السلام عليكم و رحمة الله و بركاته ..

شحالكم اخواني و شخباركم ؟ .. يطولي بعماركم أنا بعد مباحثات و اجتماعات قررت آخذ موتر وكالـة بإذن الله تعالـى بس محتارة من بين سيارتين و هم :

1) ميتسوبيشي جالانت 2008 :

4 سلندر .. فل أوتوماتيك .. إيه بي إس (منع الانزلاق) .. 2400 سي سي .. و فيها كل شي إلا الفتحة و الجلد .. و سعرهــا 59.000 و ضمانها 50.000 كيلو متر دون تحديد المدة..

بغيت أعرف شو صرفيتها ؟؟

قطع الغيار متوفرة ؟؟ و أسعارها ؟؟

و بالنسبة لخدمة الوكالة حد مجربنها و يخبرني ..

2) نيسان تيدا صالون (سيدان)

بعد فيها كل شي عدا الفتحة و الجلد بس ما فيها ABS .. و سعرها بيكون بحدود 54.000 .. و ضمانها 60.000 أو 3 سنوات .. 1600 سي سي ..

أبا اتخبر عن الصرفية و السيرفس و قطع الغيار و هالسوالف .. ..

و يزاكم الله خيييييييييييييييييييييييييييييير مقدماً ..
و في انتظار آرائكم .. أدريبي تعبتكم ويايه لكن ماعليه تحملونــــي شوي ..

أرق التحيــــهـ ..

38 thoughts on “محتـــارة . بين سيارتيــن .. و أبا آرائكـــم !! (^ _ ^)”

  1. ليش ماتاخذين لج كلوزر بيك اب بس55 2003 نظيف من اروع مايكون

    او كامري 2006 على 55 او 50 الف بلاتيدا بلا ميستوبيشي

    من جميع النواحي سيارات مرغوبات الي قلتهم لج

    وبالتوفيق ان شالله

  3. التيدا ولا غيرها اذا كنتي تبين وحده من هالسيارتين …
    اما السياره الثانيه سمعتها في السوق شوي لج عليها ..
    وبعدين انا متاكد انج اول ثلاث سنين اذا مب اكثر ان شالله ما بتحتاجين قطع غيار لان السياره بتكون يديده وانتي بنت اكييييد بتحافظين ..

    والله ولي التوفيق..

  4. الالماني يعزك امان وقوه اذا واحد يبي حج نفسه السلامه والسيارات الثانيه اشوفها حادث واحد السياره سكراب على طول يكنسلونها والله مادري شو الوكالات الي معاكم بس انا عن نفسي انصح بالاماني او بريطاني او فرنسي بس يبيلهم ميزانيه شوي او شو رايكم بالهوندا اكورد ؟ مادري كم سعرها معاكم ولا حتى معانا لانه اكره الوكاله هني خدمتهم تعبانه بس سواقتها حلو جربتها واعتقد عندج الامريكي شيفورلية ابيكا اخوي معاه وحده وسياره حلوه وخالي معاه 2 نفس الموديل بس الالماني يبقى الماني ولا يقارن بسيارات ثانيه

    السموحه منكم بالتوفيق ان شاء الله

    تحياتي واحترامي

Comments are closed.