محتال يفر ب200 مليون درهم والضحايا كثر

108 thoughts on “محتال يفر ب200 مليون درهم والضحايا كثر”

1. السموحة من صاحب الموضوع ……….

   بس اذا انته متأكد من الموضوع ومصدرك قوي 100 % ……. ليش ما تذكر اسم الشركة او الشخص.

   واذا كان على قولتك القانون ما يسمح عيل ليش تكتب الموضوع من الاساس ….

   وما في قانون يمنعك انك تفضح الحرامي !!!!!!!!!!!!!!!!!!!!!!!!

   والسموحة منك مرة أخرى

2. يا جماعة ليش التستر على المحتال

   قولوا اسمه واي شركة وخلصونا

   عسب اللي متضرر يكون على بينة ويمكن يقدر يتصرف

   مب يكون على عماه وبيزاته محلك سر

   والله يكون في عون المتضررين وعليكم بالدعاء فاليوم جمعة وبها ساعة الاستجابة

   واذا كنت مظلوم فدعاء المظلوم مستجاب ولو كان كافر

   وربك يمهل ولا يهمل

   هذا رايي والسموحة

   كفيت ووفيت نفس الراي .

3. للاسف

   في اقلام في المنتدى شاطرين في شي

   واحد فقط ! و هو النقد الهدام

   لا احد يعرف ما وراء الكواليس

   و قوانينا هي لحمايتنا جميعا

   يقفل الموضوع للاكتفاء

4. ما نقدر نذكر الاسماء دام الادارة تمنع هالشيء … مع انه امي تعرف هالشخص وابوي اخبرها .. وقال كان يتعشى مع واحد من ربعه وخبره بالسالفه .. وان ربيع ربيعه كان مستثمر في المحفظة .. لكنه سمع الموضوع من الدريول .. لانه ما عنده ليسن .. ويوم سأل السائق كيف عرفت؟ قاله كنت يايب ثيابي من المغسلة وخبره العامل هناك .. بان واحد دش عليه العصر يبا ياخذ ثيابه وما عطاه فلوس قاله بعدين الحين انا تورطت في مشكلة وخبر عامل المغسلة بسالفة الهروب .. بس العامل ما صدقه قاله اصبر بتاكد من البقالة اللي يمي اذا السالفة صدق .. المهم اتصل البقالة وقاله هي صح انا واحد طلب مني تأجيل دفع حساب الدكان لمدة شهرين لين .. تنحل مشكلته ويمسكون الهارب .. وخبره ان المديون للبقالة سمع الخبر من وخباز كان رايح له يشتري خبز ايراني .. وان كفيله نفس الشيء كان يتعامل مع هالهارب وانسرقت فلوسه .. عرف بالسالفه من حرمته كان تسولف مع صديقتها وخبرتها بالموضوع …. الخ

   تعبت كملوا القصة

   شو هل الفلم الهندي . ابوي. امي. البقال. السائق . الكواي
   المثل يقول من صاد عشى عياله . المساكين راحة عليهم فلوسهم و العوض على الله

5. الله المستعان

Comments are closed.