمر ببيعه بعد 2 او 3 سنوات… غير انه وايد ربع قالو حرام تاخذ لكزس وكالة خليجي وتستعمله 300 كيلو يوميا..
ما ادري…وايد رمسة ..ومخك ينفجر من التفكير…لكن الانسان يتوكل على الله في كل شي…ومحد بياخذ غير نصيبه من الدنيا..
تسلم عل المرور اخويه