بسم الله الرحمن الرحيم
السلام عليكم و رحمة الله و بركاته
أخواني وأخواتي ,,,
في البداية أحب أقول انو انا من محبين المنتدى و ما سجلت فيه إلا بطلوع الروح. و حابب تساعدوني بموضوع إن شاء الله يكون بسيط من وجة نظركم.
أنا يمني الجنسية من مواليد السعودية و كنت أعمل في الإمارات لمدة سنة و نصف, و بنص الشهر الماضي خرجت من عملي و الشركة ألغت إقامتي و لازم أطلع من البلد يوم 18 ديسمبر. و طبعا مع الأزمة المالية ما في أحد يوظف من جديد. المشكلة ما أقدر أروح على السعودية عند أهلي أقعد عندهم بسبب أنو ماعندي فيزا على هناك و رحت قنصلية السعودية قالوا لي ما في إلا بعد الحج و لازم يكون عندك إقامة في الإمارات. و لا أقدر أروح على اليمن لأنو عمري مارحتها و لا أعرف أحد هناك. حابب أقعد في الإمارات أدور على رزقي خاصة أنو انا مستأجر بيت و مستقر بالإمارات و متعود على الحياة هنا خاصة أنو أنا قدمت على الإمارت للدراسة سنة 2000 و درست هندسة. و في شركة واعدتني بشغل لكن قالوا لي اجي عندهم للمقابلة يوم 6 الشهر الجاي.
أخواني .. الآن محتار و ماعندي حل إلا أروح على مصر عند أخوي إللي يدرس هناك و رجع بفيزا زيارة. المشكلة ما أعرف كيف أطلع فيزا زيارة . و لا عندي قريب بإمكانه يطلع فيزا زيارة لي. سئلت كثير و قالوا لي لازم أحد قريب يطلعها لك. و لا عرفت ايش السالفة . الآن ابحث عن فيزا زيارة على الأقل شهر واحد حتى تترتب أوضاعي و للعلم أن مهنتي هي مهندس كمبيوتر.
أخواني.. سؤالي هو: كيف بإمكاني أطلع فيزا زيارة إلى الإمارات؟ هل هناك مكاتب أو أشخاص يساعدوني ؟ و كم بتكلفني؟
أرجو المساعدة و النصيحة.
آسف على الإطالة و لكن أخوكم بكربة و الله يفرج كربكم دنيا و آخرة . و كل عام و انتم بخير.
الله يفرجها عليك ان شاء الله في هالايام المباركه
ومعظم مكاتب السياحه يطلعون فيزا زياره
تقدر تمر على اي مكتب سياحه و تاخذ منهم المعلومات وتاخذ رقمهم وتخليه عندك…وقبل المقابله باسبوعين او شهر تراسلهم و تكلمهم ويطلعون لك فيزا زياره قبل موعد مقابلتك باسبوع على الاقل
وان شاء الله تنحل امورك
و انتظر مني رساله عالخاص باجر ان الله راد..وربي يقدرنا بالمستطاع
مشكور أخ ديرة . دعائك يكفي و الله
الله يفرجها عليك وتلاقي اللي يساعدك
الاخوان ما يقصرون
ان شاء الله خير
وعيدك مبارك
شكرا أخ , و ان شاء الله يفرج كرب كل مسلم بعد.
الله يعينك ويساعدك فى هذا اليوم الطيب