يعني عصفورين بحجر..
ولكن اكتشفت اني اكتسبت فايده ثالثه ما كانت بالحسبان يعني طلعت مجانا واللي هيه الشعور بالسعاده والونسه نتيجة الاختلاط بالناس تحس بالراحه يوم تمر عليك وجوه جديده وابتسامات مختلفه وعيون حلوه وعيون خجوله تشوف صغير يلعب بكل عفويه ودك لو ترد صغير تلعب وياه
وتشوف شيبه عايش الوضع باستغراب وتقول رب اعف عنه وعافه في بدنه ويمرون عليك ريال وحرمته في قمة السعاده والانسجام وتقول اللهم ارزقهم الذرية الصالحه وناس وناس تمر عليك ولولا مرورهم وتجدد اختلافهم في نفس المكان لصار هالمكان زواياه ميته والدخول اليه ممل..
اكثر ما حز في خاطري ودخل على نفسي البهجه والسرور واحس فيها لين هاللحظه اللي اكتب فيها الموضوع
يوم كنت طالع عند آخر بابين من المول وهالبابين ينفتحون يدوي كان جدامي شيبه وعيوزه من الجنسيه الهنديه وفي ايديهم اغراض
العيوز تمشي جدام والشيبه ورا وكانوا يمشون بصمت ومنزلين روسهم تحت
في الباب الاول فتحت العيوز الباب ولكن حسيت انها فتحته بصعوبه
بين البابين تجاوزتهم وفتحتلهم الباب مع ابتسامه عريضه وتحية الاسلام
رفعوا الشواب روسهم وابتسموا وردوا السلام وقالولي شكراااا
حسيت انها نظراتهم وهم يطالعوني كلها عرفان ودعوات طيبه من القلب نظراتهم كانت حلوه وغريبه حسيت منها بسعاده غامره ما فارقتني ليل الحين شو السر ما ادري ولكن اكيد انه اكبر سر هوه مخالطة الناس والتعايش وياهم من زوايا الاحترام والطيب والتقدير للصغير والكبير اتمنى انكم تعيشون التجربه …
شعور حلو ,,, والاحلى انك خلقت لك السعادة من شي قد يكون عاادي وطبيعي يمر علينا كل يوم في حياتنا ..
انا ما احس بالسعادة ولا الراحة من مخالطة الناس … لانه مع الناس ما اكون على طبيعني ,, ولابد من ارتداء الاقنعه ,,
لازم تبتسم واتجامل حتى لو كنت من الداخل تحترق … الراحة الحقيقية يوم اكون جالسة لحالي ,,,,
موفق بإذن الله … لك مني أجمل تحية .
آآآآآمين
وجزاك الله الفردوس الاعلى قول آآمين
.
.
.
اخوي المد الأحمر
انا مستحيل ارتاح نفسيا في المولات مادري ليش !!!
ولكن ماقصرت يوم فتحت لهم الباب، هذي هي أخلاق الرجل المسلم لأن ديينا يأمرنا و يحثنا على الاحسان للناس
مهما كانوا
جزاك الله الجنة قول آمين
الاحسان الى الناس بأي شكل كان اذا كان نابعا من القلب وخالصا لوجه الله فانه يدخل السرور والبهجة الى نفس الانسان ويجعله يحس بأحاسيس ليس لها مثيل.
اكيد يا يا فاير ستار….
والله يديم عليك النعمه والسرور
شـكــ وبارك الله فيك ـــرا لك … لك مني أجمل تحية .
مشكور اخوي عادل على مرورك الكريم
شـكــ وبارك الله فيك ـــرا لك … لك مني أجمل تحية .
شـكــ وبارك الله فيك ـــرا لك … لك مني أجمل تحية .
ولك الشكر اخوي دبور من زمااان مفتقدينك في العام ان شاء الله المانع خير
يزاك الله خيير
ويزاك الله الجنه يا دقات قلب
احساس السعادة يخالج الشخص فينا ان كان سعيد وان نظر للدنيا بعين من التفاؤل والامل …
السعاده ان كانت داخلنا راح تنعكس حولنا وبنشوف العالم كله يضحك وسعيد …
لكن لو كنت حزين بتلاحظ من لعب الاطفال حزن للوالدين لحالهم بالمختصر يمكن تلاحظهم من بعيد ع الكرسي يملاهم الحزن والكآبه
ومن الزوجين بتحس بشعور غريب فيه الفتور ويمكن الخيانه
ومن العجوزين الندم ع العمر اللي قضوه يمكن بجنب بعض وع الحياه الجميله اللي ما عاشوه
فالسعيد بحياتنا يشوف الدنيا سعيده ….
والكئيب يشوفها موحشه وظالمه …..
اشكرك ع الطرح
واشكرج اختي بنت الشواهين على المرور وهاي وجهة نظرج في الحياة وانا احترمها
حلو يوم يكون في حركه واجواء مرحه لكن مب في كل وقت ومكان
انا اذا سرت المول وشفت زحمة مول ما ارتاح
وانا ما ارتاح الا في الزحمه هههه
مشكوره اختي زهره على المرور
حلو يوم يكون في حركه واجواء مرحه لكن مب في كل وقت ومكان
انا اذا سرت المول وشفت زحمة مول ما ارتاح