محفظة البوم القابضة

33 thoughts on “محفظة البوم القابضة”

1. المشاغب يزاك الله خير لا تجمع مب لثقتي من عابد البوم بس ولكن انا اجول عابد احسن من جيه ابوايد. انا اعرف شباب من زمان وياه والعلمك الريال صاحب فضل على الحريم الكبار والمطلقات والارملات . الريال سوا المحفظه من زمان للحريم والمحتاجين فقط.

   والدليل كتالي :
   اذا رحت عنده وقلت انا باشارك بيقولون لك سامحنا المحفظه مغلقه واذا قلت انك انسان فقير ومحتاج للمساعده بيدخلونك معاهم
   اذا فتحت المحفظه, المستثمر اقل شي 100000 بس اذا محتاج تجدر اتشارك اب 30000 او 50000 او الي عندك.
   انا ماقول سجلو معاه بس انا اقتنعت بالاستثمار معاه

2. اللي اشوفه اللي يبا يسوي الشي ما بيغلبه حد
   دامه مقتنع بيدخل وما بيشاور حد
   واللي يخاف ما بيدخل وبيخلي اللي فباله لنفسه وبيشوف الغير تغير حالهم

   اذا تشوف الشي مقنع وبحسابات تجاريه وعارف لانواع التجاره فالامارات وغيرها ولو نسبه خفيفه يعني عندك فكرة فالتجارة والاستثمار بتعرف من وين هالدخل ايي لاصحاب المحافظ ويفيدون غيرهم

   نفس ما انته فاتح محل وحاط عليه 200 الف وشهريا تحصل منه هذا نفس الشي تحط مبلغ وتحصل عليه شهريا والتجاره ربح وخساره ودامك بتابع شغلك وحلالك ما اظن تخسر وتوكلوا على الله فكل شي

   والمحافظ صراحه من ناحيتي انا تقدر تغير ظروف اشخاص

   واذا لا سمح الله خسرت المحافظ عليها انها ترد ما بقى عندها للمستثمرين وما اظن خسارتهم يعني ما تغطى راس المال للمستثمر المشارك معاهم

3. السلام عليكم ورحمة الله وبركات
   يا اخواني واخواتي الاعزاء
   هل احد منكم يتذكر
   الشركات التالية
   1-شركة الوفاء في رأس الخيمة وصاحبها شخص غني عن التعريف ومن الاسر الحاكمة
   2-شركة البحر في دبي
   3-شركة بان اسيان في الشارقة
   الشركات الثلاث نفس الاسلوب طبعاً من عشرة سنوات واكثر
   كانو يدفعون للمستثمرين من10%الى7%
   واعرف اشخاص عدة اللي راحت حلالهم عند الشركات
   خصوصا الوافدين اودعو حلالهم عند الشركات وحطو رجل على رجل وقالة احنا ما في داعي نشتغل
   واعرف عدة حالات ايتام والله مساكين للان ما محصلين حلالهم
   من الاشخاص اللي اعرفهم كان لي زميل عمل دائماً ينصحني يا فان حط مبلغ واستفيد
   لكن انا كنت شاك في الموضوع ولله الحمد ما حطيت ولا درهم عندهم
   صاحبي كل شهر كنت اسأله كم الاربا نزلو لك
   مثلاً في شهر يقول7854.25فلس
   طبعاً هو كا مستثمر 100.000درهم
   يعني اكثر من 7%
   شهر الثاني يقول8523.15
   يعني كان ينزلون له بالفلس وكا يقول شوف حسابهم كيف نظيف
   بعد فترة دخلت علي المكتب قلت يا فلان شو اخبار الشركة قال ها الشهر الارباح نازلة مثلاً 4000درهم
   شهر اللي بعدة قال تأخر الارباح
   وشوي شوي لما راحت عليه حلاله
   يعني اللي استلمةنص مبلغه ما استلم
   وفي زميل ثاني لي الله يرحمه الان توفى
   تسلف من البنك واودع عندهم قال انا اقساط البنك من ارباحهم اعطيهم ووالباقي في جيبي
   مسكين دفع كله من جيبة
   وفي النهاية يا اخواني هذه الشركة نفس الشركات اللي تكلمت عنهم
   بذكركم قريباً وليس بعيداًِ

4. ابله واشرب ميته ؟؟؟

   اخوي هذا شيك كيف ابله واشرب ميته ؟ هو على كيف عابد البوم يعني ؟ رئيس المصرف المركزي ما يقدر يقولي بل الشيك واشرب ميته ،، لو عندي شيك من حلج راعيه بطلع قيمته !!

