محفظة البوم القابضة

33 thoughts on “محفظة البوم القابضة”

1. إخواني اسالوا الف مره سواء عن هالمحفظه او غيرها قبل لا تقدمون على اي خطوة ,,,, يوم الحساب ما بتنفعنا غير اعمالنا الصالحة.

2. اعتقد هي المحفظه الامن الموجوده حالياً

3. اولا اخي الكريم انا لم احلل واحرم على ” كيفي ” هذا دين الله وشرعه ،، والجهل في القانون الوضعي لا يعفي من المسؤولية فما بالك الجهل في دين الله ؟
   اذا كنت مشترك معهم فانا لم اجزم بتحريم عملهم ،، انا سألت ووجدت الجواب فاذا كانت نسبة ثابته شهريا فهو حرام وربا ولا تجادل مطلقا ،، الا لو كنت تريد المجادله في سبيل تبرأة طرفك فهذا شأن آخر ،،

   ان تضع مالك لدى شخص ” ويعهد ” لك ضمان رأس المال وضمان الربح حتى لو بنسبة ( او مبلغ مقتطع ) فهو محرم وربا واضح وبين ،، اكثر من ذلك لن نطيل عليك وبيدك الاختيار ،، ولكن لا تقولنا ما لم نقله ،،

   اخواني الكرام ،، انا اعلم ان ردي في الموضوع وبقية الاخوة الذين حرموا المسألة ( مسألة ثبات راس المال والربح ) سيواجهون هجوما ربما يكون عنيفا ،، طبعا من المشتركين في المحفظة او من اصحاب واعوان المحفظة انفسهم ،، ولكن هي كلمة الحق فمن رضي بها فاهلا وسهلا به ومن لم يرضى فهذا شأنه ولكن لن نقف مكتوفي الايدي اذا قاموا بنصح بقية الاعضاء !! تأكدوا من ذلك ،،

   اخيرا ،، الاخ glee_3alaamik ما هذا المثال الذي تفرضه ؟ لماذا تفرض ان الشركة بعد 4 سنوات اصبحت قيمتها 20 مليون ؟ ولماذا ببساطه لا تفرض انها خسرت ؟ هل ستعطني ال 100 الف نفسها راس مالي ؟ اما ستخصم مني الخسارة بعد حسابها ؟
   اذا كان ردك الاول فهذا ربا واضح لا تجادل فيه ( خاصة ان يكون ذلك مذكور في العقد في بداية الشراكة ان راس مالك ثابت سنعيده لك ) ،، واذا كان جوابك الثاني فهذه تجارة طبيعية لا غبار عليها بشرط ان تكون بسلع احلها الله ،، فاهلا وسهلا بذلك ،،

   همسه : ربما يأتي يوم يسألون عن الخمر فنقول لهم لا تفتوا ” على كيفكم ” فهل هناك فرق بين الخمر والربا ؟ ام لأن الخمر كلنا يعرف ان شربه حرام وسهل معرفة ذلك ،، بينما من الصعب عند البعض فهم معنى الربا ؟ فاصبحت به وجهات نظر ؟!!

   السلام عليكم.
   يمكن اني قصرت بالشرح .

   الفرق بين المستثمر والشراكه.

   نعيد نفس المثال.
   شخصين دخلو شراكه اب خمسين الف درهم يني مائه الف درهم وادخلو معهم مستثمر اب خمسين الف درهم على ان يستلم ارباح كل شهر مابين 5 الي 7 % . صار المبالغ 150 الف. عدل
   بعد اول سنه وزعت الشركه ارباح ابقيمت 300 الف . امنو بياخذ الارباح ؟ طبعن الشريكين وليس المستثمر لان المستثمر ياخذ ارباح شهريه .
   300الف تقسيم 2=150 الف لشريكان
   المستثمر 50000 ضرب 7% ضرب 12 = 42000 كل سنه
   السنه الثانيه صارت القيمه للشركه 2 مليون
   بعد توزيع ارباح ابقيمة 600 الف
   300 الف للشركاء و42000 للمستثمر .
   الحين الشركاء قالو مانحتاج المستثمر ولم يجددو له وردوله ال 50 الف ماله .
   هل يجوز للمستثمر المطالبه في اصول الشركه الي هو 2 مليون؟ طبعن لا لانه مستثمر وليس شريك.
   اما الشريك اذا حب انه يطلع يستطيع المطالبه وياخذ 1 مليون من اصول الشركه + انه خذ 150الف اول سنه و300الف عن ثاني سنه .
   واذا كان ضمان راس المال حرام لماذا بنك دبي الاسلامي يضمن لك راس المال في اي من محافظه؟ واي حد له حساب في بنك دبي الاسلامي وعند خدمة المسيجات يعرف العروض مالهم.
   ان شاء الله اني شرحت بطريقه موضحه

4. انتوا الحين يبولنا فتوى رسمية من شيخ مشهود له

   بالعلم وموثوق في فتاويه وعقب يصير خير .

