مخالفات سالك !!

39 thoughts on “مخالفات سالك !!”

1. تبا تجدد الموتر او تبا تجدد الليسن

   او تبا تشتري موتر يديد

   وارقامك كلها بوظبي

   وعليك مخالفات سالك

   لابد من الدفع

   تأكدنا من الموضوع اليوم

   اشكر الجميع وللأسف الإعتراض يمكن يرتفض

   ولابد ندفع

   خلاص دبي بنسرلها بالتكسي او ما بنسير لها

2. ماعتقد ان شاء الله لأنة سالك محلي -خاص ب امارة دبي فقط ومالها خص باقي الامارات بهالشي ولا هية ملزومة تاخذ فلوس من الناس اللي باماراتها

   ملزومة لان في توقيع اتفاقية بين هيئة الطرق ووزارة الداخلية..لا وبتاخذ بأثر رجعي بعد..يعني من اول مخالفة تسجلت..

   وزارة الداخلية تتولى تحصيل قيمة المخالفات لنظام “سالك” والمواقف الخاضعة للرسوم في دبي

   وقعت وزارة الداخلية في الامارات اتفاقية مع هيئة الطرق والمواصلات في دبي تقوم الوزارة بموجبها بتحصيل قيمة المخالفات المحررة لنظام التعرفة المرورية “سالك” والمواقف الخاضعة للرسوم على المركبات المرخصة من قبل إدارات المرور والترخيص بالدولة وذلك عبر منافذ الخدمة التابعة لها على مستوى الدولة، وتنص الاتفاقية على أن تقوم وزارة الداخلية بتحصيل قيمة المخالفات المحررة لنظام التعرفة المرورية “سالك” والمواقف الخاضعة للرسوم على المركبات المرخصة من قبل إدارات المرور والترخيص بالدولة عبر تزويدها بالمخالفات المحررة إلكترونياً من قبل هيئة الطرق والمواصلات في دبي أو عن طريق تقنية الربط الإلكتروني المباشر بين الهيئة ووزارة الداخلية.

   وزارة الداخلية تتولى تحصيل قيمة المخالفات لنظام “سالك” والمواقف الخاضعة للرسوم في دبي | مواصلات ولوجستيات | AMEinfo.com

3. الله يعينك..ويعين اللي عليهم مخالفات سالك…وايدين مظلومين في سالفة مخالفات سالك ..اللي عشرين الف واللي ثلاثين الف ووايد ناس اشتكت في الجرايد..واغلبهم عندهم حساب سالك لكن في سوء فهم..مثل اللي بايع الموتر وشال الستيكر وحاط على موتر ثاني..او ستكير ملصق بس ما يلقطه سالك…الخ

   بس للاسف هيئة الطرق ادراتهم مب مرنة خاصة اذا السالفة فيها فلوس..هم صح والناس ما تفهم شي….يتعاملون معاك كانك ماخذ سلف من عندهم

4. مورور بوظبي ما ييدد السياره اذا عليها مخالفات سالك
   لازم تدفع مخالفات سالك اول عقب ييددون السياره
   سووها في خويي يوم سار ييدد سيارته مع ان عنده سالك من اكثر من سنه بس سالك قالوله انك انت ما فعلت حسابك!!!!!!!!!
   لازم تفعل حسابك وهذا شي اول مره اسمعه وسوا اعتراض بس ماشي فايده ………… ودفعهن
   وبعد الحين يوم يشيك عالمخالفات مخالفات سالك بعدها موجوده بس زين انه عنده الايصالات

   واللي اعرفه انه الواحد يركب سالك وهم يسوون كل شي وهذا اللي انا سويته في ثلاث سيايير
   والحمد لله كل شي اوكيه لا ومخالفات ولا شي

5. ماعتقد ان شاء الله لأنة سالك محلي -خاص ب امارة دبي فقط ومالها خص باقي الامارات بهالشي ولا هية ملزومة تاخذ فلوس من الناس اللي باماراتها

   بو عسكور .. انا ما قدرت اسجل سيارة بأسمي لانه عليه مخالفات ..
   صدقه الريال لازم تدفع مخالفات سالك عسب تسجل

   قبل فترة كان هالشي عادي حتى الموظفة قالت اذا حاب تدفع على راحتك يعني عادي مش ضروري ..
   بس اظن مطلع السنة اليديده طبقوا القرار و صار الموضوع انه لازم تدفع يمكن من عقب ما شملوا تجديد ملكية السيارة ان كانت صادر بوظبي ولا دبي ما تفرق

   على العموم الحذر يا شباب 100 بالاسبوع ابرك من 200 ولا 400 على كل بوابة =)

Comments are closed.