   عموما خلنا من سالفة بله واشرب ميته وياليت ياخوي تكلمنا بمستوى نقدر نفهمك فيه لانا حاليا نتكلم بموضوع حساس وخطير ،،

   بس ابا اسألك كذا سؤال ،، الاول بخصوص انك تحط عندهم مبلغ ودام الشركة قائمة وربحانه فانت بالتالي ربحان ،، ويوم تبغي تسحب فلوسك تفضل خذها ،، صح ؟ مب هذا كلامك ؟ زين تقدر تقولي عيل شو الفرق بينها وبين بنك اتس اس بي سي مثلا ؟ او ستي بنك ؟ ترا نفس الشي لو حطيت رصيدك عندهم تراهم يعطونك فوائد ،، ووقت ما بغيت تاخذ فلوسك تاخذها صح ؟ عيل ليش مسمينها بنوك ربوية ؟؟؟؟؟؟؟؟؟؟؟؟

   فيدني واللي يرحم والديك لان الامور عندي ما تنأخذ بهالسهولة ( شرب الماي ) !!

   سؤالي الثاني بسألك اياه ،، الحين انته تقول الشيك بله واشرب ميته ( ولا جنه في بلاد فيها قانون !! ) بس فلنفرض الحين انا ييت وقالولي الشيك هذا يا طويل العمر تفضل خذه ضمان لك ،، لكن بصراحه لو خسرنا ترى الشيك هذا ” خرطي ” !! يعني بله واشرب ميته ،، والا ما يقولون لك جذه هم ؟

   زين لو ما يقولون لك جذه ،، عيل ممكن تفهمني كيف احط فلوسي وشقاي ورزقي ورزق عيالي بيد ناس بأي لحظة ممكن يقولون لي ” روح مناك بل الشيك واشرب ميته ” ؟؟

   بانتظار جوابك اخوي ،، ما تدري يمكن اقتنع اني احط مليون درهم في البوم وكل شهر يعطوني 50 الف وعقب سنة القاهم يالسين في سويسرا والشركة تسكرت لانهم خسروا ،، فبالتالي اروح وابل الشيك واشرب ميته وافرح انا بالربح 50 الف درهم × 12 شهر = 600 الف درهم بدال مليون ” وتعطيل راس مال قيمته مليون درهم لمدة سنه كان ممكن استغله في مليون شغله ثانيه ” !!

