السلام عليكم و رحمة الله و بركاته ..

شحالكم اخواني و شخباركم ؟ .. يطولي بعماركم أنا بعد مباحثات و اجتماعات قررت آخذ موتر وكالـة بإذن الله تعالـى بس محتارة من بين سيارتين و هم :

1) ميتسوبيشي جالانت 2008 :

4 سلندر .. فل أوتوماتيك .. إيه بي إس (منع الانزلاق) .. 2400 سي سي .. و فيها كل شي إلا الفتحة و الجلد .. و سعرهــا 59.000 و ضمانها 50.000 كيلو متر دون تحديد المدة..

بغيت أعرف شو صرفيتها ؟؟

قطع الغيار متوفرة ؟؟ و أسعارها ؟؟

و بالنسبة لخدمة الوكالة حد مجربنها و يخبرني ..

2) نيسان تيدا صالون (سيدان)

بعد فيها كل شي عدا الفتحة و الجلد بس ما فيها ABS .. و سعرها بيكون بحدود 54.000 .. و ضمانها 60.000 أو 3 سنوات .. 1600 سي سي ..

أبا اتخبر عن الصرفية و السيرفس و قطع الغيار و هالسوالف .. ..

و يزاكم الله خيييييييييييييييييييييييييييييير مقدماً ..
و في انتظار آرائكم .. أدريبي تعبتكم ويايه لكن ماعليه تحملونــــي شوي ..

أرق التحيــــهـ ..

38 thoughts on “محتـــارة . بين سيارتيــن .. و أبا آرائكـــم !! (^ _ ^)”

  1. اختي الجالنت قطع غيارها غااااااااااااااااااااااااالي جدا وغير متوفر الا بالوكاله وغير مرغوبه كثيرا بعد عمليه البيع يعني اذا بغيتي تبيعين راح تخسرين فيها الكثير

    اما التيدا قطع غيارها ارخص نسبيا مقارنه بالجالنت ولكن اذا لاسمح الله اندعمت دعمه بسيط راح البدي

    انصحج دوري خيار اخر بعيد عن هذي المواتر

    ومبروووووووووووووك مقدما

  2. اهاا صح من ناحية الصغر صغيره شيئا ما .. انتي كم ميزانيتج .. وبحاول احطلج كل الخيارات ..

    يطولي بعمرك ميزانيتي ما تتعدى الـ 65 ألف زايد ناقص شوية و طبعن بعد الأقساااااااااط ^ ^

    أرق التحيــة .. و يزاك الله خير ..

  4. اول شىء .. مبروك مقدما اختي .. ثاني شىء

    انصحج تآخذين التيدا .. احلى و صدقيني احسن من المستوبيشي .. من ناحية كل شىء .. الخرابات .. و القطع غيار .. وسعر عقب اذا فكرتي تبيعين ..!!

    واذا تبييين سياره ثانية احلى منهم انصحج بقوة بالسويفت ( سوزوكي ) .. وايد حلوه و وسعرها فيها

    موفقه ولا تنسين صلاة الأستخاره

    الله يباركـ في حياتكـ و يزاك الله خير يالمجنونـ .. و أنا عيبتني السويفت لكن المشكلة حجمها صغير .. و أنا أبا سيارة وسيعة عسب جي اخترت هالسيارتين ..

    و بإذن الله تعالى بستخير و ان شا الله خير .. بس حبيت أشاوركم و تراه ما خاب من استشار ^ ^ ..

    أرق التحيـــــــة ..

  5. اول شىء .. مبروك مقدما اختي .. ثاني شىء

    انصحج تآخذين التيدا .. احلى و صدقيني احسن من المستوبيشي .. من ناحية كل شىء .. الخرابات .. و القطع غيار .. وسعر عقب اذا فكرتي تبيعين ..!!

    واذا تبييين سياره ثانية احلى منهم انصحج بقوة بالسويفت ( سوزوكي ) .. وايد حلوه و وسعرها فيها

    موفقه ولا تنسين صلاة الأستخاره

Comments are closed.