السلام عليكم و رحمة الله و بركاته ..

شحالكم اخواني و شخباركم ؟ .. يطولي بعماركم أنا بعد مباحثات و اجتماعات قررت آخذ موتر وكالـة بإذن الله تعالـى بس محتارة من بين سيارتين و هم :

1) ميتسوبيشي جالانت 2008 :

4 سلندر .. فل أوتوماتيك .. إيه بي إس (منع الانزلاق) .. 2400 سي سي .. و فيها كل شي إلا الفتحة و الجلد .. و سعرهــا 59.000 و ضمانها 50.000 كيلو متر دون تحديد المدة..

بغيت أعرف شو صرفيتها ؟؟

قطع الغيار متوفرة ؟؟ و أسعارها ؟؟

و بالنسبة لخدمة الوكالة حد مجربنها و يخبرني ..

2) نيسان تيدا صالون (سيدان)

بعد فيها كل شي عدا الفتحة و الجلد بس ما فيها ABS .. و سعرها بيكون بحدود 54.000 .. و ضمانها 60.000 أو 3 سنوات .. 1600 سي سي ..

أبا اتخبر عن الصرفية و السيرفس و قطع الغيار و هالسوالف .. ..

و يزاكم الله خيييييييييييييييييييييييييييييير مقدماً ..
و في انتظار آرائكم .. أدريبي تعبتكم ويايه لكن ماعليه تحملونــــي شوي ..

أرق التحيــــهـ ..

38 thoughts on “محتـــارة . بين سيارتيــن .. و أبا آرائكـــم !! (^ _ ^)”

  1. اول شي مبرووك عليج مقدما

    والله يعطيج خيرها ويكفيج شرها

    أختي استخيري … و الله اللي كاتبنه لج بيصير

  2. اللانسر ابرك عن الجلانت بوايد

    لكن خذي التيدا الهاتش باك

    عندي تيدا 2007 فل توماتيك سيدي وريموت واباها 38 الف.

    الله يوفقج

  3. مرحبا اخوية … و الله ودي في كامري لكن اللي أعرفه انه سعرها يطوووووووف 70 ألف .. و ما عندهم في الوكالة 2006 كله 2008 + 2007 ..

    إذا في واحد من الاخوان عنده خبر عن الكامري تراه أحلى و أحلى كانه بيوصل 65 ويا الفوايد أموره طيبه ..

    و السموحة . . ^ ^ . .

  4. كنت ابيج تاخذي كامري

    ولاكن دامج مصره فأنصحج بتيدااا

    والبودبه احلى م العاديه

    وتشوفين خيرها وتكفين شرهاا

  5. أسميني احترت زيادة خخخخ .. أسوووووولف ..

    يزاااااااااااااكم الله خير و ربي يوفجكم..

    بوحميد فالك العزيمة ياخوي و حيااااااااااااك ^ ^ ..

    المؤشر .. كلامك صحيح 100% لكن الصراحة شكل اللانسر اليديدة ما عيبني بالمرة خصوصاً صوب الدبة .. و يزاك الله خير ..

    خالدx أنا طاريه التيدا و المتسوبيشي من وين طلعت الألتيما لووووووووووول .. هيه نعم اخواني يزاهم الله خير متيمعيين بيساعدوني ^ ^ ..

    .. أدري بها الألتيما غاوية بس سعرها فووووووووووق .. و للي قال لي كامري تراه ما ينزل عن 70 ألف .. الشكل اليديد طبعاً ..

    الباجييييييييين ,, يزاكم الله خييييييير و ان شا الله 99% رايحة صوب التيدا و فاااااالكم العزيمة ^ ^ و للي قال مب ثابتة على السرعة تراني مب من النوع اللي يسرع خخخخخ يعني توني بادية و شوية أتروع خخخخخخ..

    أرق التحيـــــــــــــــــــــة

Comments are closed.