   أخوي عزيز رد الرحمن في صدرك أول شئ , وأنا بخليك تفهم الموضوع بناءاً على المعطيات و لا تعطيني الغاز مرة وحدة شيخي المحترم … إنته يوم تروح للشركة المعنية وتقول بلغة عفوية بحته أبغي ياجماعه أحط عندكم مبلغ معلوم وأبغي آخذ أرباح شهرياً حلو … يطلعون لك يا حلو عقد إستثمار بالمبلغ المتفق عليه لاحظ كلمة(إستثمار) قانونياً وعقلانياً الإستثمار شيء غامض يعني ممكن ربح وممكن خسارة خلنا نتفق على هذا الشيء بمعنى طول مالشركة تربح إنته راح تحصل ربح نتيجة الإسثمار و طول مالشركة خسرانة إنته يمكن ماتحصل حتى راس المال ليش ؟ لإنك ياخوي رضيت بعقد الإستثمار في السابق … وبعدين يعطيك عقد ثاني هو عقد إتفاقية مرتبط على عقد الإستثمار بينك وبين الشركة المعنية في الإتفاقية نفسها فيه بندين يقول الأول فيهن يقر الطرف الأول (إلي هو راعي الشركة) بأنه إستلم مبلغ متفق عليه فيما بينكم لتوظيفه في (إستثمارات) العقارات لمدة سنة . لاحظ إستثمارات مره ثانية.
   البند الثاني وهو مكمل للبند الأول يقول فيه حرر الطرف الأول للطرف الثاني شيك برقم كذا كذا صادر من بنك فلاني بالمبلغ المدفوع بتاريخ مؤجل لمدة سنة يبدأ من تاريخ توقيع العقد. إنته بتقول ألحين وين المبدأ إلي يخليني أبل الشيك وأشرب ميته ,,, خلني بحكي لك قصة صغيرة توصل المعلومة بطريقة حلوه ,,,
   لنفترض إنه الشركة خسرت وسرت إنته يالفقير المسكين بتسحب الفلوس مثل ما إنته متوقع إنه ينصرف يطلع الحساب بلا رصيد طبعاً مثل أي واحد بتروح وتشتكي حالك حال أي واحد حاط فلوسه فيها وبتدخل في معمعه لها أول مالها آخر طبعاً بيعممون على الريال الطيب الي وقع لك الشيك بيقولون له تعال يافلان كيف تكتب شيك بلا رصيد بيقول والله ماحصل إنته بتستغرب وبتقول هذا يتمصخر عليه ولا شو بيقول هو هذا يا طويل العمر والسلامة مبلغ حطه هذا الريال عندي للإسثمار وعندي مايثبت ذلك (تذكر العقد إلي وقعته و الإتفاقية) وإنه معنى كلمة إستثمار معناها تقبل الربح والخسارة في اي حالة كانت, إنته هنيه بتقول برفع قضية وفعلا ً هذا إلي بيستوي وبتسير وبترد وكل محامي بتدخل عنده بيقولك بالفم المليان على قولت أخوانا المصريين ياخي قضيتك مالها أي أساس تستند عليه ليش ؟ لإنه لو رفعت قضية بيستدعون الريال إلي هو راعي الشركة المعنية بقولون ماردك على كلام خصمك إلي هو إنته على مانسبه إليك وإنه يطالبك بفلوس بيقول هذا الريال الطيب حط عندي فلوس (للإستثمار لمدة سنة) لاحظ إستثمار مرة ثالثة وأنا عطيته هذا الشيك مؤجل بعد سنة في حال لو الله أراد وقدر وكسبنا عطيته أرباح مقابلها وبعد سنه يسبحها لو بغاها او اي وقت طول ما نحن ربحانين و لكن لو ربك ماقدر وخسرنا ؟؟؟ هنا إنته ترجع وتلعن الساعة الي وقت فيها عقد فيه كلمة إستثمار,,, عقد إستثمار معناه يافلان شل فلوسي وشغلها إذا ربحت تراك بتعطيني أرباح و إذا كنت خسران تراني راضي بالخسارة معك لأني وقعت معك عقد إستثمار وتتصرف في المال كأنك مالكه ,,, عندها سترضى بالأمر الواقع وبتغني أنا أستاهل كل إلي جرالي …. ألحين ردي على أسئلتك بخصوص الفرق بينها وبين البنوك الربوية :
   1- إنته حطيت فلوسك عندهم (وديعة) يعني أمانه.
   2- ليش تستوي ربوية لأنها من أساس التعامل ربوية كفوائد السلفيات و الكريدت كارد إلخ … لأنهم ياخذون الأمانة و يشغلونها بطرق ربوية و يردون لك راس المال و فوقهن بوسه إلى هي الفوائد.

   سالفة بله وإشرب ميته وكأن البلد مافيها قانون لأ شيخي إنته بتشرب ميته وبالقانون والله يخليلنا القانون ويحفظ لنا الأمن والأمان في هذا البلد … إنته ماتذكر يوم وقعت الإتفاقية إلي فيه البند الثاني يقول حرر الطرف الأول شيك رقمه كذا مؤجل بعد كذا إلي يطلع هو في النهاية مبلغ الإستثمار إلي إنته نفسك رضيت بأن يكون هذا المبلغ قابل للربح و الخسارة بتوقيعك عقد الإستثمار حصل ولا ما حصل ؟ عندها صدقني بتحس نفسك أكلت مقلب مرتب على مقاسك مضبوط (بالقانون) عندها بيقول لك القاضي القانون لا يحمي …….. حاشاك و إخواننا القراء…

