السلام عليكم و رحمة الله و بركاته ..

شحالكم اخواني و شخباركم ؟ .. يطولي بعماركم أنا بعد مباحثات و اجتماعات قررت آخذ موتر وكالـة بإذن الله تعالـى بس محتارة من بين سيارتين و هم :

1) ميتسوبيشي جالانت 2008 :

4 سلندر .. فل أوتوماتيك .. إيه بي إس (منع الانزلاق) .. 2400 سي سي .. و فيها كل شي إلا الفتحة و الجلد .. و سعرهــا 59.000 و ضمانها 50.000 كيلو متر دون تحديد المدة..

بغيت أعرف شو صرفيتها ؟؟

قطع الغيار متوفرة ؟؟ و أسعارها ؟؟

و بالنسبة لخدمة الوكالة حد مجربنها و يخبرني ..

2) نيسان تيدا صالون (سيدان)

بعد فيها كل شي عدا الفتحة و الجلد بس ما فيها ABS .. و سعرها بيكون بحدود 54.000 .. و ضمانها 60.000 أو 3 سنوات .. 1600 سي سي ..

أبا اتخبر عن الصرفية و السيرفس و قطع الغيار و هالسوالف .. ..

و يزاكم الله خيييييييييييييييييييييييييييييير مقدماً ..
و في انتظار آرائكم .. أدريبي تعبتكم ويايه لكن ماعليه تحملونــــي شوي ..

أرق التحيــــهـ ..

38 thoughts on “محتـــارة . بين سيارتيــن .. و أبا آرائكـــم !! (^ _ ^)”

  1. شو رايج سيري شوفي هالسيارات وقرري .. وصدقيني انصحج بقوه بالمازدا .. يا 6 او 3 .. اثنينهم حلوييين

    المازدا صح مواصفات وسعر مناسب

    لكن المازدا 6 عيبه الجير حاكر
    والمازدا 3 مكينته 1600 سي سي لكن جنها 1300 سي سي ماشي عزم مرررررررة

    لانسر اليديد فل اوبشن على 65الف اظن
    والهوندا مثل ما قال اخوي المجنون حلو بعد وقوي وسعره فيه في حاله البيع بعد مدة

  2. انا رديت ..

    اختي انصحج بكم من سياره .. اول

    الألتيما اربعه سلندر الي مافيها وايد اوبشن .. حدود ال 65 ألف

    هوندا سيفك .. سياره حلوه و عملية .. ومتينه

    مازدا 6 .. ( زووم ) .. سياره روعه و مشاكلها قليله و صدقيني اعني ما اقول .. واحد من الربع عنده وحده و مرتاح منها وايد

    وعندك بعد مازدا 3 .. الفل فل فل اوبشن مع فتحه و زينون وهالسوالف ب 60 يمكن .. و صدقيني وايد حلوه ..

    شو رايج سيري شوفي هالسيارات وقرري .. وصدقيني انصحج بقوه بالمازدا .. يا 6 او 3 .. اثنينهم حلوييين

  3. والله يابنت ناس
    انصحج تاخذين مستبيشي
    لانها سياره حق مكده يعني كراف
    ولا تفكرين انا بتوقفبج في الشارع ان شاء الله
    عندي واحد من اربع يكدها من سنه 2000 ولا في يوم اشتكى منها اما سعرها صح مثل الامريكي يطيح بس ماعليج المستبيشي تراها اصليه يابانيه مب مثل النيسان وتيوتا تجميع

  4. امممم مرحبا اختي
    انا جربت التيدا وجربت السويفت
    بس التيدا تصرف بترووول اكثر عن السويفت
    انا اعبي سيارتي السويفت 48 درهم فوول
    تمشيني 520 كيلو اذا مازيد عن 120 ع الخط ..^^
    واذا عن التيدا والمستبيشي انا انصحج بالتيدا احسن وقطع غيارها متوفر

  5. مرحبا اخوية … و الله ودي في كامري لكن اللي أعرفه انه سعرها يطوووووووف 70 ألف .. و ما عندهم في الوكالة 2006 كله 2008 + 2007 ..

    إذا في واحد من الاخوان عنده خبر عن الكامري تراه أحلى و أحلى كانه بيوصل 65 ويا الفوايد أموره طيبه ..

    و السموحة . . ^ ^ . .

    الكامري2006 راح يكون الشكل الجديييم

    تبغينه

Comments are closed.