السلام عليكم ورحمة الله وبركاتة
كانت اليوم لي زيارة مع عائلتي لي محمية الوادي التي تقع على شارع الامارات باتجاه دبي راس الخيمة عند المخرج 113 طبعا المكان ما عليه كلام من ناحية المتعه ولكن حدث شي مفجع وهو ان اثناء ما كان الاطفال يقومون برقصة اليوله سقطت بندقية على رأس أحد الاطفال مما سبب نزيف حاداً حاول كثير من الزائرين مساعدة الطفل وتم نقلة الى المستشفى ..
بصراحة الموقف كان واااايد يعور القلب الولد راسه ينزف ويربطون راسه بغتره عشان يوقفون النزيف والناس متجمعه عليه ويدورون أهله …
ولكن تكمن المشكلة في ان مكان مثل هذا فيه الكثير من
الألعاب التي قد تسبب خطر او اصابة لأي زائر لا يوجد فيه مسعف او نقطة اسعاف او اتصال مباشر مع اقرب مستشفى وربما ان هذه المشكلة تكمن في كثير من الاماكن الترفيهية
الألعاب التي قد تسبب خطر او اصابة لأي زائر لا يوجد فيه مسعف او نقطة اسعاف او اتصال مباشر مع اقرب مستشفى وربما ان هذه المشكلة تكمن في كثير من الاماكن الترفيهية
لذلك نناشد ان تكون نقاط الاسعاف شرط اساسي لاعطاء تصاريح مزاولة هذه الانشطه
بصراحه لازم في كل مكان يتواجد بها الناس … لازم يكوون في أسعاف
تعرف ماتعرف شو يصيب البني ادم … وأنا أناشد بوضع سيارات الأسعاف والشرطه في خط الجامعه
لان بصراحه يعورني قلبي كل أسبوع يتوفى شاب بعمر الزهوور
الله يرحمهم …
بصراحة انا وايد استغربت ان المكان ما فيه حتى مسعف جان على الاقل اسعف الولد وحطله شاش على راسه مب ربطوا راسه بغتره..
وانا اشوف من الضروري وضع سيارة اسعاف على الاقل وقت الإجازات في مثل هاي الاماكن الترفيهيه المكتظه بالزائرين..
الله يحفظ الجميع
والله ملاحظه في محلهااا…
انزين عنبووه مسوي هالحساير ودافع هالفلووس عشان هالمكان الترفيهي ما قدر ايب واحد من هالفلبينو يكون يعرف الاسعافات الاوليه ويشتريله شنطه اسعافات اوليه شاش وادويه ومستلزمات الاسعافات الوليه وفك عمره من كل شي
اعتقد ما بيكلفه شي..
اتمنى توصله هالمحلاحظه راعي الوادي
صدقج ظروري يحطون نقطه اسعاف لان لو لاحظتي في منطقه ورا المخيم بس للدراجات والاطفال يلعبون فيها بشكل فضيع
يعني واحد عمره 10 عاطينه من هالدراجات الكبر ويلعب فيه وغير السيارات اللي ماتهتم وتلقينهم يرقون والعيال يلعبون يعني
اتوقع في يوم من الايام نسمع بحادثه دهس في هالمكان بالذات !!!( الله لا قال والله يسلم كل المسلمين )