   وعلى طاري الشيك الي طلع خرطي ترى الشركة تقولك هذا الكلام ولكن بالقانون والمتمحور بكلمة إستثمار …

   الشغلة أعتقد ألحين صارت واضحة المعالم نسبة غير محددة و راس مال غير مضمون إذاً إستفتي قلبك لا تدور حد يفتي لك …

   أتمنى إني أكون كفيت و وفيت وإذا تبى شرح أنا حاضر وممنون …

5. ابله واشرب ميته ؟؟؟

   اخوي هذا شيك كيف ابله واشرب ميته ؟ هو على كيف عابد البوم يعني ؟ رئيس المصرف المركزي ما يقدر يقولي بل الشيك واشرب ميته ،، لو عندي شيك من حلج راعيه بطلع قيمته !!

   عموما خلنا من سالفة بله واشرب ميته وياليت ياخوي تكلمنا بمستوى نقدر نفهمك فيه لانا حاليا نتكلم بموضوع حساس وخطير ،،

   بس ابا اسألك كذا سؤال ،، الاول بخصوص انك تحط عندهم مبلغ ودام الشركة قائمة وربحانه فانت بالتالي ربحان ،، ويوم تبغي تسحب فلوسك تفضل خذها ،، صح ؟ مب هذا كلامك ؟ زين تقدر تقولي عيل شو الفرق بينها وبين بنك اتس اس بي سي مثلا ؟ او ستي بنك ؟ ترا نفس الشي لو حطيت رصيدك عندهم تراهم يعطونك فوائد ،، ووقت ما بغيت تاخذ فلوسك تاخذها صح ؟ عيل ليش مسمينها بنوك ربوية ؟؟؟؟؟؟؟؟؟؟؟؟

   فيدني واللي يرحم والديك لان الامور عندي ما تنأخذ بهالسهولة ( شرب الماي ) !!

   سؤالي الثاني بسألك اياه ،، الحين انته تقول الشيك بله واشرب ميته ( ولا جنه في بلاد فيها قانون !! ) بس فلنفرض الحين انا ييت وقالولي الشيك هذا يا طويل العمر تفضل خذه ضمان لك ،، لكن بصراحه لو خسرنا ترى الشيك هذا ” خرطي ” !! يعني بله واشرب ميته ،، والا ما يقولون لك جذه هم ؟

   زين لو ما يقولون لك جذه ،، عيل ممكن تفهمني كيف احط فلوسي وشقاي ورزقي ورزق عيالي بيد ناس بأي لحظة ممكن يقولون لي ” روح مناك بل الشيك واشرب ميته ” ؟؟

   بانتظار جوابك اخوي ،، ما تدري يمكن اقتنع اني احط مليون درهم في البوم وكل شهر يعطوني 50 الف وعقب سنة القاهم يالسين في سويسرا والشركة تسكرت لانهم خسروا ،، فبالتالي اروح وابل الشيك واشرب ميته وافرح انا بالربح 50 الف درهم × 12 شهر = 600 الف درهم بدال مليون ” وتعطيل راس مال قيمته مليون درهم لمدة سنه كان ممكن استغله في مليون شغله ثانيه ” !!

   ياعزيز ابكل حالاتي انته تبى ضرابه ولا قصدك تفهم وجهات نظر الناس..!!!!!!!!!
   ياخي لاتحط فلوسك عند عابد البوم الريال غني عن فلوسك بس لا تتبلى على الريال . المحفظه مفتوحه من 3 سنوات ( يعني مافلو سويسرا ) وانا اعرف شباب عند عابد من سنتين وبعدهم وياه حتى بعد تخفيض النسبه.

   وبعدين انته حاط اسمك عزيز ابكل حالاتي بس ماشوفك عزيت نفسك عن الطنازه على الريال .
   خلو حواركم راقي او الزمو الصمت .
   وبعدين عابد بس تحت اسمه اكثر من 40 سياره منهن 3 رنجات اسبورت وسيارات هاي كلاس .

   اسمحولي

Comments are closed.