السلام عليكم
الحين انا عندي مخالفات سالك أكثر من 13 مخالفة
انا من بوظبي ومب مركب سالك على الموتر 
الحين طلعت المخالفات لسالك
سويت اعتراض على بعض منهن تم الرفض
وقبل شويه سويت على الباقي
ان تم الرفض بعد على الإعتراض شو الحل ؟؟؟
المشكله ما تقدر تكتب ليش إعتراضك اللهم بس تختار من اختياراتهم ولا وحده مناسبة لحالة موترنا
فاللي يعرف يخبرنا يسوي فينا خير
واللي يعرف كيف نجدد المواتر من دون ما ندفع مخالفات سالك بعد يخبرنا 
دمتم بود
وهل من الضروره أن نتبع الدول الأوربيه والأسيويه في كل شيء….وما أظن إنه حل الأزمات المروريه بالشكل المطلوب… والان طالما موجود علينا الحذر قبل الدفع…
3984 حدثنا أبو بكر بن أبي شيبة حدثنا يزيد بن هارون عن محمد بن عمرو عن أبي سلمة عن أبي هريرة قال قال رسول الله صلى الله عليه وسلم لتتبعن سنة من كان قبلكم باعا بباع وذراعا بذراع وشبرا بشبر حتى لو دخلوا في جحر ضب لدخلتم فيه قالوا يا رسول الله اليهود والنصارى قال فمن إذا * ( حسن صحيح )
السلام عليكم ورحمة الله وبركاته
مستغرب من بعض ردود الاخوان .. وكأن سالك اول نظام تحصيل رسوم عالطرق في العالم .. ولاجنه موجود في اغلب الدول الاوربيه والاسيويه … ونسير هناك ونحن فرحانين بالتطور والنظام وندفع
… بس يوم صار في بلادنا استغربنا منه!!؟
والاغرب من ردود الفعل الحاليه ..وجنه توه ينحط في دبي قبل اسبوع!!!
– ولا جنه تم البدء في تشغيل الخدمه في يوليو2007 !!!…
-ولا مع ما سبقها من اعلانات في كل الجرايد ووسائل الاعلام الاخرى عن ضرورة وضع ملصق سالك على اي سياره تمر من تحت البوابه …
-ولا ومع ما سبقها من لوحات ارشاديه على كل مداخل ومخارج الشوارع في دبي واللي توضح بعد البوابه بالكيلومتر وتوضح اتجاهات المسارات المجانيه …
– ومع كل هذا … تم الغاء مخالقات اول شهر مادري اكثر بعد …من بدء تطبيق النظام …
-والتاكيد للجميع ان المخالفات تشمل جميع المركبات بغض النظر عن مصدر تسجيلها.. وان مسأله ربط نظام سالك مع انظمة المرور الاتحاديه ووزارة الداخليه … هي مسألة وقت لا اكثر .. والكل كان يشوف المخالفات موجوده على سيارته بس قبل الربط كان يتحرى ان المخالفات راح تنلغي !!! كيف تنلغي وغيره في دبي يدفع كل يوم !!!؟
– ولا جنه تم الاعلان عن الربط في شهر فبراير من سنة 2009 بين نظام سالك في هيئة الطرق وبين وزارة الداخليه…
وصار له للحين من 2007 شهر يوليو .. لين 2010 شهر فبراير … اكثر من سنتين وثمانية شهور !!!!؟؟؟
سالك خفف الزحمه ولو بشكل نسبي .. والناس اللي ساكنه دبي او الشارجه وتمر بشكل متواصل بين المدينتين بتعرف الفرق … وانا من الناس اللي يشجع على وضع بوابات اضافيه لسالك بس بشرط (( وجود طرق بديله اكثر مجانيه: مثل دبي العابر وابقاء شارع الامارات مجاني ايضا)).
مع كامل احترامي لكل الاخوان اللي شاركوا في الموضوع … او اللي بيردون عقبي
والسموحه من الجميع …
عنبوو الشوارع بفلوووس
هههههههههههههه
وين عايشين حمدالله الخير وايد …
قلنا رادارت يمسكن ع سرعه 60 ف خط ند الشبا قلنا حليلهم يدارون ع صحتنا ومايبولنا الحوادث ..
لكن بعد ع الشوارع فلوس
خلاص أسموحه منج دبي مابنيج مره ثانيه
هههههههههههههه
فلوس + فلوس+ فلوس
لازم تدفع
حد يقول مخالفات ارقام بوظبي مب لازم تدفعهن وحد يقول لازم يندفعن
آآآآآآآآآآآآآآآآخر كلام يوم اجدد ملكية ارقام بوظبي لازم تدفع المخالفات ولا ؟؟؟؟؟؟؟؟؟؟؟؟؟؟؟؟؟؟