   وأكيد واحد من أعضاء الشركة يدخل المنتدى .

   فأقوله : هات فتواك عشان تكسب الاعضاء كلهم

   وفالكم طيب وانتم الربحانين .

   بيزيد راس مالكم ونحن بنستفيد وياكم .

   منوه منا مايبا الربح الحلال .

   شدوا حيلكم وهاتوا فتوى يزاكم الله خير .

   بس مانبا مفتي على هوا الشعب …..فاهمين قصدي طبعا .

   وبالتوفيق ونتريا الاعلان بالفتوى .

5. ياجماعة الموضوع جداً بسيط :
   1- شركة البوم ماتحدد لك نسبة في العقد إلي بينك وبينهم.
   2- بالنسبة لضمان رأس المال أنا أعتقد بأن رأس المال غير مضمون بتاتاً بمعنى لو خسرت الشركة الشيك إلي إنته إستلمته منهم على بالك إنه ضمان بله وإشرب ميته ليش ؟ لأنك إنته حطيت فلوسك عندهم للإستثمار والإستثمار قابل للربح والخسارة حتى أعتى البنوك و اقوى الشركات وفطاحلة المستثمرين لا يضمنون مبلغ الإستثمار لكن طول مالشركة قائمة والعمل على قدم وساق يعني بالعربي شغالة هنا فقط رأس المال مضمون ,,, ليش مضمون ؟ لإنه في حال حبيت إنك توقيف الإستثمار في الشركة المنوه عندها يحق لك ذلك وإستعادة مبلغك.
   أتمنى بأني أوصلت الفكرة للكل من يهمه الأمر وإلي يبى تفاصيل وشرح أكثر من الناحية القانونية يجيني على الخاص وفاله طيب.

   ابله واشرب ميته ؟؟؟

   اخوي هذا شيك كيف ابله واشرب ميته ؟ هو على كيف عابد البوم يعني ؟ رئيس المصرف المركزي ما يقدر يقولي بل الشيك واشرب ميته ،، لو عندي شيك من حلج راعيه بطلع قيمته !!

   عموما خلنا من سالفة بله واشرب ميته وياليت ياخوي تكلمنا بمستوى نقدر نفهمك فيه لانا حاليا نتكلم بموضوع حساس وخطير ،،

   بس ابا اسألك كذا سؤال ،، الاول بخصوص انك تحط عندهم مبلغ ودام الشركة قائمة وربحانه فانت بالتالي ربحان ،، ويوم تبغي تسحب فلوسك تفضل خذها ،، صح ؟ مب هذا كلامك ؟ زين تقدر تقولي عيل شو الفرق بينها وبين بنك اتس اس بي سي مثلا ؟ او ستي بنك ؟ ترا نفس الشي لو حطيت رصيدك عندهم تراهم يعطونك فوائد ،، ووقت ما بغيت تاخذ فلوسك تاخذها صح ؟ عيل ليش مسمينها بنوك ربوية ؟؟؟؟؟؟؟؟؟؟؟؟

   فيدني واللي يرحم والديك لان الامور عندي ما تنأخذ بهالسهولة ( شرب الماي ) !!

   سؤالي الثاني بسألك اياه ،، الحين انته تقول الشيك بله واشرب ميته ( ولا جنه في بلاد فيها قانون !! ) بس فلنفرض الحين انا ييت وقالولي الشيك هذا يا طويل العمر تفضل خذه ضمان لك ،، لكن بصراحه لو خسرنا ترى الشيك هذا ” خرطي ” !! يعني بله واشرب ميته ،، والا ما يقولون لك جذه هم ؟

   زين لو ما يقولون لك جذه ،، عيل ممكن تفهمني كيف احط فلوسي وشقاي ورزقي ورزق عيالي بيد ناس بأي لحظة ممكن يقولون لي ” روح مناك بل الشيك واشرب ميته ” ؟؟

   بانتظار جوابك اخوي ،، ما تدري يمكن اقتنع اني احط مليون درهم في البوم وكل شهر يعطوني 50 الف وعقب سنة القاهم يالسين في سويسرا والشركة تسكرت لانهم خسروا ،، فبالتالي اروح وابل الشيك واشرب ميته وافرح انا بالربح 50 الف درهم × 12 شهر = 600 الف درهم بدال مليون ” وتعطيل راس مال قيمته مليون درهم لمدة سنه كان ممكن استغله في مليون شغله ثانيه ” !!

Comments are closed.